МАН-ын удирдлагууд жагсаалтад нэр дэвшигчдийг намын нэрийн ард нууна гэнэ үү


6-р сарын 5
21 цаг 54 минут

             УИХ өнгөрсөн долоо хоногт Монгол Улсын Үндсэн хуульд нэмэлт өөрчлөлт оруулсан. Өөрөөр хэлбэл, эрх баригчид УИХ-ын гишүүдийн тоог нэмж, сонгуулийн тогтолцоог өөрчлөх талаар 2019 онд санал нэгдсэн ч Үндсэн хуульд тусгаж чадаагүйгээ ийнхүү эцэслэсэн хэрэг. Харин өнөөдөр Ерөнхийлөгч У.Хүрэлсүх ёсчилж, 2024 онд сонгуулийг холимог тогтолцоогоор явуулж, УИХ-ын гишүүдийн тоо 126 болох нь тодорхой боллоо. УИХ дахь МАН-ын бүлгийнхний мэдээлснээр, Сонгуулийн тухай хуульд нэмэлт өөрчлөлт оруулах тухай хуулийн төслийг энэ сарын 23-нд батална. Монгол Улсын Ерөнхийлөгчийн санаачилсан Улс төрийн намын тухай хуулийн шинэчилсэн найруулгын төслийг ирэх сарын 01-нээс өмнө баталсан байх ёстой. Үндсэн хуулийн нэмэлт өөрчлөлтийг дагаж гарах эдгээр хуулийн зүйл, заалтыг нэлээд чанга болгох талаар ч эрх баригч хүчнийхэн ярьж байгаа аж.

        МАН-ын дарга, Ерөнхий сайд Л.Оюун-Эрдэнэ УИХ Үндсэн хуульд нэмэлт өөрчлөлт дахин оруулахын өмнөхөн буюу өнгөрсөн долоо хоногт чуулган дээр “Жагсаалтад муу нэртэй хүмүүсийг багтаасан нам шууд ялагдах ёстой” гэж мэдэгдсэн. Намынхан нь Хөгжлийн банк, нүүрсний хулгай, ЖДҮХС, Боловсролын зээлийн сан зэрэг нийгэмд дуулиан дэгдээж, олон нийтийн дунд бухимдал үүсгэсэн асуудалд хутгалдаж “Муу нэр” зүүсэн энэ үед Л.Оюун-Эрдэнэ ийм эрсдэлтэй мэдэгдэл хийсэн. Гэвч тэр МАН-ын дарга. УИХ 2019 онд нэмэлт өөрчлөлт хийсэн Үндсэн хуулиар Л.Оюун-Эрдэнэ үнэмлэхүй эрх мэдэл бүхий анхны Ерөнхий сайд. Үндсэн хуульд дөрвөн жилийн дараа буюу өнгөрсөн долоо хоногт дахин нэмэлт өөрчлөлт оруулж, сонгуулийн тогтолцоог холимог болгох хүслээ МАН-ын дарга, Ерөнхий сайдын хувьд гүйцэлдүүлж чадлаа. Хөзрийн тамга одоо түүний гарт... Эрх мэдлийн нэн шинэ хуваарилалтийг гардан хийх эрх мэдэл Л.Оюун-Эрдэнэд бий.

