Д.Амарбаясгалан: Засгийн газраас “Тавантолгой төмөр зам” ХХК-д онцгой дэглэм тогтоож, бүрэн эрхт төлөөлөгчөөр Н.Мягмарыг томилсноор ихээхэн ахиц дэвшил авчирсан гэж дүгнэлээ


6-р сарын 7
15 цаг 14 минут

       Засгийн газрын өнөөдрийн /2023.06.07/ хуралдаанд “Тавантолгой төмөр зам” ХХК дахь Засгийн газрын онцгой бүрэн эрхт төлөөлөгч Н.Мягмар 6 сарын хугацаанд хийж хэрэгжүүлсэн ажлуудынхаа талаар танилцуулсан бөгөөд Засгийн газрын хуралдааны дараа ЗГХЭГ-ын дарга Д.Амарбаясгалан мэдээлэл хийж, Засгийн газраас “Тавантолгой төмөр зам” ХХК-д онцгой дэглэм тогтоож, Бүрэн эрхт төлөөлөгчөөр Н.Мягмарыг томилсноор ихээхэн ахиц дэвшил авчирсан болохыг тэмдэглэлээ.

Эргэн сануулахад,

-Засгийн газрын 2022 оны 12 дугаар сарын 12-ны өдрийн 459 дүгээр тогтоолоор “Тавантолгой төмөр зам” ХХК-ийн үйл ажиллагааг Засгийн газрын шууд хяналтад авч, 6 сарын хугацаанд онцгой дэглэм тогтоож, Засгийн газрын онцгой бүрэн эрхт төлөөлөгчөөр Засгийн газрын Хэрэг эрхлэх газрын Хууль, эрх зүйн газрын дарга Н.Мягмарыг томилсон.

-Засгийн газрын онцгой бүрэн эрхт төлөөлөгч нь Засгийн газрын “Гадаад валютын улсын нөөцийг нэмэгдүүлэх чиглэлээр зарим арга хэмжээний тухай” 2022 оны 10 дугаар сарын 05-ны өдрийн 362, “Тавантолгой төмөр зам” ХХК-ийн талаар авах зарим арга хэмжээний тухай” 2022 оны 11 дүгээр сарын 30-ны өдрийн 435, “Төрийн нууцад хамаарах мэдээлэл ил болгох тухай” 2022 оны 12 дугаар сарын 09-ний өдрийн 449 дүгээр дүгээр тогтоолуудын хэрэгжилтийг хангах болон “Тавантолгой төмөр зам” ХХК-ийн үйл ажиллагааг хэвийн горимд шилжүүлэх хүрээнд дараах ажлыг хийж гүйцэтгээд байна.

-“Тавантолгой төмөр зам” ХХК-д тогтоосон онцгой дэглэмийн хугацаанд 7 бүлэг, 37 ажил, арга хэмжээ бүхий календарчилсан төлөвлөгөөг батлан, хэрэгжилтийг хангаж ажилласан бөгөөд биелэлт 91,8 хувийн гүйцэтгэлтэй байна. Энэ хугацаанд компанийн дотоод зохион байгуулалт, үйл ажиллагааг сайжруулах чиглэлээр ажлын хэсэг байгуулсан 59, хүний нөөцтэй холбогдолтой 329 тушаалыг тус тус гаргаж, хэрэгжилтийг тооцон ажилласан.

-“Тавантолгой-Гашуунсухайт” чиглэлийн төмөр замын төсөл, “Богдхан” төмөр зам, Тавантолгой-Гашуунсухайт, Тавантолгой-Зүүнбаян чиглэлийн холболтын төмөр зам, Тавантолгой нүүрс ачих логистикийн төв төслүүдийн маш нууц, нууц зэрэглэлтэй 40 гэрээг ил болгон олон нийтэд мэдээлсэн.

