Э.Бат-Үүл: Хүүк Их Британийн хаан сэнтийд залах ёслолд оролцсонд Путины Орос "боож үхэх нь"...

     Монгол Улсын Ерөнхийлөгч Ухнаагийн Хүрэлсүх гэргий Лувсандоржийн Болорцэцэгийн хамт Лондон хотын Вэстминстерийн сүмд ИБУИНХУ-ын Цог Жавхлант Хаан гуравдугаар Чарльз болон Хааны хатан Камилла нарыг хаан сэнтийд залах төрийн ёслолд оролцсон билээ. Үүнтэй холбоотойгоор Монгол Улсын Баатар Э.Бат-Үүл нийгмийн сүлжээгээр дамжуулан байр сууриа илэрхийлжээ.

Тодруулбал тэрээр: "Тусгаар тогтносон,бүрэн эрхт, эрх чөлөөт Монгол Улсын Ерөнхийлөгч, Их Британийн Хамтын Нийгэмлэгийн орнуудын төрийн тэргүүнийг залах ёслолд уригдан "бүдүүн зүрх гарган" оролцсонд Путины Орос "боож үхэж" байгаа бололтой.

Ядахдаа,Хүүк Европын улсуудын томчуул, Булангийн орнуудын хунтайжуудын бүр урдуур тэргүүлээд суучихсаныг хэлэх үү.Путины троллууд,мон-рашистууд гутаан дайраад сүйд!

Путинд бараа болдог байсан өмнөх Ерөнхийлөгч Х.Баттулга мэт байх ёстой байсан юм уу! Харийн Путинг долоогчид намайг,өөрийнхөө улсын төрийн тэргүүнийг долоолоо энэ тэр гэж баалаад байгаа юм уу? Би намчирхаад, бүр дутуу долоогоод, дутуулаад байгаа шүү! Манай намаас нэр дэвшсэн Ерөнхийлөгч байсансан бол зөндөө долоох байлаа!" гэсэн байна.