“COP27”-д оролцож буй Германы төлөөлөгчдийг Египетийн тагнуулынхан тагнасан уу

Арабын Бүгд Найрамдах Египет Улсын Шарм Эль-Шейх хотноо 11 дүгээр сарын 7-нд эхэлсэн Уур амьсгалын өөрчлөлтийн асуудлаарх дэлхийн удирдагчдын дээд хэмжээний уулзалт, 27 дугаар бага хурал (COP27) үргэлжилж байна. 

Энэхүү уулзалтад оролцож байгаа ХБНГУ-ын канцлер Шольц тус улсад хүний ​​эрх зөрчигдөж байна гэсэн мэдэгдэл хийсний дараа Египетийн аюулгүй байдлын алба Германы төлөөлөгчдийг тагнаж эхэлсэн тухай дэлхийн хэвлэлүүд мэдээлж байна.

ХБНГУ-ын Холбооны Эрүүгийн албанаас Египетэд болж буй Уур амьсгалын өөрчлөлтийн асуудлаарх дээд хэмжээний уулзалтад (COP27) оролцож буй Германы төлөөлөгчдөд орон нутгийн аюулгүй байдлын хүчнийхэн тагнуулын зүгээс өдөөн хатгах оролдлого хийж байж болзошгүй тохиолдлуудын талаар анхааруулжээ. Америкийн “Insider” энэ тухай ням гарагт мэдээлснийг Ройтерс агентлагийн эх сурвалжууд нотолсон байна.

 Шольц арваннэгдүгээр сарын 8-нд сэтгүүлчдэд өгсөн ярилцлагадаа Египетэд хүний ​​эрхийг зөрчсөн тохиолдол гарч байгааг онцлоод шоронд хоригдож байгаа сөрөг хүчний блогчин Ала Абд эль-Фаттагийн нөхцөл байдлыг жишээ болгон дурджээ. Тэрбээр "улстөрийн зорилгоор хоригдож байгаа хүн, шоронд өлсгөлөнгийн улмаас үхэх хэмжээнд хүрэхгүй байх тухай ярьж түүнийг суллах боломжийг бүрдүүлэх хэрэгтэй" гэж хэлсэн.

Блоггерийн нэрийг хэлсний дараа Египетийн аюулгүй байдлын алба Германаас ирсэн төлөөлөгчдийн болон ижил үзэл бодол илэрхийлсэн орнуудын төлөөлөгчдийг ч хянаж эхэлсэн гэж ХБНГУ-ын Холбооны Эрүүгийн албанаас үзэж байгаа аж. Тэдний хэлснээр, Египетийн тагнуулын ажилтнууд форумд оролцогчдын хуурамч үнэмлэх ашиглан НҮБ-ын төлөөлөгч мэт дүр эсгэж байгаа гэнэ.

Блоггерын тухайд

Сөрөг хүчний идэвхтэн, блогч, программист Ала Абд Эль-Фатта Египетийн эрх баригчдыг байнга шүүмжилж, 2011 оны нэгдүгээр сард  болсон тус улсын "хувьсгалын бэлгэ тэмдэг"-ийн нэг болсон юм. Түүний өдөөсөн олон нийтийн эсэргүүцлийн үр дүнд эхлээд Засгийн газар огцорсон, дараа нь Египетийн Ерөнхийлөгч Хосни Мубарак огцорсон ч түүнд эрүүгийн хэрэг үүсгэсэн юм. Энэхүү үйл явдлаас эхлэн арабын орнуудад "Арабын хавар" гэж нэрлэгдсэн Засгийн газраа эсэргүүцсэн цуврал үйл ажиллагаанууд болсон. гэдэг 

Мубарак огцорсны дараа Египетийн засгийн эрх мэдэл цэргийн Засгийн газарт шилжсэн. Абд Эль-Фаттах 2011 оны аравдугаар сард цэргийнхний эсрэг хүчирхийллийг өдөөсөн хэргээр баривчлагдах хүртлээ энэ дэглэмийг эсэргүүцэн жагсаалд оролцсон хэвээр байсан юм. 2011 оныхоо арванхоёрдугаар сард түүнийг батлан ​​даалтад гаргасан ч 2013 онд “Засгийн газрын эсрэг жагсаалыг өөгшүүлсэн” хэмээн дахин баривчилсан.

2014-2019 он хүртэл тус улсад жагсаал цуглаан үргэлжилж байсан ч блогчин шоронд хоригдож байв. 2021 оны арванхоёрдугаар сард тэмцэгчийг "хуурамч" мэдээлэл тараасан хэргээр Египетийн шүүх дахин таван жилийн хорих ялаар шийтгэсэн бөгөөд одоогоор түүний зарласан хэсэгчилсэн өлсгөлөн, 200 гаруй хоног үргэлжилж байна. Египетэд болж буй НҮБ-ын бага хурлын үеэр тус хотод Абд Эль-Фаттахыг дэмжсэн хэд хэдэн жагсаал болоод байгаа юм.

Эх сурвалж: DW