Хятадын тухай үзэл ойлголтоо өөрчлөхийг Америкаас шаардав

Америкийн Худалдааны сайд Жина Раймондо 30-нд хэвлэлд ярилцлага өгөхдөө, Америк Хятад улстай харилцаа холбоогоо хэвээр байлгана, Хятад улс зах зээлээ гадаадад нээлттэй байлгахыг бид хүсэж байгаа ч тус орон төр засгийнхаа голлох үүрэг гүйцэтгэхийг тасралтгүй бататгаж, арми болон иргэний эдийн засаг, технологийн нэгдлийг эрэлхийлж байна. Хятад хоорондын харилцаагаа Америк таслахгүй боловч экспортын хяналтаа чангаруулж, нийлүүлэлтийн сүлжээний уян хатан байдлыг сайжруулан, Хятадын эдийн засгийн дарамтын эсрэг хариу арга хэмжээ авах болно гэжээ.

Үүнтэй холбогдуулан Хятадын ГХЯ-ны хэвлэлийн төлөөлөгч Жао Лижян 12-р сарын 2-нд хэлэхдээ, Америкийн албан хаагчийн үг яриа бодит үнэд нийцэхгүй. Өөрчлөлт нээлт бол Хятадын үндсэн бодлого бөгөөд Хятадын үүд хаалга улам нээлттэй болохоос хаагдах ёсгүй юм. Саяхан гэхэд л Хятад дахь гадаадын хөрөнгө оруулалтыг дэмжих, гадаадын хөрөнгө оруулалтын цар хүрээг тогтворжуулах 15 бодлогыг боловсруулсан бөгөөд 2022 оны гадаадын хөрөнгө оруулалтыг дэмжих салбаруудын жагсаалтыг нийтэлсэн юм. Зэвсэглэл, үзэл суртал гэгчээр шалтаг болгож, Хятадын арми болон иргэдийн уялдаатай стратегийг зориудаар харлуулж, экспортын хяналтаа чангаруулан, аль болохоор Хятадын эсрэг дайрч байгаа нь өөрийгөө, мөн бусдыг хохироох үйлдэл төдийгүй дэлхийн эдийн засгийн сэргэлтэд маш сөрөг үр дагавар авчрах болно гэжээ.

Тэрээр онцлохдоо, Хятадын тухай ташаа үзэл ойлголтоо залруулж, ерөнхийлөгч Ж.Байдений “Хятадтай харилцаа холбоогоо хэвээр хадгалж, Хятадын эдийн засгийн хөгжлийг хориглохгүй, Хятадад дарамт шахалт үзүүлэхгүй” гэсэн амлалтыг бодитоор хэрэгжүүлэн, улс орныхоо хүчинд түшиглэн Хятад улсын компаниудад дарамт шахалт үзүүлэхээ даруй зогсоож, өөрийн хувийн ашгийн төлөө дэлхийн эдийн засагт гарз хохирол учруулахаа болихыг Америкийн талд шаардаж байна гэжээ.