АНУ: ОХУ-ын эсрэг хоригийн жагсаалтаа өргөжүүлсээр байна

"Өнөөдөр Хууль зүйн яам, Холбооны мөрдөх товчоо, Сангийн яамны Гадаадын хөрөнгийн хяналтын албатай хамтран Америкийн үйлдвэрлэгчдээс цэргийн болон үндэсний аюулгүй байдалд аюул учруулах давхар зориулалттай технологийг худалдан авах, ОХУ-ын эцсийн хэрэглэгчдэд хүргэх чиглэлээр ажиллаж байсан Оросын сүлжээнд хориг тавьж байна" гэж  дурджээ.

Хоригийн жагсаалтад Юрий Орехов болон түүний эзэмшлийн компаниуд болох “Nord-Deutsche Industrieanlagenbau GmbH”, “Opus Energy Trading LLC”-ийг нэмсэн байна.  Хориг арга хэмжээний жагсаалтад орно гэдэг нь АНУ дахь хөрөнгийг нь битүүмжилж, Америкийн иргэд болон компаниудыг уг жагсаалтад багтагсадтай бизнес хийхийг хориглоно гэсэн үг.

Лхагва гарагт  мөн АНУ-ын эрх баригчид мөн ОХУ-ын таван иргэн, Венесуэлийн газрын тосны хоёр худалдаачныг хориг арга хэмжээг зөрчсөн, мөнгө угаасан хэргээр буруутгасан юм. Тэднийг “АНУ-ын цэргийн технологи болон хоригт өртсөн Венесуэлийн газрын тосыг хууль бусаар олж авах төлөвлөгөөнд оролцсон" гэж Нью-Йорк муж улсын Өмнөд тойргийн Прокурорын газар мэдэгджээ. Хоригт  ОХУ-ын иргэн Юрий Ореховоос гадна Красноярскийн хязгаарын захирагч Александр Уссын хүү Артем Усс багтжээ. Орехов, Усс нарыг 10 дугаар сарын 17-нд Герман болон Италид баривчилсан гэж АНУ-ын Хууль зүйн яам мэдээлжээ.  Хэрэв гэм буруутай нь тогтоогдвол тэд 30 хүртэлх жилийн хорих ял авч магадгүй байна. 

 Эх сурвалж: ТАСС