Инфляцын түвшин есдүгээр сард 13.8 хувьд хүрчээ

Инфляцын түвшин энэ оны есдүгээр сард улсын хэмжээнд 13.8 хувьтай гарсныг Үндэсний статистикийн хорооноос мэдээллээ. 

Наймдугаар сард инфляц 14.4 хувь байсан юм. Инфляц ийнхүү 13.8 нэгж хувь гарсны 7.7 (55.5%) нэгж хувь нь импортын барааны үнийн өсөлтөөс шалтгаалсан байна.

Есдүгээр сард инфляц 13.8 хувь болоход:

• Талх, гурил, будааны үнэ жилийн 21.1% өссөн буюу инфляцад 1.4 нэгж хувь;
• Бензин шатахууны үнэ жилийн 26.7% өсөж инфляцад 1.6 нэгж хувь;
• Голлон нөлөөлсөн 10 бүтээгдэхүүний үнийн өсөлт нийт инфляцын 25.3%-ийг тайлбарлаж байна.