ХЗДХ-ын сайд Х.Нямбаатар яг одоо /2022.10.28/ гадаадын хөрөнгө оруулагчдыг хохироосон дотоодын аж ахуйн нэгж, иргэдийн нэрсийг зарлаж мэдээлэл хийж байна.
"Монгол Улсын иргэн Буянтогтох Их Британийн Ерөнхий сайд асан Борис Жонсоны төрсөн дүү Макс Жонсоноос хамтарч уул уурхайн үйлдвэрлэл явуулна гэж мөнгө аваад залилсан.
Буянтогтоход тавьсан хилийн хоригийг тавиад явуулсан. Буянтогтохыг хилийн хоригоос гаргасан шүүгч Х одоо ажлаа хийж байгаа.
Буянтогтох нь хилийн хоригоос гарсны маргааш нь Солонгосоор дамжин АНУ руу яваад алга болсон. Одоогоор асуудал шийдэгдээгүй. Тухайн компанийн Гүйцэтгэх захирлаар ажиллаж байсан Эрдэнэбатхаан, нягтлантай холбоотой хэрэг өнөөдөр шүүхэд шилжиж байна.
Бид гадны иргэдийг хохироосон асуудлыг шийдвэрлэнэ, манай улсыг саарал жагсаалтаас гаргаач гэж бараг бөхийж суугаад гуйсан. Гадны иргэдийн хохироосон болон мөнгө угаалттай холбоотой ийм хэргүүдийг цэгцлэхгүйгээр бид хөгжихгүй. Ийм хүмүүсээс болж цаашлаад улс орноороо хохирч байна. Ийм байхад Монгол Улсад итгэж хэн хөрөнгө оруулах юм бэ. Өндөр хөгжилтэй улс орнууд бүгд гаднын хөрөнгө оруулалтаар л хөгжсөн байдаг. Монгол Улсын Засгийн газар гадаадын хөрөнгө оруулагчдын эрх ашгийг хамгаалахын төлөө ажиллана" гэлээ.
Сэтгэгдэл бичих
X geed l baihiin. Neriig ni zarlah heregtei sh dee.