Луу жилтний 2022 оны зурхай

Луу жилтнүүд: 1928, 1940, 1952, 1964, 1976, 1988, 2000, 2012

Луу жилтний ерөнхий зурхай

Луу жилтнүүд хүч чадалтай, удирдагчид байдаг. Тэд хүнд муу зүйл хийдэггүй. Гэхдээ тэд түргэн зантай. Тэднийг жаахан дарамтлах эсвэл хуурахад тэд шууд ил бодсоноо хэлдэг. Бусад тохиолдолд тэд их өгөөмөр, өглөгч, найзуудаасаа юу ч харамладаггүй. Тэд өөрсдөддөө мөнгө хэмнэдэг ч, гэр бүлдээ хамгийн сайн сайхныг зориулдаг. Луу жилтнүүд үргэлж бусдын бат бөх ар тал болж, эргэн тойрноо хайр халамжаар дүүрэн байлгадаг. Ганц сул тал нь тэд гэр бүлийхээ төлөө юу ч хийхэд өөрсдөө бэлэн болхоор бусдаас бас яг тэрийг хүсдэг. Харьцааны тал дээр хамгийн их шаардлага тавьдаг хүмүүс. Юмыг шүүмжлэх их дуртай.

Ажилдаа амжилт амархан олдог. Төрөлхийн илтгэх урлагийн авьяастай, тиймээс багш, сэтгүүлч, улс төрч их болдог. Үргэлж юмыг төгс төгөлдөр байлгах гэж, дэлхий ертөнцийг сайн тал руу нь өөрчлөх гэж эрмэлздэг.

2022 оны хамгийн чухал үе нь зун. Энэ үед залхуурах хэрэггүй, ажилын хувьд нөлөө бүхий хүмүүстэй танилцах боломж их байна. Намрын сүүлийн саруудад өөр улс орноор аялах, бүр тийшээ нүүж амьдрах магадлалтай. Ажилын хувьд тэд шинэ санал хүлээж авах, илүү цалин сайтай ажилд орох боломжтой. Бизнес эрхэлдэг луунуудын хувьд асуудалд орохгүйн тулд бичиг баримтаа сайн шалгах хэрэгтэй.

Хайр дурлалын хувьд энэ жил гадаадад романтик аялал хийх, тэнд хань ижилтэйгээ учирах боломжтой. Ялангуяа 6-р сар, 9-10 сард магадлал өндөр байна.

Эрүүл мэндийн хувьд 2-р сард архаг өвчин сэдрэх магадлалтай.

 

Эх сурвалж: www.sputnik.ru

З.БАТЦЭЦЭГ

Зууны мэдээ сонин