Украинд Оросын түрэмгийллийн улмаас 8300 гаруй энгийн иргэн амиа алджээ

Украины Ерөнхий прокурорын газраас дайны үеэр хамгийн багадаа 8300 энгийн иргэн амиа алдсан хэмээн онцоллоо.

Тус газраас " Украинд Оросын түрэмгийллийн улмаас 8311 энгийн иргэн амиа алдсаны 437 нь хүүхэд байна. Мөн 11 мянга гаруй энгийн иргэн шархадсан. " гэж мэдэгдэв. Ерөнхий прокурор Костин нь "Бодит тоо хамаагүй өндөр байгааг бид мэдэж байна, учир нь эзлэгдсэн зарим нутаг дэвсгэрт нэвтрэх боломжгүй хэвээр байна" гэж нэмж хэлэв.

Костиний хэлснээр, сүүлийн хоёр сарын хугацаанд Харьков, Донецк, Херсон мужуудийн чөлөөлөгдсөн нутаг дэвсгэрээс 700 гаруй цогцос олдсоны 90 хувь нь энгийн иргэн байжээ. "Харьков мужийн бүх хот, тосгон болгоноос бид  амь үрэгдсэн энгийн иргэдийн цогцос олсон" гэв.

Дайны гэх 45000 гаруй гэмт хэрэг бүртгэгдсэн
Дайн эхэлснээс хойш 45 мянга гаруй дайны гэмт хэрэг, үндэсний аюулгүй байдлын эсрэг гэмт хэрэг 19 мянга гаруй бүртгэгдсэн гэж ерөнхий прокурор Андрей Костин мөн хэлсэн байна.

ОХУ-ын 216 цэргийн албан хаагчийг дайны гэмт хэрэгт сэжиглэж байгаагийн 17 нь цэргийн олзлогдогсод байгаа аж. Мөн 60 хүнд холбогдох хэрэгт яллах дүгнэлт үйлдэж шүүхэд шилжүүлснээс 12 нь ял сонсоод байна.

Дайны гэмт хэргүүдийн дотор суурин газруудад халдлага үйлдсэн, энгийн иргэдтэй зүй бусаар харьцсан гэж 73 сэжигтэн энгийн иргэдийг санаатайгаар хөнөөсөн 35 сэжигтэн, бэлгийн хүчирхийлэл үйлдсэн гэж 6 цэргийн албан хаагч сэжиглэж, шалгаж байгаа гэжээ.

 Эх сурвалж:DW