Хятад улс зургаадугаар сард удаах сансрын багаа илгээнэ

Тойрог замд хагас жил орчим ажилласан сансрын багийнхнаа Хятад улс өнгөрөгч бямба гарагт эсэн мэнд угтан авсан бол, дараагийн цоо шинэ сансрын хөлгөө ирэх 6 дугаар сард хөөргөхөөр төлөвлөж байгаа аж. Тус шинэ хөлгөөр дахиад гурван сансрын нисэгчийг хөөргөх юм байна.

Тодруулбал, Шэнчжоу-15 хэмээх шинэ хөлгийн багийн бүрэлдэхүүн дэлхий орчмын тойрог замд барьж байгаа хятадын сансрын станц “Тянгон” дээр мөн хагас жил ажиллаж, станцад нэмэлт хоёр модуль суулгах гэнэ. Хятадын жолоодлоготой сансрын инженерчлэлийн газрын захирал Хао Чун өчигдөр болсон хэвлэлийн хурлын үеэр энэ тухай мэдээллээ. Жолоодлоготой хоёр дахь сансрын хөлөг “Шэнчжоу-15”-ийн багийнхан хагас жил үүрэг гүйцэтгэх хугацааныхаа төгсгөлд “Шэнчжоу-14” хөлгийн багийнхантай ээлжлэн ажиллах аж.

Энэ нь, хятадын сансрын станцад зургаан сансрын нисэгч нэгэн зэрэг байрлаж, ээлжлэн ажил гүйцэтгэх анхны тохиолдол болох юм байна. “Хоёр багийн 6 сансрын нисэгч нэг станц дээр 5-10 хоног хамт байх болно” гэж Хятадын жолоодлоготой сансрын агентлагийн нисэгчдийн төвийн ахлах төлөвлөгч Хуанг Вейфен ярьжээ.

Хятад улс томоохон зорилттой сансрын хөтөлбөрийнхөө хүрээнд, 2003 онд анхны сансрын нисэгчээ тойрог замд илгээж байсан бол, 2013 онд саран дээр өнгөрсөн онд Ангараг гараг дээр өөрөө явагч роботууд буулгасан.

Сар руу жолоодлоготой хөлөг илгээх боломжийг мөн хэлэлцэж байгаа аж. Тойрог зам дах “Тянгон” буюу Амгалан Ордон” хэмээх нэртэй хятадын сансрын станцын эх модулийг 2021 оны 4 дүгээр сард хөөргөж байсан бол, энэ онд станцаа бүрэн барьж дуусгах төлөвлөж байгаагаа мэдээлж байна юм.

Хятад нь, хуучин ЗХУ болон АНУ-ын дараа сансарт хүнээ нисгэсэн гурав дахь улс. Тус улсын сансрын хөтөлбөрийг Хятадын Коммунист намын цэргийн жигүүр Ардын чөлөөлөх арми удирдан явуулдаг хэмээх АНУ-ын болгоомжлолоос үүдэн Хятадыг Олон улсын сансрын хөтөлбөрөөс хассан билээ.