ОХУ-д "унасан" рублийн урсгал Монголооос ам.доллар татсаар байна уу


3-р сарын 10
7 цаг 52 минут

Орос Украины дайнтай холбоотойгоор ОХУ-д олон улс, тэр дундаа Европын холбооны зүгээс эдийн засгийн хэд хэдэн хоригийг тавиад байгаа билээ. Үүнээс үүдэж ОХУ-ын үндэсний мөнгөн тэмдэгт рублийн нэг ам.доллартай тэнцэх хэмжээ хоёр дахин нэмэгдээд байна.

Тэгвэл энэ үйл явдалтай давхцан Монгол Улсад ам.долларын ханш өссөөр байгаа нь анхаарал татаж эхэллээ. Ханшийн энэ өсөлт явсаар тун удахгүй нэг ам.доллар 3000 төгрөгт хүрэх нь энүүхэнд байна. Түүгээр зогсохгүй ОХУ-д унасаар байгаа рублийн ханш манай улсад тогтвортой байгаад олон нийт янз бүрийн таамаг дэвшүүлсээр байна.

Энэ нь өдөр ирэх тусам ханш нь унаж байгаа рублийг ОХУ-аас манай улсад зөөвөрлөн авчирч, ам.доллараар сольж байж болзошгүй гэх асуудал дэгдээд байгаа юм. Үүнийг батлах нэгэн мэдээлэл өнгөрсөн долоо хоногт цахим сүлжээнд гарсан. Тодруулбал, Монгол Улсаас ОХУ-ын хил рүү гурван тэрбум ам.долларыг бэлнээр гаргасан гэх. Одоогоор энэ асуудал дээр хууль хяналтын байгууллага мэдээлэл өгөөгүй байна.

“Найман шарга” валют арилжааны төв дээр ам.долларын төгрөгтэй харьцах ханш өчигдрийн байдлаар 2880 төгрөгтэй тэнцээд байна. Өмнөх өдрүүдэд 2900 гарч байсан тохиолдол ч бий.

Тус арилжааны төв дээр ам.долларын эрэлт их байгаа ч хомсдолд оржээ. Энэ нь хэд хэдэн шалтгаантай гэдгийг арилжаачид хэлж байв. Тухайлбал, “Найман шарга” төв дээр байрлах банк бус санхүүгийн байгууллагуудын зүгээс ам.долларын ханш эдийн засгийн нөхцөл байдлаас шалтгаалан өсөх хандлагатай тул худалдаанд гаргахгүй байгаа гэх мэдээлэл байна.

Түүнээс гадна рублиэр солих эрэлт ч өндөр буй гэдгийг арилжаачид хэлж байв. Ялангуяа шөнө оройн цагаар гадаад болон дотоодын иргэд рублийг солиулах тохиолдол нэмэгдсээр байгаа аж. Нөгөө талаар арилжааны банкууд ам.доллар дээр тодорхой тооны квот тогтоосон гэх мэдээлэл гарснаас үүдэж валют арилжааны төвийг зорьж ирэх хүмүүс ч бий гэж байна.


Монголбанк: Амолларын ханш нэмэгдэж байгаа нь түр зуурын шинжтэй


Ам.долларын ханш өссөөр байгаа тухайд Монголбанкны зүгээс байр сууриа илэрхийлээд байна. Тус байр суурьт "Олон улсад үүсээд буй тодорхой бус байдлаас шалтгаалан иргэдийн дунд төгрөгийн ам.доллартай харьцах ханш сулрах нь гэсэн болгоомжлол үүсч байна. Үүсээд буй нөхцөл байдлыг Монголбанк түр зуурын шинжтэй гэж харж байгаа бөгөөд төгрөгийн ханш огцом сулрахаас сэргийлэх зорилгоор Монголбанкнаас долоо хоногт хоёр удаа гадаад валютын дуудлага худалдаа, валют арилжааны цахим талбараар банкуудад гадаад валют тогтмол нийлүүлэн ажиллаж байна. Төв банкны гадаад валютын интервенцийн хэмжээ өмнөх жилүүдээс илүү эрчимжсэн бөгөөд энэ нь тухайн үеийн эдийн засгийн нөхцөл байдал, гадаад төлбөр тооцоонд хангалттай хүрэлцэхээр байна. Хэдийгээр Монголбанкнаас нийлүүлж буй гадаад валютын хэмжээ нэмэгдэж байгаа ч Монгол Улсын гадаад валютын албан нөөц 2022 оны нэгдүгээр сарын эцсийн байдлаар 3,945 сая ам.доллар байна. Энэ нь долоон сарын импортын барааны хэрэгцээг хангах түвшинд буюу олон улсын жишиг түвшнээс өндөр дүн.

