Видео тоглоомынхон 2021 онд 154.4 тэрбум ам.долларын орлоготой ажиллажээ

Дэлхий нийт цар тахлын хөл хорионоос үүдэж бүхэлдээ эдийн засгийн хямралд өртсөн өнгөрсөн хоёр жилд хамгийн өндөр ашиг орлоготой ажилласан салбар бол видео тоглоомынхон байлаа. 2021 оны байдлаар тус салбарынхан 154.4 тэрбум ам.долларын орлоготой ажилласан гэсэн судалгаа гарчээ. Үүнээс Хятадын видео тоглоомын зах зээлд 49.3 тэрбум ам.доллар эргэлдэж байгаа бол нийт орлогын 70 хувийг гар утасны тоглоом эзэлж байгаа юм.

“Statista Digital Market Outlook”-ийн судалгаанаас харвал 2025 онд Хятадын энэ салбарын орлого 71.2 тэрбум ам.доллар болж өсөх нь. Энэ нь тус салбарт орлогоороо удаалагч АНУ-аас нэг дахин өндөр орлого юм. Тус улс нь 42.5 тэрбум ам.долларын орлого олно гэж тооцоолсон байна. Япон улсын хувьд 2025 онд 24 тэрбум ам.долларын орлоготой ажиллахаар тооцоолсон нь эхний 10-т жагсдаг Өмнөд Солонгос, ИхБритани, Энэтхэг зэрэг улсаас дөрөв дахин илүү дүн юм. Харин хойд хөршийн хувьд орлогоороо 12 дугаарт жагсч байгаа бөгөөд 2025 онд 3.6 тэрбум ам.доллар энэ салбараас олох тооцоо гарчээ.

Доорх хүснэгтэд 2020 оны орлогоороо тэргүүлэгчдийг жагсаасан байна. Эдгээр жагсаалт нь хэрэглэгчийн анхан шатны судалгаа, гүйлгээний мэдээлэл, компанийн улирлын тайлан, тооллогын мэдээлэл зэрэгт үндэслэсэн аж. Орлого нь улс орон бүрийн хэрэглэгчдийн зарцуулалт дээр суурилдаг бөгөөд тоног төхөөрөмжийн борлуулалт, татвар, бизнес хоорондын үйлчилгээ, онлайн мөрийтэй тоглоом, бооцооны орлогыг оруулаагүй болно.