Ихрийн ордынхон энэ сард санхүүгийн алдагдалд орж болзошгүй

Оросын алдарт зурхайч Тамара Глоба энэ сард амьдрал нь 180 градус эргэж болзошгүй асуудалтай тулгарах зурхайн ордод төрөгсдөд анхаарал болгоомжтой байхыг зөвлөсөн байна.

Түүний хэлснээр хонины ордынхон энэ сард маш шаргуу хөдөлмөрлөх ч үйлчилгээний салбарт ажиллагсдын хувьд багагүй асуудалтай тулгарах эрсдэлтэй. Ядарсан, уур уцаартай байх нь ажилдаа хайнга хандах, алдаа гаргах гол үндэс болох учир өөрийгөө аль болох хянах ёстой гэж зөвлөсөн байна. Санхүүгийн хувьд энэ сарын сүүлээр л орлого орж ирэх учраас тайван байхыг хичээ. Хэдий хянамгай, болгоомжтой байх сар ч шинэ танил, сонирхолтой хүмүүстэй учрах нь. Мөн ажил амьдралын хувьд хатуухан сорилттой нүүр тулсан сар байх ч хайр дурлалын хувьд одтой гэжээ. Ганц бие бол сэтгэлийн ханиа олно. Харин тодоохойгүй харилцаатай байсан бол асуудлыг нэг талд нь бүрэн шийдэхэд тохиромжтой. Тиймээс аль болох яаран шийдвэр гаргалгүй бүх зүйлийг сайтар бодож, нягтлахыг зөвлөжээ.

Сорилттой тулгарах өөр нэг зурхайн орд бол ихрийнхэн. Хэдийгээр та бүхний хувьд маш идэвхтэй сар болох ч аливаа асуудлыг жижиг сажиг гэлгүй, анхааралтай ажиглаж, ойр дотны хүмүүсийнхээ зөвлөгөөг сонсоорой хэмээн зөвлөжээ. Наймдугаар сар таны хувьд санхүүгийн болон хувийн амьдрал томоохон алдагдал авчрах учраас өөрийгөө барьж, нэр хүндээ хамгаалаарай гэсэн байна.