О.Амартүвшин: Монголбанкны шийдвэр бизнесийн салбарыг бүхэлд нь унахад хүргэж байна


9-р сарын 21
11 цаг 01 минут

Монголбанкны Мөнгөний бодлогын хорооноос өчигдөр бодлогын хүүг 2 нэгжээр нэмэгдүүлж, 12 хувьд хүргэсэн тухай мэдэгдсэн. Эдийн засгийн нөхцөл байдал хүндэрсэн, хил гаалийн үйл ажиллагаа хэвийн байдалд ороогүй энэ үед Монголбанкнаас бодлогын хүүг нэмэгдүүлсэн нь бизнесийн салбарыг жинхэнэ утгаар нь боомилсон шийдвэр гаргалаа хэмээн Монголын Үндэсний худалдаа аж үйлдвэрийн танхимын Ерөнхийлөгч О.Амартүвшин хэллээ.

Тэрбээр цар тахлын үеийн бизнесийн нөхцөл байдлын талаар МҮХАҮТ-аас хийсэн судалгааг танилцуулахдаа энэ тухай онцлон, бодлогын шийдвэр оновчгүй байна гэсэн юм. Өнөөдөр хил боомтын асуудлыг шийдвэрлэхгүйгээр дотоодын компаниудын хэвийн үйл ажиллагааг хангах ямар ч боломжгүй байгаа нь судалгаанаас харагджээ.  Нийт 1073 комдани судалгаанд хамрагдсаны  79 хувь нь үйл ажиллагаа тогтворжиж байна гэж хариулсан боловч  нийт хүчин чадлынхаа 47,5 хувийг л ашиглаж, 61 хувь нь борлуулалт бууурсан, 47 хувь нь бараа бүтээгдэхүүн хөрөнгийн хомсдолд орсон, 96 хувьд нь үнийн өсөлт сөргөөр нөлөөлсөн,  дунджаар ашиг орлого 52 хувиар буурсан,  36 хувь нь нийгмийн даатгал, татварын өртэй, 58 хувь нь мэргэжлийн боловсон хүчний дутагдалд орчихсон,  83 хувь нь ханган нийлүүлэлтийн тасалдалд орсон гэх судалгаа гарсан байна.

Тэгвэл цар тахлын хүндрэлийн үед компани аж ахуйн нэгжүүдийн зүгээс ямар арга хэмжээ авч хэрэгжүүлсэн бэ гэхээр 81 хувь нь үйл ажиллагааны зардлаа хэмнэсэн, 77 хувь эргэлтийн хөрөнгө зардлын дүн шинжилгээ хийж, түүхий эдийн үнэ өртөг хэмнэх, 63 хувь нь борлуулалтын урамшуулалт арга хэмжээ,  57 хувь нь ажлын байр цомхотгосон гэж хариулжээ. Дөнгөж 8 хувь нь ажилтны тоог нэмсэн гэсэн байна. Бизнес эрхлэгчдийн 27 хувь нь банк санхүүгийн байгууллагаас зээл авсан гэхээр зээл олголт маш бага байгааг харуулж байгаа юм. Судалгаанаас бизнес эрхлэгчдийн  85 хувь нь шаардлагатай ажилтнаа өөрсдөө бэлтгэдэг гэж хариулсан аж. Гэтэл Монгол Улс сүүлийн жилүүдэд мэргэжилтэй боловсон хүчин бэлтгэхэд буюу Мэргэжил сургалтын төвийн үйл ажиллагаанд багагүй хөрөнгө төсөвлөж байгаа юм. Төрийн зарцуулсан мөнгө ямар ч үр дүнгүй, аж ахуйн нэгж боловсролын тогтолцооны уялдаа алга, бодит сурах процесс явагдахгүй байгааг илэрхийлж буй. Танхимын Ерөнхийлөгчийн хэлснээр энэ бол тогтолцооны гажуудал байгаагийн тод жишээ гэв.  

Бизнесийн ханган нийлүүлэлтийн сүлжээ сүүлийн хоёр жил байнга доголдож байгаа нь 10 компанийн 8-ынх нь үйл ажиллагаанд нөлөөлсөнн бөгөөд 20 хувь нь түүхий эд бараа бүтээгдэхүүнээ хэзээ авахаа ч мэдэхгүй болчихоод байна гэсэн хариулт өгсөн аж. Бизнес дэх ханган нийлүүлэлтийн сүлжээ тасалдсан нь барилгын салбарт хамгийн их нөлөө үзүүлсэн нь тодорхой. Мөн хүнсний бус боловсруулах үйлдвэр, хүнсний үйлдвэрт ихээр сөрөг нөлөө үзүүлсэн байна. 

