ТОП-100 аж ахуйн нэгжийг “Эрдэнэт үйлдвэр” ТӨҮГ тэргүүлжээ

Монгол Улсын Засгийн газар, МҮХАҮТ хамтран 21 дэх жилдээ Монгол Улсын ТОП-100 аж ахуйн нэгжийг эрэмбэлэн өргөмжиллөө.

ТОП-100 ААН-ийг эрэмбэлэхдээ, Сангийн яам, Татварын ерөнхий газар, Гаалийн ерөнхий газар, Нийгмийн даатгалын ерөнхий газар, Улсын бүртгэлийн ерөнхий газар, Үндэсний статистикийн хорооны албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн хэмжээ гэсэн үндсэн 5 үзүүлэлтэд тулгуурладаг хэмээн Монголын Үндэсний Худалдаа аж үйлдвэрлэлийн танхимаас мэдээлсэн.

 Топ-100 аж ахуйн нэгжийг “Эрдэнэт үйлдвэр”ТӨҮГ, “Оюутолгой” ХХК, “Эрдэнэс Тавантолгой” ХК Хаан банк, Голомт банк, “Улаанбаатар төмөр зам” ХНН, Худалдаа хөгжлийн банк, Төрийн банк, НИК ХХК, “Энержи ресурс” ХХК тэргүүлжээ.

2021 онд ТОП-100 ААН-ийн нийт төлсөн татварын хэмжээ өмнөх жилээс 26 хувиар өсч 5.3 их наяд төгрөгт хүрсэн нь Монгол Улсын нийт татварын орлогын 47 хувийг бүрдүүлсэн байна. Борлуулалтын орлогын хэмжээ ДНБ-ий 82 хувьтай дүйцэж, ажиллагсдын тоо 8.3 мянгаар нэмэгдэж 99 мянгад хүрчээ.