Хөлбөмбөгийн талбайн хэмжээтэй астероид дэлхий рүү ойртож  иржээ

Өчигдөр буюу 2-р сарын 8-нд  "2007 UY1" хэмээн томъёологдсон  астероид /жижиг гариг/ дэлхийд ойртож  манай гаригаас ердөө таван сая гаруй километрийн зайтай өнгөрчээ.  Энэ нь ойролцоогоор  дэлхийгээс сар хүртэл  14 зайтай тэнцэж байгаа гэсэн үг юм. /Дэлхийгээс сар хүртэл дунджаар 363 104 км/  Энэ тухай НАСА-гийн мэдээлжээ. 

Сансрын энэ биетийн диаметр 150 метр хүрч байв. Хэрэв ийм хэмжээний биет манай гаригтай мөргөлдвөл  онолын хувьд эх дэлхийд маань ноцтой хохирол учруулж болзошгүй гэсэн үг юм. Гэсэн хэдий ч  энэ астероид  аюултайд тооцогддоггүй. Учир нь одоогийн тооцооллоор бол хэзээ нэгэн цагт дэлхийтэй мөргөлдөх онолын магадлал маш бага байгаа юм.

Нэмж дурдахад "2007 UY1" нь астероидын Атон бүлэгт багтдаг, өөрөөр хэлбэл түүний тойрог зам нь дэлхийн тойрог замыг дотроос нь огтолдог. "2007 UY1" астероидыг анх 2007 онд илрүүлсэн. 

Сансар судлаачдын анхааруулж байгаа өөр нэг астероид бий.  Урьдчилсан тооцоогоор  2029 оны хавар "Апофис" астероид нь геостационар хиймэл дагуулын тойрог замын өндөртэй дүйцэхүйц  хэмжээний маш ойрхон зайд дэлхийд ойртоно гэжээ. Харин  "Роскосмос" үүнийг  дэлхийтэй мөргөлдөх магадлалыг "маш бага" гэж үнэлжээ.

Өөр бас нэг сансрын биет "2022 AE1" астероидыг 2023 оны 7-р сарын 4-нд  дэлхийтэй мөргөлдөх магадлалтай гэж тооцож байгаа юм.

Энэ оны 1-р сарын 6-нд АНУ-ын Аризона муж дахь одон орон судлалын Маунт Леммон ажиглалтын төвд хийсэн судалгаагаар олдсон 2022 AE1 астероид нь дэлхийтэй мөргөлдөх хамгийн өндөр эрсдэлтэй гэж эрдэмтэд үзэж байна.  

Энэхүү астероидын  хэмжээ нь таамаглаж буйгаар  "Тунгусын  солир" -ын хэмжээтэй харьцуулж болохуйц буюу 70 орчим метр аж.  Хөдөлгөөний хурд секундэд 19.83 км. Гэхдээ эрдэмтэд мөргөлдөх магадлалыг 1700-д  нэг гэж тооцдог.