Төв банкуудын хувьд гадаад валютын нөөцөө чөлөөтэй хөрвөх шинж чанартай, нөөцийн валютаар бүрдүүлдэг. Тодруулбал, АНУ-ын доллар, евро, Японы йен, Английн фунт, БНХАУ-ын юань зэрэг валютаар гадаад валютын нөөцийг бүрдүүлэх нь түгээмэл байдаг. Энэ жишгийн дагуу Монголбанкны хувьд рублиэр гадаад валютын нөөцөө бүрдүүлдэггүй. ОХУ-д үүссэн нөхцөл байдлаас үүдэн рублийн бусад валютад чөлөөтэй хөрвөх чадвар муудаж байгаа энэ үед дээр дурдсан чөлөөтэй хөрвөх валютын нөөцийн валютын эрэлт ОХУ-д өсч байгаа тул ОХУ-тай хийх төлбөр тооцоонд бэлэн рублийн нөөцөөс шалтгаалсан хүндрэл гарахгүй гэж ойлгож болно" гэжээ.

Өөрөөр хэлбэл, төв банк "Олон улсад үүсээд буй тодорхой бус байдлаас шалтгаалан иргэдийн дунд төгрөгийн ам.доллартай харьцах ханш сулрах нь гэсэн болгоомжлол үүсч байна. Үүсээд буй нөхцөл байдлыг Монголбанк түр зуурын шинжтэй гэж харж байгаа" гэсэн нь рублийг ам.доллараар сольж байгаа асуудлыг үгүйсгэхгүй байна.


Р.Даваадорж: Монголоос гадагшаа явах урсгал нэмэгдсэн учраас валют өсч байна


Харин эдийн засагчид энэ талаар ямар байр суурьтай байгааг сонирхлоо. Эдийн засагч Р.Даваадорж ийм байр суурьтай байна.


-Ам.долларын ханш өссөөр байгаа шалтгааныг хэрхэн харж байна вэ. Рублийг ам.доллар болгосоор байгаатай холбоотой гэх мэдээлэл байна?

-Монгол Улс саяхнаас хил гаалиа бүрэн нээж, хүмүүс гадагшаа чөлөөтэй явах боломжтой болсон. Эмчлүүлэх, суралцах, ажиллах гэсэн хүмүүсийн хөдөлгөөн ихэссэн. Үүнийг дагаад валют өсч байгаа юм. Түүнээс биш Орос, Украины дайнтай холбоотой, рублийн ханш унасантай шууд холбож тайлбарлаж болохгүй.

Нөгөө талаар манайд бараа материалын үнэ асар их өсч байна. Инфляци 16.6 хувь болчихоод байгаа. Сар ирэх тусам 2-3 хувиар өсч байна шүү дээ. Энэ нь цаашид валют улам л өсөхийн дохио. Учир нь монголчууд импортоор бүх бараагаа авдаг. Бараа материалын үнэ өсөөд л байвал валют өсч таарна.

-Рублийн ханш ОХУ-д ямар байдалтай байна вэ?

-Орос, Украины дайн эхэлснээс хойш нэг ам.доллар 80 рубльтэй тэнцэж байсан бол одоо 120 рубль болчихоод байна. Энэ нь ОХУ-д тавьсан Европын холбооны олон хоригтой холбоотой. Иргэд, аж ахуйн нэгжүүд нь алдагдлаас сэргийлж валют худалдан авах сонирхолтой байгаа учраас ам.долларын ханш өссөөр байгаа юм.

-Тийм учраас манайхаас ам.доллар рублиэр солих хандлага байгаа юм биш үү?

-Шууд тийм гэж дүгнэх боломжгүй. Мэдээж бид цаашид энэ байдлаар үргэлжилж болохгүй. Үнийн өсөлтийг зогсоох хэрэгтэй. Бид гадагшаа уул уурхайн бүтээгдэхүүнээ чөлөөтэй худалдаж чадахгүй байна шүү дээ. Уг нь валютын ханш өсөхгүй байх боломжтой. Тэр нь уул уурхайн бүтээгдэхүүний худалдаа. Нүүрс гэхэд олон улсын зах зээл дээр 400 ам.доллар, алт 2000 ам.доллар, зэс бүр 10.000 ам.доллар хүрч байна. Манай улсын хувьд маш сайхан боломж. Гэвч Засгийн газар зөв бодлоготой ажиллаж чадахгүй байгаагаас энэ сайхан боломжийг ашиглаж чадахгүй байна.

Ганц жишээ хэлэхэд, манайтай ижил уул уурхайн баялгаараа амьдардаг улсууд бол Чили, Перу. Эдгээр улсуудын гол экспортын бүтээгдэхүүн нь зэс. Тэд ковидын хямралын үеийг ашиглаад зөв бодлого хэрэгжүүлж чадсанаар 2021 оны эдийн засгийнх нь өсөлт 10-11 хувьтай гарсан. Харин манайх 1.4 хувийн өсөлттэй л байна гэв.