-“Тавантолгой төмөр зам” ХХК-ийн 2022 оны санхүүгийн тайланд аудит хийлгүүлж, санхүүгийн аудитын дүгнэлтээр албан шаардлага 9, залруулга 6, зөвлөмж 14, төлбөр барагдуулах акт 3, бусад 2 асуудал гарсныг залруулах төлөвлөгөө гарган ажиллаж байна.

-Засгийн газрын Хэрэг эрхлэх газрын даргын 2022 оны 12 дугаар сарын 20-ны өдрийн 94 тоот тушаалаар байгуулагдсан Ажлын хэсэг “Тавантолгой-Зүүнбаян’’, ”Тавантолгой-Гашуунсухайт” чиглэлийн төмөр замын төсөл, “Богдхан” төмөр замын төслийн хэрэгжилтэд болон “Тавантолгой төмөр зам” ХХК-ийн үндсэн болон санхүүгийн үйл ажиллагаанд хяналт шалгалтын ажил хийсэн. Шалгалтын дүнг Засгийн газрын хуралдаанд танилцуулахаар ажиллаж байна.

-Тавантолгой-Гашуунсухайт чиглэлийн төмөр замын дээд, доод бүтэц, гүүр, хоолой, хиймэл байгууламж, дохиолол холбоо, зөрлөгүүдийн зам сумын барилга байгууламжийг ашиглалтад оруулах улсын комиссыг ажиллуулсан бөгөөд төмөр замыг байнгын ашиглалтад оруулаад байна.

-“Гашуунсухайт-Ганцмод боомтын хил холболтын төмөр замын төслийн техник, эдийн засгийн үндэслэл, иж бүрэн зураг төсөл боловсруулах” зөвлөх үйлчилгээний сонгон шалгаруулалтыг олон нийтэд нээлттэй зарлаж, шалгарсан БНХАУ-ын “Төмөр замын зураг төслийн корпораци” ХХК-тай зөвлөх үйлчилгээний гэрээг байгуулж, ТЭЗҮ, иж бүрэн зураг төслийг 2023 онд багтаан дуусгахаар ажиллаж байна.

-Хууль зөрчсөн ашиг сонирхлын зөрчилтэй, компанийн эрх ашигт нийцээгүй гэрээ, хэлцэл үйл ажиллагааг шалгуулахаар Авлигатай тэмцэх газарт шилжүүлсэн.

-Засгийн газраас тогтоосон онцгой дэглэмийн хугацаанд дээрх арга хэмжээнүүдийг авч хэрэгжүүлснээр “Тавантолгой төмөр зам” ХХК-ийн үйл ажиллагаа, “Тавантолгой-Гашуунсухайт” чиглэлийн төмөр замын төсөл олон нийтэд нээлттэй болж, төмөр замын тээврийн аюулгүй байдал хангагдаж цаашид компанийн үйл ажиллагаа тогтвортой болж, тээвэрлэлтийн үйл ажиллагаа хэвийн явагдах үндсэн нөхцөл бүрдсэн гэж үзлээ.

 



