Өнөөдөр өглөө Увс аймагт 4.1 магнитудын хүчтэй газар хөдөллөө

Өнөөдөр өглөө 08:27 цагт Увс аймгийн Сагил сумын төвөөс баруун зүгт 40 километрийн зайд 4.1 магнитудын хүчтэй газар хөдөллөө гэж ШУА-ийн Одон орон, геофизикийн хүрээлэн мэдээлэв. Дөрөв хоногийн өмнө буюу 2022.12.12-ны өдөр мөн тус газар 4.8 магнитудын хүчтэй газар хөдлөлт болж байсан. Газар хөдлөлтийн давтамж ойртох нь хүчтэй газар хөдлөлт болохыг дохио гэж зарим мэргэжлийн хүмүүс тайлбарладаг. Газар хөдлөлтийн чичирхийлэл 3-4 магнитуд байвал хүнд мэдрэгдэж, 6 магнитудаас хэтэрвэл барилгад эвдрэл үүсдэг аж.