Авлигатай тэмцэх газрын дэд дарга, эрхэлсэн комиссар Г.Азжаргал тэргүүтэй төлөөлөгчид БНКУ-ын Алматы хотод 2023 оны 5 дугаар сарын 18-19-ний өдрүүдэд зохион байгуулагдсан НҮБ-ын Мансууруулах бодис, гэмт хэрэгтэй тэмцэх албаны зохион байгуулсан “Торгон зам” эдийн засгийн бүсийн авлигын эсрэг мэргэжилтнүүдийн сүлжээний 3 дахь удаагийн хуралд оролцлоо.
Хурлын нээлтэд Монгол Улсын Авлигатай тэмцэх газрын дэд дарга, эрхэлсэн комиссар Г.Азжаргал үг хэлэв. Тэрбээр “НҮБ-ын Мансууруулах бодис, гэмт хэрэгтэй тэмцэх албаны санаачилсан “Торгон зам” эдийн засгийн бүсийн авлигын эсрэг мэргэжилтнүүдийн сүлжээнээс зохион байгуулдаг туршлага судлах, мэдээлэл солилцох арга хэмжээнүүдийг манай улсын авлигатай тэмцэх байгууллага дэмжиж ирсэн бөгөөд Монгол Улсын Засгийн газрын зүгээс авлигатай тэмцэх чиглэлээр шүгэл, шүүр, шувуу, шилжүүлэх авах, шилэн хэмээх цогц “5Ш” ажиллагааг явуулж байгаа, санхүүгийн мөрдөн шалгах болон олон улсын хамтын ажиллагааны хүрээнд гадаад улс орнуудаас 2022 онд 12.2 сая ам.долларыг эргүүлэн авчирч чадсан” талаар хэлсэн үгэндээ дурдлаа.
Хурлын үеэр эрхэлсэн комиссар Г.Азжаргал БНКУ-ын авлигатай тэмцэх байгууллагын дарга, хошууч генерал Асхат Жумагалитай хоёр талын албан уулзалт хийж, хоёр орны авлигатай тэмцэх байгууллагын сайн туршлага, цаашдын хамтын ажиллагааны талаар ярилцаж, авлигын гэмт хэрэгтэй тэмцэх, урьдчилан сэргийлэх чиглэлээр хамтаран ажиллах тухай харилцан ойлголцлын санамж бичигт гарын үсэг зурав.
Монгол Улсын төлөөлөгчид БНКУ-ын Санхүүгийн хяналтын албаны төлөөлөгчидтэй уулзаж авлига, мөнгө угаах гэмт хэрэгтэй тэмцэх, урьдчилан сэргийлэх чиглэлээр, мөн БНХАУ-ын Үндэсний хяналтын хорооны төлөөлөгчидтэй хийсэн уулзалтаар авлигын гэмт хэрэгт хамтран дэмжлэг үзүүлж ажиллах, авлигатай тэмцэх сайн туршлагыг хуваалцаж хамтран ажиллахаар тус тус тохиролцлоо.



Facebook
Twitter
Youtube


“Бие биедээ тусах гэрэл” Монгол, Солонгос уран бүтээлчдийн хамтарсан медиа арт үзэсгэлэнгийн нээлт боллоо
Цаг агаар: Улаанбаатарт өдөртөө 14 хэм дулаан
Цаг агаар: Улаанбаатарт өдөртөө 13 хэм дулаан
“Хаки” хүүхдийн баярын нэгдсэн үйл ажиллагаа өнөөдөр төв талбайд болно
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
“Улаанбаатар трам” төсөл хэрэгжсэнээр авто замын нэвтрүүлэх чадвар 23.6 хувиар нэмэгдэнэ
АТГ: Архитектур төлөвлөлтийн даалгавар гаргуулахын тулд 30 сая төгрөгийн хахууль өгсөн хэргийг прокурорт хүргүүлэв
Ц.Цогтыг УДШ-ийн Ерөнхий шүүгчээр томилуулах саналыг Ерөнхийлөгчид хүргүүлнэ.gif)

Сэтгэгдэл бичих