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

“Үндэсний номын баяр-2024” үйл ажиллагаанд Чингэлтэй дүүргийн Хүүхэд хөгжлийн цогцолбор “Шилдэг номын сан”-аар шалгарлаа1 цаг 3 минутын өмнө“Хөдөлмөрийн харилцааны хөтөлбөр”-ийг хэрэгжүүлэх 27 Мэргэшсэн зөвлөх гэрчилгээгээ гардлаа1 цаг 9 минутын өмнөАвтобусны худалдан авах ажиллагааны талаарх нотлох баримтыг шинжлэн судлах нээлттэй сонсгол эхэллээ1 цаг 16 минутын өмнөАХБ-ны төслөөр Чингэлтэй дүүрэгт шинэ эмнэлэг барина1 цаг 23 минутын өмнөАвтобусны худалдан авах ажиллагааны талаарх нотлох баримтыг шинжлэн судлах нээлттэй сонсгол өнөөдөр эхэлнэ1 цаг 33 минутын өмнөХоршоо байгуулж төсөл хэрхэн бичих вэ ?1 цаг 38 минутын өмнө“OPEN MIC” соёл урлагийн үйл ажиллагааг зохион байгууллаа1 цаг 45 минутын өмнөУГТЭ: Лаосын эмч нарыг чадавхижуулахад дэмжлэг үзүүлнэ1 цаг 52 минутын өмнө"Эрэлтэд нийцсэн ур чадвар олгох хөтөлбөр"-ийн хүрээнд үнэ төлбөргүй мэргэжлийн ур чадвар олгох сургалтад элсэлт авч байна1 цаг 54 минутын өмнөЧингэлтэй дүүргийн Залуучуудын спортын их наадмын аваргууд тодорлоо2 цаг 1 минутын өмнөЯаралтай тусламжийг цаг алдалгүй үзүүлэх бүрэн тоноглогдсон 20 машиныг эмнэлгүүдэд хүлээлгэж өглөө2 цаг 52 минутын өмнөГовь-Алтай аймгийн "Чухал сүрэг", “Өсөх мөнгөн тулга" хоршооны гишүүн малчид хөрөнгө оруулалтын зээлийн шалгуур хангажээ3 цаг 4 минутын өмнө“Улс төрийн ЭЕШ” чангарчээ, УИХ-ын босго өндөрсөх үү?!3 цаг 7 минутын өмнөАН: 2024 оны УИХ-ын сонгуульд оролцох нэр дэвшигчдээ тодрууллаа3 цаг 19 минутын өмнөӨнөөдөр хөхөгчин тахиа өдөр3 цаг 25 минутын өмнөЦаг агаар: Улаанбаатарт өдөртөө 31 хэм дулаан3 цаг 29 минутын өмнөС.Чинзориг: Хүүхдийн хорт хавдрын эмчилгээнд шаардлагатай эмийг үнэ төлбөргүй нийлүүлэх хөтөлбөр хэрэгжиж эхэллээ5 сар 20. 15:41Цэгцрэх хөдөлгөөн5 сар 20. 12:05Энэ жил улсын хэмжээнд 11,294 ээж Алдарт эхийн нэг, хоёрдугаар зэргийн одон хүртэж байна5 сар 20. 11:57Эрүүгийн 890 хэрэгт мөрдөн байцаалтын ажиллагаа явуулав5 сар 20. 11:52“Хөдөлмөрийн харилцааны хөтөлбөр”-ийг шинээр хэрэгжүүлнэ5 сар 20. 11:24СЕХ-ны дарга П.Дэлгэрнаран: Нэр дэвшигчдийн материал, холбогдох байгууллагуудаас ирсэн лавлагаа хоёрыг тулгаж бүртгэх эсэхээ шийднэ5 сар 20. 11:18“Чингэлтэй цом-2024” спортын их наадам эхэллээ5 сар 20. 11:11Ерөнхийлөгч У.Хүрэлсүх ээжүүдэд “Эхийн алдар” одон гардуулж байна5 сар 20. 11:06"Төрийн бүтээмжийн сэргэлт-Цахим эрүүл мэнд" үндэсний сургалт Дархан-Уул аймагт боллоо5 сар 20. 10:58“Тавантолгойн нүүрс ачих логистикийн төв” жилд 20 сая тонн нүүрс ачих хүчин чадалтай5 сар 20. 10:53Пара таеквондогийн тамирчид хоёр алт, нэг хүрэл медаль хүртлээ5 сар 20. 10:45Аюулт үзэгдэл, ослын 99 удаагийн дуудлагаар үүрэг гүйцэтгэлээ5 сар 20. 8:18“Шинэ хоршоо“ хөдөлгөөн эхэлснээс хойш 10 хоршооны 180 гишүүнд 1.6 тэрбум төгрөгийн хөрөнгө оруулалтын зээл олгожээ5 сар 20. 8:13С.Чинзориг: Д вирусийн эмчилгээг эхлүүлэхэд нэг алхам ойртлоо5 сар 20. 8:08
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.