      Сонгуулийн тухай хуульд нэмэлт өөрчлөлт оруулах тухай хуулийн төслийг санаачлагчдын нэг, УИХ-ын гишүүн Н.Энхболд өнөөдөр сэтгүүлчдэд өгсөн ярилцлагадаа намын нэрсийн жагсаалтаар нэр дэвшигчдийн нэрсийг саналын хуудас дээр тэмдэглэхгүй байх тухай хувилбарыг ярьж буй тухай ам алджээ. Угтаа энэ нь МАН-ын удирдлагуудын хүрээнд “хөшиг”-ний ард шивнэж буй нууц яриа байсан. Гэвч хашир туршлагатай гэгддэг кандидат нь ийнхүү нууц задруулжээ. МАН, АН, ХҮН болон бусад намынхан нэрсийн жагсаалтад багтах хүмүүсээ хэрхэн тодруулах вэ. Улс төрийн хүрээнд яах аргагүй анхаарал татсан сэдэв. Эрх баригч хүчнийхэн болон бусад намынхан ч энэ талаар яриад эхэлжээ. МАН-ын удирдлагууд олонд танигдсан хашир туршлагатай гишүүдээ тойргуудад нэр дэвшүүлж, шинээр нэр дэвшигчдийг намын нэрсийн жагсаалтад багтаах тухай хэлэлцэж байгаа. Ингэхдээ саналын хуудсан дээр жагсаалтад нэр дэвшигчдийн нэрсийг сонгогчдод харуулахгүйгээр зөвхөн намуудын нэрийг жагсаах тухай хувилбарыг дэвшүүлжээ. Нэг ёсондоо, саналын хуудсан дээр бичсэн намуудын нэрсийн ард чухам хэн хэн гэдэг нэр дэвшигчид байгааг олон нийт мэдэхгүй гэсэн үг. Эрх баригч хүчнийхний энэхүү сэм яриаг АН-ын С.Одонтуяа, ХҮН-ын Т.Доржханд нар дэмжсэн гэх. Гэвч Л.Оюун-Эрдэнийн мэдэгдсэнчлэн намууд сонгуульд ялахын тулд сайн нэртэй хүмүүсийг нэр дэвшүүлэх юм бол намын нэрийн ард нуух гээд байгаагийн учир юу вэ. Аль эсвэл төрийн албаны ямар ч туршлагагүй, баруунд төгссөн гэх гоё тодотголтой, Монголын амьдралаас тасарсан, бас л Л.Оюун-Эрдэнийн хэлсэнчлэн “Үеийн үнэмлэхүй шинэчлэл”-ээр тодорсон нялхасыг МАН, АН, ХҮН зэрэг нэрийн ард нууж, УИХ-ыг 80, 90, 2000-аад оны учир мэдэхгүй “төгөлдөр хуурчид”-аар дүүргэх гээд байна уу. Ер нь МАН-ынхан ирэх сонгуульд гурав дахиа үнэмлэхүй ялахын тулд муу нэртнүүдээ дэвшүүлэхгүй байж чадах уу, улс төрд үеийн шинэчлэл хийх нэрийдлээр олигархиудын дараа үед эрх мэдлийн суудал хуваарилалтыг наймаалцах уу гэдэг ч анхаарал татна. Товчхондоо, намын нэрсийн жагсаалтаар нэр дэвшүүлэх асуудлыг авлигаар шийдэх эсэх нь асуултын тэмдэг байна, одоохондоо...  

 

