Facebook
Twitter
Youtube
Даян аварга Н.Батсуурийн ОХУ-ын сүмогийн холбооны хэвлэлийн албанд өгсөн ярилцлагыг хүргэж байна.
Сүмо бөхийн 2019 оны дэлхийн аварга, жүдо бөхийн Азийн АШТ-ий хүрэл медальт, Монголын үндэсний бөхийн даян аварга Намсрайжавын Батсуурь арванхоёрдугаар сарын эхээр Монголын бөхчүүдтэйгээ хамт “Хамтын нөхөрлөлийн цом” олон улсын тэмцээнд оролцсон. Монголын алдартай аварга залуу +115 кг-ын жинд хүрэл медалийн төлөө Тувагийн Айдын Монгушт ялагдсан бол багийн тэмцээнд (4х4) түрүүлж, цомын эзэн болсон. Шагнал гардуулах ёслолын дараа ОХУ-ын сүмогийн холбоо (ФСР)-ны хэвлэлийн алба түүнээс ярилцлага авчээ.
-Н.Батсуурь аа, "Хамтын нөхөрлөлийн цом"-ын тэмцээнд ганцаарчилсан төрөлд илүү амжилт үзүүлэхэд юу саад болсон бэ?
-Тэмцээн болохоос гурав хоногийн өмнө бэлтгэл дээр штанг өргөж байхдаа нуруугаа гэмтээсэн. Тиймээс бүрэн хүч чадлаа гаргаж барилдаж чадаагүй. Гэхдээ би хүрэл медалийн төлөөх барилдаанд ялагдсан өрсөлдөгч бөхөө үнэлэх ёстой. Надтай барилдсан Айдын Монгуш бол их авьяастай тамирчин. Сүмо төдийгүй тувагийн үндэсний бөхөөр сайн барилддаг залуу.
-Монголын эрэгтэй баг Чеховын тэмцээнд гол цомыг хүртэхдээ эзэн орны багтай хэрхэн яаж барилдав?
-Оросын тамирчид сонирхогчдын сүмод сайн барилддаг ч манай баг ч бас хүчтэй. Дэлхийн аварга шалгаруулах тэмцээний хоёр түрүүтэй, нэг хүрэл медальт тамирчдаас бүрдсэн.
-Энэ тэмцээнээс өмнө хэзээ хамгийн сүүлд сүмогоор барилдсан бэ?
-2019 оны аравдугаар сард Японы Осака хотод болсон сүмогийн ДАШТ-д үнэмлэхүй жинд түрүүлж дэлхийн аварга болсон. Тэгэхдээ хагас шигшээд ОХУ-ын шилдэг бөх Эдуард Кудзоевыг ялж байсан. Үүний дараа сүмогийн тэмцээнд барилдаагүй ч “Хамтын нөхөрлөлийн цом”-д оролцохоос татгалзаж чадаагүй. Зохион байгуулагчид Монголын баг тамирчдыг тус тэмцээнд урьсаны дараа барилдахыг ихээр хүсч байв. Үүнээс гадна би Москвагийн “Улаан талбай”, Кремлийг эртнээс үзэхийг мөрөөддөг байсан.
-Та Монголын үндэсний бөхийн наадамдаа гурван удаа түрүүлсэн. Таныг эх оронд чинь маш ихээр хүндэлдэг. Үүний зэрэгцээ сүмо, жүдо, самбо бөхийн тэмцээнд өндөр амжилт үзүүлж байсан. Та аль спортод нь илүү дуртай вэ?
-Жүдогоор Азийн аварга шалгаруулах тэмцээн, самбоор ДАШТ-ээс хүрэл медаль хүртэж, сүмогоор дэлхийн аварга болсон. Гэхдээ миний хувьд монгол үндэсний бөхдөө хамгийн их дуртай. Жилд ганц удаа болдог төрийн наадамдаа гурван удаа түрүүлээд байгаа. Монголын хамгийн нэр хүндтэй наадамд манай улсын хүчит 512 бөх барилддаг. Харин Чингис хааны ой тохиодог онцгой жилүүдэд 1024 хүчтэн зодоглодог. Бөхөд дуртай эх орон элэг нэгтнүүд маань надад маш их урам зориг өгдөг.
-Та томоохон тэмцээнд олон удаа оролцож байсан. Чеховт болсон "Хамтын нөхөрлөлийн цом"-ын тэмцээнийг зохион байгуулалтын талаар юу хэлэх вэ?
-"Хамтын нөхөрлөлийн цом" тэмцээний зохион байгуулалт гайхалтай. Бараг л сүмогийн Дэлхийн аварга шалгаруулах тэмцээн шиг, бүр түүнээс ч илүү байж магадгүй.
-Таны гол ялалтууд хараахан гараагүй байна уу, эсвэл спортын замнал чинь дуусах дөхөж байна уу?
-Би дөнгөж 35 настай. Бүх зүйл миний өмнө байна. Надад өндөр амжилт үзүүлж, медалийн төлөө барилдах боломж байсаар байна.
Эх сурвалж: mglsport.com
Монголын пара шатарчид анх удаа дэлхийн шатрын олимпиадад оролцоно
Зүүн Азийн волейболын аварга шалгаруулах тэмцээн Улаанбаатарт өнөөдөр эхэллээ
Б.Хулан Жюү Жицүгийн дэлхийн аварга боллоо
Улсын начин Д.Цэрэнтогтохын барилдах эрхийг түр түтгэлзүүлсэн гэв
И.Цэлмүүн Өсвөрийн шатарчдын Ази тивийн аварга шалгаруулах тэмцээнээс хүрэл медаль хүртлээ
Үндэсний их баяр наадмын урианхай сурын харваа эхэллээ
Олимпийн эрх олгох ширээний теннисний Олон улсын тэмцээн Монголд болно
"Chinggis open-2026" тэмцээнд 430 гаруй шатарчин цэц мэргэнээ сорилоо
Сэтгэгдэл бичих
Төрчихсөн аварга шүү. Гайхалтай бөх
Их спортод ийм амжилт үзүүлж байгаад нь Даян аварга Батсуурьт баяр хүргэж томоос том амжилт хүсье
Ene sakhsuu,deerelkhuu nukhur tsaashaa bai.
Амжилт өөртөө итгэлтэй мундаг залуу шүү👍👌🙂
delhiin avraga bolson bol odoo ter h/baataraa uguuchee! ter sagsuu dolgorsurengiin huu geh met chini delhiin avraga boloogui shuu!