Х.Амартүвшин: Босоогоос тулалдаж, уран техник үзүүлэх хүсэлтэй


10-р сарын 13
7 цаг 39 минут

Холимог тулаан нь эр зоригийн спорт. Энэ л спортоор эх орныхоо нэрийг гаргаж яваа  Дундговь аймгийн Гурвансайхан сумын харьяат, “Ширэн бээлий” клубын тамирчин Х.Амартүвшинг “Амжилтын эзэн” буландаа урилаа. Тэрбээр 15 удаа мэргэжлийн тулаан хийснээс 10 ялсан амжилт үзүүлээд байгаа юм.

-Та 2019 онд сүүлийн тулаандаа ялалт байгуулсан. Түүнээс хойш цар тахал гээд завсарлах шиг боллоо. Дахин тулааны тов зарлагдсан уу?

-2019 оны арваннэгдүгээр сард АНУ-ын Индиана хотод мэргэжлийн дэвжээний 15 дахь тулаанаа хийж 10 дахь ялалтаа авсан. Түүнээс хойш гурван жил тулаан хийсэнгүй. Өнгөрсөн тавдугаар сард АНУ-ын Чикаго хотод тулаан товлосон байв ч тодорхой шалтгааны улмаас цуцлагдсан. Миний хувьд “One championship” холбоонд Монголдоо топ зэрэглэлийн тамирчинтай тулаан хийх хүсэлтэй байгаагаа илэрхийлж, санал тавьсан. Хэрэв зөвшөөрвөл Монголд болж байгаагүй том шоу болох байх. Миний хувьд ялах, ялагдах нь чухал биш.  Энэхүү шоуг амжилттай  зохиож чадвал Монголыг дэлхийд бага ч болов сурталчилна гэж бодож байна. Миний тулалдахаар саналаа өгсөн тамирчин бол “UFC” холбооны аварга Эдди Алварез. Гэхдээ тухайн тамирчин саналыг хүлээж авах эсэхээс шалтгаалж энэ асуудал шийдэгдэнэ.

-Холимог тулааныг зарим хүмүүс спорт гэдэг талаас нь хардаггүй. Энэ тал дээр та ямар бодолтой явдаг вэ?

-Холимог тулааныг анх би торон дотор хоёр хүн зодолдож байгаагаар л боддог байсан. Нийгэм ч энэ спортыг гудамжны нохой зодооноор л төсөөлдөг байлаа. Намайг анх холимог тулаанаар хичээллэнэ гэхэд гэр бүлийнхэн зөвшөөрөөгүй. Жүдогоороо л барилд гэдэг байлаа. Харин өнөө үед тулаан бол зодоон биш, урлаг гэж тодорхойлдог болсон. Дотроо нарийн дүрэм,  дэгтэй. Тулааны урлаг нь хүнд тэсвэр, хатуужил суулгаж, эр хүн болгодог. Хамгийн гол нь бусдыг хүндлэх хүндлэл, төлөвшлийг суулгадаг гэж би итгэдэг.

-Та жүдо суурьтай.  Жүдогоос холимог тулаан руу ороход хүндрэл байсан уу?

-Би 2000 оноос жүдо бөхөөр хичээллэсэн. Анх байлдааны самбо бөхийн ДАШТ-д оролцохын тулд тулааны спортоор хичээллэж үзсэн. Энэ үед өөрийгөө тулааны спорт тэр дундаа холимог тулаанд амжилт гаргах боломжтой юм байна гэж бодсон. Ингээд 2008 оноос холимог тулаанаар хичээллэж, тулаанч болсон. Олон жил жүдогоор хичээллэж  цаг хугацаа алдсан ч хэвтээ барилдаан болон бусад техникийг сурсан нь холимог тулааны ринген дээр надад давуу тал болдог.

-Таны техникийг харж байхад босоо байрлалаас илүү ажилладаг юм билээ?

-Би жүдо суурьтай ч  барилдахыг илүүд үздэггүй. Тулаан бол тулалдахын нэр гэж боддог. Босоогоос илүү тулалдаж, уран техник үзүүлэх хүсэлтэй. Тулааны явцад хэвтээд шилжиж барилдаан хийвэл бусдаас дутахгүй л дээ.  Холимог тулаан бол бокс, мутай бокс, бөх, жүдогийн техникүүдийг шаарддаг. Тэгэхээр бүжиглэхээс бусдыг хийж байж л ялна.

-Зарим үед тэвчээр барсан хүн таардаг байх. Иймэрхүү  тохиолдолд тэвчихийг илүүд үздэг үү?

-Хэрэв тулааны техник сурсан бол тэмцээнээс бусад үед хонь шиг номхон байх хэрэгтэй. Багш нар ч зодолдохгүй байхыг захидаг байсан. Би ч шавь нартаа үүнийг л захидаг.

-Монголд анхнаас нь тулааны спортоор суурийг нь тавьж хичээллүүлдэг мэргэжлийн клуб хэр олон байна?

