Үерийн даланг хүчээр чөлөөлөх УИХ-ын тогтоол гаргах уу?!


8-р сарын 7
9 цаг 01 минут

     “...Хамгаалах далан, байгууламжууд үерээс хамгаалах чадамжгүй боллоо шүү” гэж албаныхан, мэргэжилтнүүд олон жилийн өмнөөс хэлж ирсэн. Хэдхэн даргын гарын үсгийн наймаанаас болоод тэр нь хэрэгжиж байсангүй. Хөрөнгө мөнгө гаргах тал дээр гар татсаар ирсэн байдаг. Тэгсэн атлаа үерийн хамгаалалтын бүс, далан байгууламж, гол усны бэлчир дагуулан газар олгож, барилга сууц барих зөвшөөрөл олгосоор ирсэн.

Жишээ зөндөө бий. Хамгийн сүүлд “Авлигал хороолол” гэж яригдаад байгаа “Усан парк” төсөл байна. Энэ хороололтой холбоотойгоор хууль хяналтынхан "...Мөрдөн шалгах ажиллагаа явуулж эхэллээ" гэсэн. Юу болсон нь тодорхойгүй, таг болсон. БХБЯ-наас "...Барилгын ажлын  зогсоолоо" гэсэн. Ажил нь үргэлжилсээр байна.

Харин өмнөх үерээс хойш өнгөрсөн 30 хоногт “Авлигал хороолол”-ынхон өөрсдийгөө хамгаалах PR-ийг л хахтал хийв. Сүүлдээ, энэ хорооллыг барьж буй хүмүүсийг нийгмээрээ өрөвдөж, өмөлзөх тийшээ хандлаа. Гэвч үер давтагдаж, хүний амь эрсдэв. Үнэндээ, “...Өмнөх үерээс хойш бүтэн сар өнгөрөхөд үерээс хамгаалах асуудлаар хэн юу хийсэн бэ” гэж асуувал хариулт нь энэ л байна.

Уг нь Усны тухай хуулийн 22.1-т “...Усны нөөцийг хомсдох бохирдохоос хамгаалах, үер усны гамшгаас сэргийлэх зорилгоор, усны сан бүхий газар, усны эх үүсвэрт онцгой болон энгийн хамгаалалтын, эрүүл ахуйн бүс тогтооно”, 22.2-т “...Усны сан бүхий газрын эргээс 50 метрээс доошгүй зайд болон гол мөрний татамд онцгой хамгаалалтын бүс тогтооно” гэж заасан.

Үүгээр  Туул, Сэлбэ, Дунд гол, Улиастай, Толгойтын гол, бүх булаг шанд, үерийн хамгаалалтын далангуудаас 50 метрийн зайд байгаа бүх обьект хууль бус гэсэн үг. Ингээд жагсаалт гаргавал олон барилга байшингийн хуулийн зөрчил илэрхий болно. Гэвч дор хаяж энэ хуулийг үйлчлүүлж чадах ганц ч эрх мэдэл одоогоор алга. Дээр хэлсэнчлэн өнгөрсөн 30 хоногт Ерөнхий сайд, Хотын дарга нар газар дээр нь очиж үзсэн. Баахан зөрчил ярьсан. Гэвч нөгөөхөө дийлдэггүй. Юу нураах, юун цуцлах вэ. Эсрэгээрээ,  “Авлигал хороолол”-ынхон улам том том дуугарч гарлаа. "...Манай барилгыг нураана гэх шийдвэрт эрх зүйн орчин байхгүй" гэж хэвлэлээр мэдэгдээд байна.

Маш том “ар”-тай хүмүүс л ингэж чадна. Ерөөсөө энэ хорооллын барилгыг, илтэд хууль бус байж болзошгүй зөвшөөрлийг хэн ч цуцалж дийлэхгүй нь бололтой. Одоо ганц л гарц байна. Тэр нь юу юм гэхээр Монголын Төрийн эрхийг барьдаг дээд байгууллага УИХ л шийдвэр гаргах хэрэгтэй болж байна.

Өөрөөр хэлбэл, УИХ-аас “...Үерийн даланг хүчээр чөлөөлөх” онцгой тогтоолыг гаргах ганц боломж байгаа юм. Хотын үерийн хамгаалалтын даланг 1966 оны Туул голын их үерийн дараагаас барьж эхэлжээ.  1966-1968, 1971-1972 онд Баруун уулын суваг, Сэлбэ голын үерийн хамгаалалтын далан, сувгийг, 1984 онд III, IV хорооллын үерийн сувгийг барьж ашиглалтад оруулсан байдаг. Тэгэхээр тэр далан дагуу, хотын үерийн хамгаалалтын бүсэд орж барьсан, байгуулсан барилгуудыг “цэвэрлэх” нэг удаагийн УИХ-ын шийдвэр шаардлагатай болж байна гэсэн үг. Тэгж байж, Засгийн газар, Хотын захиргаа, хамгийн гол нь хууль хяналтын байгууллагынхан зүг чигтэй болно. Ингэж л уг ажлыг хэрэгжүүлэхээс өөр гарц алга.

