ЖАГСААЛ: Өнгө аяс хаашаа эргэв


12-р сарын 8
7 цаг 23 минут

Нүүрсний хулгайг эсэргүүцэн дөрөв дэх өдрөө жагссан иргэд үргэжлүүлэн бухимдлаа хүчтэй  илэрхийлж мөн Ерөнхий сайд,  ХЗДХ-ийн сайд нар төв талбайд гарч ирж иргэдтэй уулзсан.  Жагсаалын дөрөв дэх өдрийн өнгө аяс, иргэдийн дуу хоолой, төрийн түшээдийн иргэдэд хандан хэлсэн тайлбарыг тоймлон хүргэж байна. 


Ерөнхий сайд Л.Оюун-Эрдэнэ: Тавантолгой компанийн захиалгаар залуусын жагсаалыг эмх замбараагүй байдалд уриалан дуудаж байгаа хэсэг бүлэг бий

Үг хэлэх, жагсаж цуглах эрхээ эдэлж байгаа та бүхэндээ талархаж байна. Манай улсын эдийн засгийн дийлэнх хүчийг уул уурхайн салбар бүрдүүлдэг.  Гол  нь нүүрс, зэс. Тиймээс нүүрстэй холбоотой, зэсийн орд газруудтай холбоотой улстөрчид, хууль хяналтын байгууллага, шүүх зэрэг олон хүмүүсийн бүлэглэл амь бөхтэй оршсоор байна. Энэ асуудалтай Монгол Улсын Засгийн газар тэмцсээр ирсэн. Бүлэглэлтэй хийх тэмцэл тийм амар байгаагүй. 

Одоо бид шийдвэрлэх үедээ ажиллаж байна, энэ бол нүүрсний хулгай. Засгийн газар Тавантолгой компанид онцгой дэглэм тогтоогоод 14 хонож байна. Засгийн газрын өнөөдрийн хуралдаанаар 14 хоногийн ажлын үр дүнг авч хэлэлцсэн. Олон асуудлыг илчилж, гарган тавьж байгаа. Тийм учраас нүүрсний хулгайн асуудал Оюутолгой, Хөгжлийн банк, Эрдэнэт үйлдвэрийн 49 хувьтай адилхан шийдэгдэж, үр дүнд хүрнэ.  

Тавантолгой компанийн захиалгаар залуусын жагсаалыг эмх замбараагүй байдалд уриалан дуудаж байгаа хэсэг бүлэг бий. Иргэд маань ялгаж салгаж хандана гэдэгт итгэж байна. Нүүрсний хулгайтай холбоотой асуудлыг Монгол Улсын Засгийн газар илрүүлэхийн төлөө тэмцэх болно. Ард түмэн та бүхэн бидэнтэй хамт байна гэдэгт итгэж байна гэв. 

ХЗДХ-ийн сайд Х.Нямбаатар: Хэдэн жүжигчид гарч ирээд шууд нэрийн хэл гээд байгаа. Би хараагүй шүү дээ

"Жагсагчид маргааш 12 цаг гэхэд нүүрсний хулгайтай холбоотой хүмүүсийн нэрсийг зарла гэсэн шаардлага хүргүүлж байна. Хэн нэг хүнийг мөрдөн шалгах ажиллагаа явуулахгүйгээр, гэмт хэрэг үйлдсэнд тооцож, тэр, энэ гэж зарлах боломжгүй. Шууд хүний нэр заагаад энэ гэм буруутай хүн зогсож байна аа гээд хэдүүлээ ингээд үн яллаж болох уу.  Өөрөө шүүх биш. Гадаа байгаа хүмүүст бид нар ийм ойлголт өгснөөс болоод хүмүүс бухимдаад байна шүү дээ. Төрийн өндөр албан тушаалтай 20, 30 хүн байгаа л гэж байна. Би жишээлбэл шалгаагүй, хараагүй. Нүүрс зөөж байхыг нь хараагүй байж шууд таамгаар энэ хүмүүс гээд авчраад, гаргаж ирээд буудаж болохгүй биз дээ.  Хэдэн жүжигчид гарч ирээд л шууд чи нэрийг нь хэл гээд байгаа байхгүй юу. Би хараагүй шүү дээ. 

Засгийн газар бол хохирогчийн зүгээр 5-6 мэдээллийг ил болгож өгөөрэй гэж хүссэн. Түүнчлэн энэ асуудалтай холбоотой алба хаагчдын мэдээллийг ил болгож өгөөч гэсэн асуудлыг тавьсан. Нүүрсний гэх хэрэг дээр дөрвөн эрүүгийн хэрэг үүссэн гэж ойлгосон. 