Орос, Украины дайны нөхцөл байдал бизнес эрхлэгчдэд нөлөөлж байна уу гэсэн асуултад 48 хувь нь нөлөөлсөн гэж хариулсан байна. Учир нь, төлбөр тооцооноос эхлээд тээвэр ложистик саатсан гээд ялангуяа эрчим хүчний салбарт хамгийн ихээр нөлөөлсөн байна.  Мөн гадаад худалдаа, аялал жуулчлалын салбарт сөргөөр нөлөөлсөн байгаа юм. Бизнес хэвийн эрхлэхэд хамгийн их хүндрэл учруулж байгаа асуудал бол хилийн боомт болоод тээвэр ложистикийн асуудал юм. Тэгэхээр тээвэр ложистик, хил боомтын асуудлаа шийдэхгүйгээр дотоодын аж ахуйн нэгжүүдийн хэвийн үйл ажиллагааг хангах ямар ч боломжгүй нь тодорхой байна гэлээ.

 



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

Б.Алтанчимэг: Азийн аваргын тэмцээнээс ихийг сурч, туршлага хуримтлуулсан7 сар 23. 8:31Цаг агаар: Улаанбаатарт өдөртөө 26 хэм дулаан7 сар 23. 8:25Гэр бүл, хөдөлмөр, нийгмийн хамгааллын сайд Л.Энх-Амгалан анхны албан даалгаврыг гаргалаа7 сар 22. 19:51Алтай таван богд хайрхан уулын тэнгэрийг тайх ёслол боллоо7 сар 22. 19:41Чанаргүй, үнэтэй эмийн асуудалд бодит өөрчлөлт хийнэ7 сар 22. 12:01Үерийн 19 дуудлагаар үүрэг гүйцэтгэв7 сар 22. 11:51Цаг агаар: Улаанбаатарт өдөртөө 24 хэм дулаан7 сар 22. 8:26ЭМД-ын шимтгэл төлөлтийн статистик мэдээ7 сар 21. 21:00УИХ-ын дарга Д.Амарбаясгалан Говь-Алтай аймгийн Тайшир сумын 100 жилийн ойн баярт оролцлоо7 сар 21. 20:55Баяр наадмын үеэр сайн дурын 24 ажилтан ГССҮТ-д хөтөч, зөвлөн туслагчаар ажиллалаа7 сар 21. 20:52Монгол Улсын 33 дахь Ерөнхий сайдын тэргүүлэн ажиллах Хамтарсан Засгийн газрын гишүүд7 сар 21. 20:46Төрийн тахилгат Бурхан буудай уулын тэнгэрийг тайх ёслол боллоо7 сар 21. 20:43УИХ-ЫН Тамгын газар: УИХ-ын гишүүдээс орон сууц авах хүсэлт ирүүлээгүй7 сар 21. 20:31Хичээлийн жилийн бүтцийг баталжээ7 сар 19. 16:18УИХ-ын дарга Д.Амарбаясгалан Говь-Алтай аймагт ажиллаж байна7 сар 19. 16:11ЭМД-ын санд 21 сая 219 мянга 403 төгрөгийг нөхөн төлүүллээ7 сар 19. 11:53Туулбаатарын Тэмүүлэн: Наадамчин олон уухайлаад эхэлтэл би зориг орж байгаа юм шиг л болсон7 сар 19. 11:49С.Бямбацогт: Алдаа дутагдал гаргасан бол шударгаар хариуцлагаа үүрдэг хандлага энэ салбараас тод харагдах ёстой7 сар 19. 11:43Хөвсгөл, Сэлэнгэ аймагт ойн түймэртэй байна7 сар 19. 11:27Умайн хүзүүний хорт хавдраас сэргийлэх, эрт илрүүлж эмчлэхэд ДЭМБ хамтран ажиллана7 сар 19. 11:21Монгол Улсын Их Хурлын 4 дэд хорооны бүрэлдэхүүн7 сар 19. 11:14Монгол Улсын Ерөнхийлөгчид Бүгд Найрамдах Итали Улсын Ерөнхийлөгч мэндчилгээ дэвшүүлэв7 сар 19. 11:09УНТЭ БНСУ-тай сургалт, судалгааны чиглэлээр хамтран ажиллана7 сар 18. 9:20Цаг агаар: Улаанбаатарт өдөртөө 30 хэм дулаан7 сар 18. 9:07Эрүүл мэндийн сайд Т.Мөнхсайхан Хавдар судлалын үндэсний төвд ажиллаж, эмч, үйлчлүүлэгчидтэй уулзаж, санал солилцлоо7 сар 17. 10:58Гамшгаар зоолдог "мөнгө"-ний нийгэм7 сар 17. 10:13Наймдугаар сарын 12-ноос иргэний шилжилт хөдөлгөөнийг зогсооно7 сар 17. 8:52Буудлагын тамирчид тэмцээндээ орох боломжтой болжээ7 сар 17. 8:47Цаг агаар: Улаанбаатарт өдөртөө 28 хэм дулаан7 сар 17. 8:31Монгол Улсын Их Хурлын ес дэх удаагийн сонгуулиар байгуулагдсан УИХ-ын 11 Байнгын хорооны дарга, гишүүд7 сар 16. 19:31
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.