Эх сурвалж: Б.ДАМДИН-ОЧИР “Зууны мэдээ” сонин


АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа5 цаг 6 минутын өмнөАТГ хэрэг бүртгэлтийн 1 хэрэгт 3 объектод нэгжлэгийн ажиллагаа явуулжээ5 цаг 10 минутын өмнөЕрөнхийлөгч У.Хүрэлсүх энхийг сахиулагчдыг төрийн одон, медалиар шагналаа6 цаг 30 минутын өмнөНийтийн тээврийн зарим чиглэлийг богино эргүүлж байна8 цаг 6 минутын өмнөЭХЗХ шийдвэрээ өөрчилж, 380В-ын хэрэглэгчдийн шөнийн цахилгааны хөнгөлөлтийг 3000 кВт.ц болгожээ8 цаг 36 минутын өмнөБ.Чимидийн нэрэмжит шагналд нэр дэвшүүлсэн бүтээлийг хүлээн авна11 сар 16. 10:50Төв цэнгэлдэх хүрээлэнд “Өвлийн идэш” өргөтгөсөн худалдааг зохион байгуулна11 сар 16. 10:13В.Путин, Д.Трамп, Ши Жиньпин нарын уулзалтын талаар юу мэдэгдэж байна вэ?11 сар 16. 10:10Грекийн бурхад Ноён уулд, Хүннүгийн өв Миланд11 сар 16. 10:07Хууль бусаар мод бэлтгэсэн гэмт хэрэг, зөрчлийн шинжтэй 13 үйлдлийг илрүүлэн шалгаж байна11 сар 16. 10:01Сэрэмжлүүлэг11 сар 16. 9:56Цаг агаар: Улаанбаатарт өдөртөө цас орно, 7 хэм хүйтэн11 сар 16. 9:02Газрын тухай хуульд нэмэлт, өөрчлөлт оруулах тухай хуулийн төслийг анхны хэлэлцүүлэгт шилжүүлж, сурагчдын өдрийн хоолны үйлчилгээний талаарх асуулгын хариуг хэлэлцэв11 сар 14. 10:01“Сугалаагүй цэцэрлэг” бодлогын дүнд хүүхдийн хамран сургалт 96 хувьд хүрчээ11 сар 14. 9:02Шүүхийн шийдвэр гүйцэтгэх, прокурорын байгууллагын дотоод журмуудад хүний эрхийн үүднээс дүн шинжилгээ хийж танилцуулах чиглэл өгөв11 сар 13. 15:46Тендерийн сонсголын хүрээнд иргэд, олон нийтээс санал гомдол хүлээн авч байна11 сар 13. 15:43Байгууллагад 145,2 сая төгрөгийн хохирол учруулсан гэх хэргийг шүүхэд шилжүүлэх саналтайгаар прокурорт хүргүүлэв11 сар 13. 15:41Газрын тосны бүтээгдэхүүн хадгалах 3000 метр кубийн багтаамжтай нөөцийн сав ашиглалтад орлоо11 сар 13. 15:36Бүгд найрамдах Польш Улсын Сеймийн дэд маршал Дорота Ниэджиэла тэргүүтэй төлөөлөгчдийг хүлээн авч уулзлаа11 сар 13. 15:31Иргэдийн орлогыг хамгаалж, амьжиргааг дэмжих улсын төсөв батлагдлаа11 сар 13. 12:14Сангийн сайд асан Э.Бямбажав: Оюу толгойн борлуулалтын орлогыг Монголын банкинд төвлөрүүлж, үйлдвэрлэлээ санхүүжүүлдэг болгох ёстой11 сар 13. 11:04Монгол Улс COP17-ыг даргалагчийн хувиар хурлын үр дүнг Дэлхийн удирдагчдад танилцууллаа11 сар 13. 10:40Г.Жаргалсайхан: Цусан дахь сахарын хэмжээгээ тогтмол хянаж хэвшвэл диабетаас сэргийлж чадна11 сар 13. 10:19Аюулт үзэгдэл, ослын 93.9 хувийг хүний үйл ажиллагаатай холбоотой осол эзэлж байна11 сар 13. 10:13Хуулийн төслүүдийн хэлэлцэх эсэх хэлэлцүүлгийг явууллаа11 сар 13. 10:09“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна11 сар 13. 9:36Цаг агаар: Улаанбаатарт өдөртөө 2 хэм дулаан11 сар 13. 9:29ӨБХ: Иргэд, хуулийн этгээдээс ирүүлсэн өргөдөл, гомдлыг хэрхэн шийдвэрлэснийг сонсож, хэлэлцлээ11 сар 12. 16:29УИХ-ын дарга С.Бямбацогт БНСВУ-ын Үндэсний ассамблейн гишүүн, Хөдөө аж ахуй, байгаль орчны сайд Чинь Вьет Хунгийг хүлээн авч уулзав11 сар 12. 16:21Г.Занданшатар: Талийгаач Ш.Алтантуяагийн гэр бүл үнэнийг мэдэж, шударга ёсыг хүртэх эрхтэй11 сар 12. 15:32
Эхлэл  Редакцын бодлого  Холбоо барих
ANALIZ.MN © 2026 он. Зохиогчийн эрх хуулиар хамгаалагдсан.