Ахмадууд тэтгэврийн нэмэгдлээ шалгах боломжтой боллоо

    2023 оны төсвийн тодотгол батлагдсантай холбоотой төрийн албан хаагчдын цалингийн хэмжээ, ангилал, зэрэглэлийг шинэчлэн тогтоох тогтоолын төслүүд Засгийн газрын хуралдаанаар батлагдсан. Хүүхдийн мөнгөн тэтгэмжийг олгох журам, нийгмийн халамжийн тэтгэвэр, асаргааны тэтгэмжийн хэмжээг шинэчлэн тогтоох, тэтгэврийн хэмжээг 10 хувиар нэмэгдүүлэх зэрэг нийтдээ найман тогтоолыг  Засгийн газрын хурлаар баталлаа. Төрийн албаны тухай хууль, төсвийн тухай хууль зэрэг холбогдох хуулиудад тогтоол, журмыг Засгийн газрын хурлаар батлахаар тусгасан байдаг. Ингээд журам тогтоол баталснаар Хөдөлмөр хамгааллын үйлчилгээний газар, Нийгмийн даатгалын ерөнхий газар, Сангийн яам гэсэн байгууллагууд долдугаар сарын 1-ний өдрөөс төсөв хэрэгжиж эхлэх боломжоор хангана гэсэн үг. Нийт 480 мянга орчим тэтгэвэр авагчдын тэтгэвэрт өөрчлөлт орно. Мөн хүүхдийн мөнгөний нөхөн олголтыг үндэсний их баяр наадмын өмнө олгохоор төсвийн хуваарьт тусгаж өгсөн байна. Одоо авч байгаа 91 хувийн хувьд дахин хүсэлт гаргах шаардлага байхгүй. Шинээр төрсөн хүүхэд бол E-halamj эсвэл харьяа сум, дүүргийн хөдөлмөр халамжийн газарт бүртгүүлнэ.

Ахмадууд өөрсдийн тэтгэвэр хэрхэн нэмэгдэж буйг https://www.ndaatgal.mn/ сайт руу орж шалган мэдээллийг авах боломжтой.

Хур системээр дамжуулж эсвэл бүртгэлтэй и-мэйл хаягаар дамжуулан орох боломжтой.