-Дэлхийн холимог тулааны тамирчид ихэнхи нь бөх эсвэл бокс суурьтай байдаг. Их спортоор хичээллэж байгаад амжилт тааруу болох үед тулалдаг зарчмаар хөгжиж ирсэн. Харин сүүлийн жилүүдэд холимог тулаан хурдацтай хөгжиж байна. Манай Монголд ч тулааны дугуйлангууд нээгдсэн. Цөөнгүй хүүхэд хамрагдаж байгаа. Миний хувьд “Ширэн бээлий” клубтээ бэлтгэлийнхээ хажуугаар дасгалжуулагч хийж байна. 



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

Төрийн өмчийн оролцоотой хуулийн этгээдүүдийн худалдан авах үйл ажиллагааны талаарх хэлэлцүүлэг боллоо11 сар 18. 15:39Нөмрөгийн ДЦГ-т гарсан түймрийн асуудлаар Япон улсын гурван яамны төлөөлөлтэй цахим уулзалт хийлээ11 сар 18. 13:02Эрдэнэбүрэнгийн усан цахилгаан станцын бүсээс эртний чулуун хайрцагтай булш олжээ11 сар 18. 12:58Молибдений баяжмалын үнэ огцом өсжээ11 сар 18. 10:47“SPARLIAMENT”: Оюутнуудын дуу хоолой шийдвэр гаргалтад хүрэх гүүр11 сар 18. 10:43Б.Энхбаяр, Д.Батлут, Д.Мөнх-Эрдэнэ нарын чөлөөлөгдөх хүсэлтийг танилцуулна11 сар 18. 10:01“Нээлттэй парламент” шинэчлэлийг оюутан, залуус дэмжиж байна11 сар 18. 9:55Авлигын хэргүүдийг шүүхээр шийдвэрлүүллээ11 сар 18. 9:51Оюутолгойн ногдол ашгаас иргэн бүрд 857 000 төгрөг олгох асуудлыг судлах ажлын хэсэг байгууллаа11 сар 18. 9:22Цаг агаар: Улаанбаатарт өдөртөө 8 хэм хүйтэн11 сар 18. 9:09УИХ-ын дарга С.Бямбацогт: Зээл бүрийн цаана иргэдийн цөхөрсөн итгэл бий. Үүнийг шийдэх ёстой11 сар 17. 15:53Тэдэнд ойлгох багш, дэмжих орчин л хэрэгтэй11 сар 17. 14:05Хууль зүй, дотоод хэргийн дэд сайд Д.Мөнх-Эрдэнэ чөлөөлөгдөх хүсэлтээ Ерөнхий сайдад гаргажээ11 сар 17. 12:33Гэмт хэргийн шинжтэй үйлдлүүдийг илрүүлж, Мөрдөн шалгах хэлтэст шилжүүлэв11 сар 17. 12:04Ерөнхийлөгчийн чөлөөлөгдөх хүсэлтийг 5 хоногийн дотор хэлэлцэнэ11 сар 17. 12:02Монгол Улсын Ерөнхийлөгч У.Хүрэлсүх мэдээлэл хийж байна11 сар 17. 11:07Цээжний нөмөр шиг Буйр минь11 сар 17. 9:40Оюутолгойн ногдол ашгаас иргэн бүрд 857 000 төгрөг олгох хууль санаачлах асуудлыг өнөөдөр хэлэлцэнэ11 сар 17. 9:30“Мон жүүс” ХХК “Хүнсний хувьсгал”-ын дүнд үйлдвэрээ өргөтгөж, хүчин чадлаа нэмжээ11 сар 17. 9:10Цаг агаар: Улаанбаатарт ялимгүй цас орно, 10 хэм хүйтэн11 сар 17. 9:02УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа11 сар 16. 16:15АТГ хэрэг бүртгэлтийн 1 хэрэгт 3 объектод нэгжлэгийн ажиллагаа явуулжээ11 сар 16. 16:11Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа11 сар 16. 14:51Нийтийн тээврийн зарим чиглэлийг богино эргүүлж байна11 сар 16. 13:15ЭХЗХ шийдвэрээ өөрчилж, 380В-ын хэрэглэгчдийн шөнийн цахилгааны хөнгөлөлтийг 3000 кВт.ц болгожээ11 сар 16. 12:45Б.Чимидийн нэрэмжит шагналд нэр дэвшүүлсэн бүтээлийг хүлээн авна11 сар 16. 10:50Төв цэнгэлдэх хүрээлэнд “Өвлийн идэш” өргөтгөсөн худалдааг зохион байгуулна11 сар 16. 10:13В.Путин, Д.Трамп, Ши Жиньпин нарын уулзалтын талаар юу мэдэгдэж байна вэ?11 сар 16. 10:10Грекийн бурхад Ноён уулд, Хүннүгийн өв Миланд11 сар 16. 10:07Хууль бусаар мод бэлтгэсэн гэмт хэрэг, зөрчлийн шинжтэй 13 үйлдлийг илрүүлэн шалгаж байна11 сар 16. 10:01
Эхлэл  Редакцын бодлого  Холбоо барих
ANALIZ.MN © 2026 он. Зохиогчийн эрх хуулиар хамгаалагдсан.