Түүнчлэн энэ мэдээллийг олон нийтэд цацсан Т.Доржханд гишүүнийг дуудаж, мэдүүлэг авмаар байна. Тэгэхгүй бол 40 их наяд ам.долларын өртөг бүхий нүүрсийг үнэгүй гаргачихсан юм шиг ойлгоод байна. Тиймээс хуулийн байгууллагууд тоо, мэдээллээ тулгах шаардлагатай байна. Шаардлагатай бол ажлын хэсгээ ЦЕГ-ын Сүлд чуулга дээр байрлуулах боломжтой" гэв. 

Таньдаг жүжиг яваад байна шүү дээ. Яг энэний урьдны жагсаал дээр иймэрхүү юм болсон

ИРГЭД:  Яг энэний урьдны жагсаал дээр иймэрхүү юм болсон.  Тэр жагсаал чинь яг ингэж явсан. Ингэж гарч ирээд л замхарчихсан. Одоо сая Ерөнхий сайд Л.Оюун-Эрдэнэ гарч ирээд ярьлаа. 30 хоногийн дотор эд нар хангалттай өөр мэдээлэл сэвээд алга болно. Надад лав саяны үйл явдал зохион байгуулалттай явагдсан юм шиг мэдрэмж төрж байна. Шударга байя, нүүрсний хулгайчдынхаа нэрийг зарла гэсэн болохоос ийм бөөрөнхий юм сонсмооргүй байна. 

Ер нь бол таньдаг  жүжиг яваад байна шүү дээ. Бид нар зун яг ийм зүйл харсан шүү дээ. Сая иргэдийг төлөөлж гарч байгаа хүмүүс нь угаасаа нэг суганы үснүүд нь л гарч байна. Одоо тэнд гарч ирэнгүүт нь Х.Нямбаатар нь үг зааж өгөөд байгаа байхгүй юу. Шивнээд л. Тэгэнгүүт өө тэгэхгүй, ингэхгүй гэж яриад л. Энд ирсэн зуу, зуун хүмүүсийн итгэлийг алдаж байгаа байхгүй юу энэ хүмүүс.  Гарч ирээд сая тодорхой юм юу ч ярьсангүй. Энэ дунд ойлгосон хүн ганц ч байхгүй. Юу ч ойлгоогүй. 

Өнөөдөр миний хүүхдүүдийг Монгол орон амьдруулах ямар ч боломж алга

Бид нарын өнөөдөр мэдээд байгаа 40 их наяд гэдэг бол бид нарын санаанд багтахгүй тоо. Бид нарт ил гараагүй хэчнээн газрын баялагийг цаагуураа яаж зарсан юм бэ.  Бид нар мэдэхгүй шүү дээ. Урьд нь тэмцээд, тэмцээд төр засаг бахь байдгаараа байна. Би хоёр хүүхдээ гадагшаа явуулж амьдруулдаг. Би ээж хүний хувьд үр хүүхэдтэйгээ эх орондоо цуг л амьдармаар байна шүү дээ. Ард түмний амьдрал маш хэцүү болчихоод байна. Гэтэл өнөөдөр миний хүүхдүүдийг Монгол орон амьдруулах ямар ч боломж алга. Ямар ч амьдруулах нөхцөл алга. Харин залуучуудыг өөрсдийнхөө төлөө өөрсдөө гарч ирээд тэмцэж байгаад баярлаж байна. 

Ерөнхий сайд ард түмнийг доромжилчихоод яваад орлоо. Энэ нүүрсний хулгай гэдэг чинь зөвхөн мөсөн уулын оргил нь

Ерөнхий сайд ард түмнийг доромжилчихоод яваад орлоо. Энэ нүүрсний хулгай гэдэг чинь зөвхөн мөсөн уулын оргил. Цөлмөөд дуусчихсан. Ямар ч чадамжгүй засгийн газар, УИХ-ыг тараах л хэрэгтэй.  Хулгайчдыг хулгайчдаар солино гэж байхгүй. Хулгайч хулгайчаа барина гэж байхгүй. Л.Оюун-Эрдэнэ өөрөө тавантолгойд машин явуулдаг хулгайч шүү дээ. Таван толгойд машин явуулдан хулгайч.  Ерөнхийлөгч У.Хүрэлсүхээ одоо боль. Наад шударга ёс гэдэг үгээ битгий амнаасаа унагаа. Наад үгийг чинь сонсохоор миний бөгс улайж байна. Монголын ард түмэн ямар хүлцэнгүй юм бэ гарч ирээд жагсаад эд нарыг хариуцлагыг нь хүлээлгэе.

 

 

 

 



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



202.21.107.65talbai deerees zailaarai   • 2022, 12 сарын 8. 8 цаг 32 минут

dandaa hulsnii jagsagch nar yu medehgui bolovsrolgui huulin medleg ogt bhgui yumnuud baina yamar saindaa alia salbadaigaar udirduulj bhav de kk.shuuhiin shiidver garaagui bhad hunigem buruutai gej zarladag huuli haana ch bhgui.tiim hemjeenii nuurs garsan gedeg chtodorhoigui..hudlaa too helj malnuudiig turhirsan dorjhandiig sain shalga heregtei.dorjhandaas asuu l daa.NAM ZASAG UUND YAMAR CH HAMAAGUI SHUU!!!