Эх сурвалж: Д.Ананд


АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

“Үндэсний номын баяр-2024” үйл ажиллагаанд Чингэлтэй дүүргийн Хүүхэд хөгжлийн цогцолбор “Шилдэг номын сан”-аар шалгарлаа29 минут 19 секундын өмнө“Хөдөлмөрийн харилцааны хөтөлбөр”-ийг хэрэгжүүлэх 27 Мэргэшсэн зөвлөх гэрчилгээгээ гардлаа35 минут 47 секундын өмнөАвтобусны худалдан авах ажиллагааны талаарх нотлох баримтыг шинжлэн судлах нээлттэй сонсгол эхэллээ42 минут 36 секундын өмнөАХБ-ны төслөөр Чингэлтэй дүүрэгт шинэ эмнэлэг барина49 минут 40 секундын өмнөАвтобусны худалдан авах ажиллагааны талаарх нотлох баримтыг шинжлэн судлах нээлттэй сонсгол өнөөдөр эхэлнэ59 минут 28 секундын өмнөХоршоо байгуулж төсөл хэрхэн бичих вэ ?1 цаг 5 минутын өмнө“OPEN MIC” соёл урлагийн үйл ажиллагааг зохион байгууллаа1 цаг 12 минутын өмнөУГТЭ: Лаосын эмч нарыг чадавхижуулахад дэмжлэг үзүүлнэ1 цаг 19 минутын өмнө"Эрэлтэд нийцсэн ур чадвар олгох хөтөлбөр"-ийн хүрээнд үнэ төлбөргүй мэргэжлийн ур чадвар олгох сургалтад элсэлт авч байна1 цаг 22 минутын өмнөЧингэлтэй дүүргийн Залуучуудын спортын их наадмын аваргууд тодорлоо1 цаг 28 минутын өмнөЯаралтай тусламжийг цаг алдалгүй үзүүлэх бүрэн тоноглогдсон 20 машиныг эмнэлгүүдэд хүлээлгэж өглөө2 цаг 19 минутын өмнөГовь-Алтай аймгийн "Чухал сүрэг", “Өсөх мөнгөн тулга" хоршооны гишүүн малчид хөрөнгө оруулалтын зээлийн шалгуур хангажээ2 цаг 31 минутын өмнө“Улс төрийн ЭЕШ” чангарчээ, УИХ-ын босго өндөрсөх үү?!2 цаг 34 минутын өмнөАН: 2024 оны УИХ-ын сонгуульд оролцох нэр дэвшигчдээ тодрууллаа2 цаг 46 минутын өмнөӨнөөдөр хөхөгчин тахиа өдөр2 цаг 52 минутын өмнөЦаг агаар: Улаанбаатарт өдөртөө 31 хэм дулаан2 цаг 56 минутын өмнөС.Чинзориг: Хүүхдийн хорт хавдрын эмчилгээнд шаардлагатай эмийг үнэ төлбөргүй нийлүүлэх хөтөлбөр хэрэгжиж эхэллээ5 сар 20. 15:41Цэгцрэх хөдөлгөөн5 сар 20. 12:05Энэ жил улсын хэмжээнд 11,294 ээж Алдарт эхийн нэг, хоёрдугаар зэргийн одон хүртэж байна5 сар 20. 11:57Эрүүгийн 890 хэрэгт мөрдөн байцаалтын ажиллагаа явуулав5 сар 20. 11:52“Хөдөлмөрийн харилцааны хөтөлбөр”-ийг шинээр хэрэгжүүлнэ5 сар 20. 11:24СЕХ-ны дарга П.Дэлгэрнаран: Нэр дэвшигчдийн материал, холбогдох байгууллагуудаас ирсэн лавлагаа хоёрыг тулгаж бүртгэх эсэхээ шийднэ5 сар 20. 11:18“Чингэлтэй цом-2024” спортын их наадам эхэллээ5 сар 20. 11:11Ерөнхийлөгч У.Хүрэлсүх ээжүүдэд “Эхийн алдар” одон гардуулж байна5 сар 20. 11:06"Төрийн бүтээмжийн сэргэлт-Цахим эрүүл мэнд" үндэсний сургалт Дархан-Уул аймагт боллоо5 сар 20. 10:58“Тавантолгойн нүүрс ачих логистикийн төв” жилд 20 сая тонн нүүрс ачих хүчин чадалтай5 сар 20. 10:53Пара таеквондогийн тамирчид хоёр алт, нэг хүрэл медаль хүртлээ5 сар 20. 10:45Аюулт үзэгдэл, ослын 99 удаагийн дуудлагаар үүрэг гүйцэтгэлээ5 сар 20. 8:18“Шинэ хоршоо“ хөдөлгөөн эхэлснээс хойш 10 хоршооны 180 гишүүнд 1.6 тэрбум төгрөгийн хөрөнгө оруулалтын зээл олгожээ5 сар 20. 8:13С.Чинзориг: Д вирусийн эмчилгээг эхлүүлэхэд нэг алхам ойртлоо5 сар 20. 8:08
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.