 

Б.Энхзаяа



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



66.181.161.67Bi   • 2022, 3 сарын 10. 9 цаг 58 минут

Manaid 3 terbul am.dollar belneer bailaa yu



Шинэ мэдээ

Б.Алтанчимэг: Азийн аваргын тэмцээнээс ихийг сурч, туршлага хуримтлуулсан7 сар 23. 8:31Цаг агаар: Улаанбаатарт өдөртөө 26 хэм дулаан7 сар 23. 8:25Гэр бүл, хөдөлмөр, нийгмийн хамгааллын сайд Л.Энх-Амгалан анхны албан даалгаврыг гаргалаа7 сар 22. 19:51Алтай таван богд хайрхан уулын тэнгэрийг тайх ёслол боллоо7 сар 22. 19:41Чанаргүй, үнэтэй эмийн асуудалд бодит өөрчлөлт хийнэ7 сар 22. 12:01Үерийн 19 дуудлагаар үүрэг гүйцэтгэв7 сар 22. 11:51Цаг агаар: Улаанбаатарт өдөртөө 24 хэм дулаан7 сар 22. 8:26ЭМД-ын шимтгэл төлөлтийн статистик мэдээ7 сар 21. 21:00УИХ-ын дарга Д.Амарбаясгалан Говь-Алтай аймгийн Тайшир сумын 100 жилийн ойн баярт оролцлоо7 сар 21. 20:55Баяр наадмын үеэр сайн дурын 24 ажилтан ГССҮТ-д хөтөч, зөвлөн туслагчаар ажиллалаа7 сар 21. 20:52Монгол Улсын 33 дахь Ерөнхий сайдын тэргүүлэн ажиллах Хамтарсан Засгийн газрын гишүүд7 сар 21. 20:46Төрийн тахилгат Бурхан буудай уулын тэнгэрийг тайх ёслол боллоо7 сар 21. 20:43УИХ-ЫН Тамгын газар: УИХ-ын гишүүдээс орон сууц авах хүсэлт ирүүлээгүй7 сар 21. 20:31Хичээлийн жилийн бүтцийг баталжээ7 сар 19. 16:18УИХ-ын дарга Д.Амарбаясгалан Говь-Алтай аймагт ажиллаж байна7 сар 19. 16:11ЭМД-ын санд 21 сая 219 мянга 403 төгрөгийг нөхөн төлүүллээ7 сар 19. 11:53Туулбаатарын Тэмүүлэн: Наадамчин олон уухайлаад эхэлтэл би зориг орж байгаа юм шиг л болсон7 сар 19. 11:49С.Бямбацогт: Алдаа дутагдал гаргасан бол шударгаар хариуцлагаа үүрдэг хандлага энэ салбараас тод харагдах ёстой7 сар 19. 11:43Хөвсгөл, Сэлэнгэ аймагт ойн түймэртэй байна7 сар 19. 11:27Умайн хүзүүний хорт хавдраас сэргийлэх, эрт илрүүлж эмчлэхэд ДЭМБ хамтран ажиллана7 сар 19. 11:21Монгол Улсын Их Хурлын 4 дэд хорооны бүрэлдэхүүн7 сар 19. 11:14Монгол Улсын Ерөнхийлөгчид Бүгд Найрамдах Итали Улсын Ерөнхийлөгч мэндчилгээ дэвшүүлэв7 сар 19. 11:09УНТЭ БНСУ-тай сургалт, судалгааны чиглэлээр хамтран ажиллана7 сар 18. 9:20Цаг агаар: Улаанбаатарт өдөртөө 30 хэм дулаан7 сар 18. 9:07Эрүүл мэндийн сайд Т.Мөнхсайхан Хавдар судлалын үндэсний төвд ажиллаж, эмч, үйлчлүүлэгчидтэй уулзаж, санал солилцлоо7 сар 17. 10:58Гамшгаар зоолдог "мөнгө"-ний нийгэм7 сар 17. 10:13Наймдугаар сарын 12-ноос иргэний шилжилт хөдөлгөөнийг зогсооно7 сар 17. 8:52Буудлагын тамирчид тэмцээндээ орох боломжтой болжээ7 сар 17. 8:47Цаг агаар: Улаанбаатарт өдөртөө 28 хэм дулаан7 сар 17. 8:31Монгол Улсын Их Хурлын ес дэх удаагийн сонгуулиар байгуулагдсан УИХ-ын 11 Байнгын хорооны дарга, гишүүд7 сар 16. 19:31
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.