Шинэ мэдээ

Эмийн үнийн өсөлтийн шалтгаан, нөхцөлийг хянан шалгах түр хорооны үйл ажиллагаанд саад учруулж буй байгууллага, албан тушаалтнуудыг зарлалаа3 сар 28. 17:57Хүүхэд хамгааллын тухай хуулийг сурталчлах, таниулах арга хэмжээг зохион байгууллаа3 сар 28. 17:52“Эрдэм” монгол бичгийн бүтээлийн үзэсгэлэн нээлтээ хийлээ3 сар 28. 17:47Дүүргийн нэгдсэн эмнэлэг, өрхийн эрүүл мэндийн төвүүдэд тулгамдаж буй асуудлуудыг хэлэлцлээ3 сар 28. 17:37Дотоодын цэрэг өндөр чадвартай хөдөлгөөнт хүчинтэй болно3 сар 28. 17:30Онол, үйлдвэрлэлийн бага хурлаас зөвлөмжийн төслийг танилцуулж, оролцогч нэг бүрийг саналыг тусгав3 сар 28. 13:30Чих, хамар хоолой, сэтгэц судлал, дотор, ерөнхий мэс заслын салбар зөвлөлийн боловсруулсан зааврын төслийг хэлэлцлээ3 сар 28. 13:27“Уран хөдөлгөөнт гимнастик-2024” тэмцээн эхэллээ3 сар 28. 13:23Үнэт цаасны зах зээлийн тухай хуулийн төслийг эцсийн хэлэлцүүлэгт шилжүүллээ3 сар 28. 13:12ЭЗБХ: Үнэт цаасны зах зээлийн тухай хуулийн төслийн анхны хэлэлцүүлгийг хийв3 сар 28. 13:10Чингэлтэй дүүргийн нэрэмжит гудамж Япон улсад нээгджээ3 сар 28. 13:05Булган боомт-БНХАУ-ын Такашикен, Хавиргын боомтоос Манжуур чиглэлд жуулчин тээвэр эхэллээ3 сар 28. 9:58Газар хөдлөлтийн гамшгаас урьдчилан сэргийлэх, таниулах өдрийг тэмдэглэн өнгөрүүллээ3 сар 28. 9:54Ц.Наранчимэг: Нам, эвсэл, нэр дэвшигчид мөрийн хөтөлбөртөө ямар нэг амлалт оруулах ёсгүй3 сар 28. 9:50Ч.Ундрам: Гурилын үйлдвэрүүд найман хувийн ашигтай ажилладаг юм бол банкинд мөнгөө хадгалуулсан нь дээр3 сар 28. 9:45Төөрсөн, сураггүй болсон таван дуудлага ирэв3 сар 28. 9:34Зам талбайд тогтсон 92 тонн усыг сорууллаа3 сар 28. 9:30Өнөөдөр орон даяар 16:00 цагт гамшгийн аюулын зарлан мэдээллийн дохио дуугарна3 сар 28. 9:27“Процессын нээлттэй байдал” сэдэвт хэлэлцүүлэг боллоо3 сар 28. 9:22Хөгжөөн дэмжигчидийн тэмцээний аваргууд шалгарлаа3 сар 28. 8:05УИХ: Энэ долоо хоногт чуулганы нэгдсэн хуралдаанаар3 сар 28. 7:50Өнөөдөр дөрвөн ногоон мэнгэтэй цагаагчин туулай өдөр3 сар 28. 7:46Цаг агаар: Улаанбаатарт өдөртөө 3 хэм хүйтэн3 сар 28. 7:42Дүүргийн Сургуулийн өмнөх боловсролын байгууллагын удирдах ажилтнуудын ээлжит шуурхай боллоо3 сар 27. 17:16Дорнод аймагт хөгжлийн бэрхшээлтэй иргэнийг ажлын байранд дадлагажуулах хүний нөөцийг бэлтгэж байна3 сар 27. 17:10Дүүргийн Ерөнхий боловсролын сургуулийн сурагчдын хөгжөөн дэмжигчидийн тэмцээн эхэллээ3 сар 27. 17:02Замын-Үүд-Эрээн боомтын ачаа тээврийг ирэх сарын 1-нээс 24 цагаар ажиллуулна3 сар 27. 16:38“Эрдэнэс Тавантолгой” ХК-ийн ордын нөөцийг 8.1 тэрбум тонноор баталлаа3 сар 27. 16:19Хаврын улс төр Монголоос халив3 сар 27. 14:53Дүүргийн Ерөнхий боловсролын сургуулийн удирдлагуудын ээлжит шуурхай боллоо3 сар 27. 14:19
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.