Өнөөдөр дэлхийн Самосаны өдөр

Жил бүрийн 09-р сарын 05-ны өдрийг дэлхийн Самоса зуушны өдөр болгон тэмдэглэдэг байна.

Самоса эсвэл сингара нь амтлагч төмс, сонгино, вандуй зэрэг орц найрлагатай дүүргэж чимхэсэн шарсан нарийн боов юм. Энэ нь бүс нутгаас хамааран гурвалжин, конус, хагас сар хэлбэртэй. Монголын Энэтхэг хоолны газарт Энэтхэг шарсан банш гэсэн нэртэй. Самоса нь Өмнөд Ази, Ойрхи Дорнод, Төв Ази, Зүүн Африк зэрэгт алдартай түгээмэл юм.

Самоса зуушны гарал үүслийг Ойрхи Дорнодын хаа нэгтээгээс гэж үздэг. Түүхчдийн үзэж байгаагаар 10-р зуунаас өмнөх үед үүссэн байх магадлалтай аж. Хэдэн зуун жилийн дараа, 13-14-р зууны үед тэднийг худалдаачид Энэтхэгт авчирсан бөгөөд энэ нь маш хурдан алдартай болж үндэсний хоол болон хувирсан байна. Өнөөдрийг хүртэл Самоса зуушыг дундаж гэр бүлийн хоол, дээд зэрэглэлийн эсвэл энгийн зоогийн газар, тэр ч байтугай ургамлын тосонд шинэхэн шарсан замын хажуугийн гудамжны хоол байдлаар ч олж болно. Самосаны бүрхүүлийг улаан буудай эсвэл майда гурилаар бэлтгэж, дараа нь тэдгээрийг уламжлалт нухсан төмс, сонгино, ногоон вандуй, янз бүрийн бүс нутгийн халуун ногоооор дүүргэж, орон орны соёл нэгдсэн агуу хоол бэлэн болно. Үүнийг илүү төгс болгохын тулд худалдагчид бага зэрэг гаа, кориандра, тамаринд зэргийг нэмдэг. Исламын шашны зан үйл болох Рамадан сард эдгээр зууш нь манай Монголын цагаан сарын бууз шиг заавал байх ёстой хоолны нэг болсон.

Хамгийн халуун ногоотой Самосаг идэхийг хүсч байгаа хүмүүс Энэтхэг рүү явдаггүй нь тун сонирхолтой. Харин оронд нь Пакистанаас санаа авсан найрлагатай хольцийг иддэг байна. Пакистанд Самоса голчлон хүнсний ногоогоор дүүрэн байдаг ч нутгийн иргэд ялангуяа Синд муж эсвэл Зүүн Пенжабын өмнөд хэсэгт халуун ногоотой амтлагчаар амталдаг. Мэдээж Пакистанчууд бол Самосадаа маш их дуртай, Самоса зоогын газар нь хүмүүсийн хувьд очих газар нь гээл бод. Тэд бүр jumbo хэмжээтэй маш том Самсора дэлгүүрүүдээр зардаг байна! Энэ ер бусын том хэмжээтэй гэж тооцогддог Самсораг та Файзабад хотод яг ориг амтаар нь идэж болно. Манайхаар бол одоо Бууз тэгээд Түлүгийн давааны бууз юм уу даа. Бүр 2017 онд 153 кг (335 фунт) жинтэй Гиннесийн дээд амжилтыг тогтоосон дэлхийн хамгийн том самосаг буяны үйлсэд олон нийтэд таниулах зорилгоор Лондонгийн сүмд хийсэн байна. Одоо энэ бол Дэлхийн Самосагийн өдрийг үнэхээрийн өвөрмөцөөр тэмдэглэж байгаа хэрэг! Манайхан одоо дэлхийн хамгийн том бууз жигнэмээр юм.

Самоса өдрийг хэрхэн тэмдэглэх вэ? Мэдээж хамгийн эхэнд Самоса идэж үзэх нь чухал. Монголын Энэтхэг хоол зардаг газруудад ихэнхдээ байдаг. Үгүй бол зүгээр өөрөө хийж идэж үзэж болно. Энэхүү халуун ногоогоор амталж тосонд шарсан боовыг хийхэд тийм ч хэцүү биш юм. Одоо мэдээлэл технологи амар болсон Google-ээс хайгаад л олчоорой. Найз нөхөд, хөршүүд, хамтран ажиллагсад эсвэл гэр бүлийн гишүүдээ аваад Самосагийн өдрийг тэмдэглэхэд зориулагдсан үдэшлэг зохион байгуулсан ч болно. Самоса идэнгээ хамтдаа суугаад энэтхэг кино үзэж болно. Соёлын талаар ярилцаж дэлхийн соёлын талаар зөвхөн энэтхэг гэлгүй ярилцаж болох юм. Самосаг Монголжуулаад сайхан нийслэл салад, гүзээний салад эд нартай холиод идсэн ч ерөөсөө давгүй. Уг нь бол зууш байдлаар байх болхоор гол зоог нь юу байх нь чухал биш байх. Халуун ногоогүй, халуун ногоотой, жижиг, зөөлөн, эсвэл том бөгөөд хатуу гэх мэт өөрийн сонирхлын дагуу хүссэн байдлаараа бэлтгэж болно. Тэглээ гээд аваачаад шарсан бууз, хуушуур болгоод хаячихавдаа ккк. Дэлхийн самоса өдөр бол эдгээр бүх төрлийн амтыг амтлах төгс боломж юм.