Брэд Питт уран барималчийн хувиар Финландад анхны үзэсгэлэнгээ гаргажээ

Холливудын А зэрэглэлийн жүжигчин Брэд Питтийг бурхан сийлсэн мэт төгс царай, бие галбиртай нэгэн хэмээн шүтэн бишрэгчид нь төдийгүй урлагийнхан тодорхойлдог. Гэхдээ түүнийг уран барималч гэдгийг хүн бүр төдийлэн мэддэггүй. Тэрбээр уран барималчийн хувиар Финландын Тампера хотын Сара Хилден урлагийн музейд уран бүтээлийн анхны үзэсгэлэнгээ хөгжимчин Ник Кэйв, зураач Томас Хаусаго нартай хамтран “Бид” нэртэйгээр олон нийтэд дэлгэлээ.

Үзэсгэлэнд Брэд Питт 9 бүтээлээ дэлгэсэн бөгөөд  түүний анхны бүтээл болсон модны холтсоор урласан 46 см өндөр “House A Go Go (2017)” ч багтжээ.

Брэд Питтийн хамгийн том бүтээл болох “Би чамайг зорьж очоод харсан ч хэтэрхий оройтсон байсан (2020)” –д найман хүний хоорондоо буудалцаж байгааг дүрсэлсэн бөгөөд хүний нүүр царай, гар хөлийг янз бүрийн өнцгөөс харуулахыг зорьжээ.

Брэд Питт 2017 оноос жүжигчин Анжелина Жолигоос салаад  анх "The Oceans 11" киноны одыг керамикаар урлажээ. “The Sun” сэтгүүлд бичсэнээр Брэд Лос Анжелес дахь гэртээ уран баримлын урлантай бөгөөд "Once Upon" киноны зураг авалтын үеэр Леонардо Ди Каприог урландаа урьжээ.

Брэд Питтийн авс хэмжээтэй хүрэл хайрцаг.

 Үзэсгэлэнгийн нээлтийн үеэр Финландын “ Yle” хэвлэлд Питт өөрийн уран бүтээлийн талаар ярихдаа "Миний хувьд энэ бол өөрийгөө эргэцүүлэх явдал юм. Мөн надад харгис хэрцгий хандсан болоод миний гомдоосон хүмүүс, алдаа гаргасан мөчүүдээ энд дүрсэлсэн гэжээ. 

Харин Австралийн дуучин, ая зохиогч Ник Кэйв  17 баримлаа дэлгэжээ.

Шинэхэн  хоёр уран барималч хоёулаа мэргэжлийн зураач Хаусаготой ярилцаж, түүнээс зөвлөгөө авч эдгээр бүтээлүүдээ дэлгэсэн байна. Их Британийн зураач Хаусаго бараг гучин жил энэ салбарт ажиллаж байгаа бөгөөд 2010 онд Уитнигийн биенальд уран бүтээлээ үзүүлжээ.

Хаусаго Кэйв, Питт хоёртой  хамтарсан үзэсгэлэн гаргахаар шийдсэн тухайгаа "Би бол би биш. Би бол БИД!"