Төрийн албаны тогтолцооны шинэчлэлийн талаар ярилцаж, санал солилцов


9-р сарын 20
16 цаг 24 минут

       Монгол Улсын Их Хурлын дарга Г.Занданшатар өнөөдөр (2023.09.19) Японы Васеда Их сургуулийн Улс төр, эдийн засгийн тэнхимийн профессор, Төрийн албаны тогтолцооны мэргэжилтэн Инацүгү Хироаки тэргүүтэй төлөөлөгчдийг хүлээн авч уулзлаа.
Уулзалтад Улсын Их Хурлын даргын зөвлөх О.Номинчимэг, Улсын Их Хурлын Тамгын газрын Тэргүүн дэд дарга М.Үнэнбат, Япон Улсын Олон улсын хамтын ажиллагааны байгууллага (ЖАЙКА)-ын Монгол дахь Төлөөлөгчийн газрын дарга Танака Шиничи болон ЖАЙКА-гийн Токио дахь төв оффис болон Монгол дахь Төлөөлөгчийн газрын албаны хүмүүс оролцов.

Уулзалтын эхэнд УИХ-ын дарга Г.Занданшатар хүндэт профессор Х.Инацүгү-г Монгол Улсад тавтай зочлохыг уриад УИХ-ын даргын хувиар дэвшүүлсэн “Япон лугаа адил хөгжье” санаачилгын хүрээнд Монгол Улсын Их Хурлын Тамгын газар, Японы Олон улсын хамтын ажиллагааны байгууллага (ЖАЙКА)-тай хамтран хоёр улсын хооронд дипломат харилцаа тогтоосны 50 жилийн ойн жил зохион байгуулсан цуврал хэлэлцүүлэгт зочин багшаар оролцсонд талархал илэрхийлэв.

Тэрбээр, энэ санаачилгын хүрээнд дөрөв дэх хэлэлцүүлгийг “Төрийн албаны тогтолцоо ба төрийн албан хаагчийн ёс зүй” сэдвийн дор цахим хэлбэрээр зохион байгуулж, профессор Х.Инацүгү Монгол Улсын төрийн байгууллагуудын төлөөлөл болох 260 гаруй албан хаагчдад Японы төрийн албаны тогтолцоо, хараат бус өндөр ёc зүй бүхий төрийн албыг төлөвшүүлэх чиглэлээр авч хэрэгжүүлж буй арга хэмжээний талаар дэлгэрэнгүй ойлголт өгснийг дурдав. Мөн Монгол Улсын төрийн албаны бүтээмж, чадварыг дээшлүүлэх, хараат бус өндөр ёc зүй бүхий төрийн албан хаагчдыг төлөвшүүлэх зорилгоор Төрийн албан хаагчийн ёс зүйн тухай хуулийг баталсан гэлээ.

Японы Васеда Их сургуулийн Улс төр, эдийн засгийн тэнхимийн профессор Инацүгү Хироаки цаг гарган уулзаж байгаад УИХ-ын даргад талархал илэрхийлээд “Япон лугаа адил хөгжье” санаачилгын хүрээнд үр дүнтэй цуврал хэлэлцүүлгийг амжилттай зохион байгуулсныг онцлон тэмдэглэв.

Япон Улсын Олон улсын хамтын ажиллагааны байгууллага (ЖАЙКА)-аас 2023 онд “Төрийн удирдлагын салбарт цогц дэмжлэг үзүүлэх арга барил тодорхойлох судалгаа”-г дөрвөн улсад хийхээр төлөвлөжээ. Ноён Инацүгү Хироаки уг судалгааны ажлаар Монгол Улсад ирсэн байна.

Уулзалтын үеэр талууд Монгол, Японы төрийн албаны тогтолцооны онцлог болон төрийн албан хаагчийн ёс зүй, сахилга хариуцлага, хууль эрх зүйн орчин, тулгамдаж буй асуудлын талаар ярилцаж, санал солилцлоо.

УИХ-ын дарга Г.Занданшатар, “Монгол Улс, Япон Улс нь бүхий л салбарт  “хүн төвтэй” харилцаа, хамтын ажиллагааг бэхжүүлэхээр тогтож, нийтлэг үнэт зүйлс бүхий манай хоёр улсын харилцаа эдүгээ “Энх тайван, хөгжил цэцэглэлтийн төлөөх Тусгай Стратегийн түншлэл”-ийн өндөр түвшинд гүнзгийрэн хөгжиж байгаад баяртай байна. Японы Олон улсын хамтын ажиллагааны байгууллагa (ЖАЙКА) нь манай хоёр улсын найрамдлын гүүр болж ирсэн. ЖАЙКА-гийн тусламж үргэлж цагаа олсон, манай ард иргэдэд хүртээмжтэй, сэтгэл шингэсэн тусламж байдаг” хэмээгээд ЖАЙКА-гийн Монгол дахь Төлөөлөгчийн газар “Япон лугаа адил хөгжье” санаачилгыг дэмжиж, хамтран ажиллаж байгаад талархал илэрхийлэв хэмээн Улсын Их Хурлын Хэвлэл мэдээлэл, олон нийттэй харилцах газраас мэдээлэв.



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

Цээжний нөмөр шиг Буйр минь35 минут 51 секундын өмнөОюутолгойн ногдол ашгаас иргэн бүрд 857 000 төгрөг олгох хууль санаачлах асуудлыг өнөөдөр хэлэлцэнэ45 минут 52 секундын өмнө“Мон жүүс” ХХК “Хүнсний хувьсгал”-ын дүнд үйлдвэрээ өргөтгөж, хүчин чадлаа нэмжээ1 цаг 7 минутын өмнөЦаг агаар: Улаанбаатарт ялимгүй цас орно, 10 хэм хүйтэн1 цаг 14 минутын өмнөУИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа11 сар 16. 16:15АТГ хэрэг бүртгэлтийн 1 хэрэгт 3 объектод нэгжлэгийн ажиллагаа явуулжээ11 сар 16. 16:11Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа11 сар 16. 14:51Нийтийн тээврийн зарим чиглэлийг богино эргүүлж байна11 сар 16. 13:15ЭХЗХ шийдвэрээ өөрчилж, 380В-ын хэрэглэгчдийн шөнийн цахилгааны хөнгөлөлтийг 3000 кВт.ц болгожээ11 сар 16. 12:45Б.Чимидийн нэрэмжит шагналд нэр дэвшүүлсэн бүтээлийг хүлээн авна11 сар 16. 10:50Төв цэнгэлдэх хүрээлэнд “Өвлийн идэш” өргөтгөсөн худалдааг зохион байгуулна11 сар 16. 10:13В.Путин, Д.Трамп, Ши Жиньпин нарын уулзалтын талаар юу мэдэгдэж байна вэ?11 сар 16. 10:10Грекийн бурхад Ноён уулд, Хүннүгийн өв Миланд11 сар 16. 10:07Хууль бусаар мод бэлтгэсэн гэмт хэрэг, зөрчлийн шинжтэй 13 үйлдлийг илрүүлэн шалгаж байна11 сар 16. 10:01Сэрэмжлүүлэг11 сар 16. 9:56Цаг агаар: Улаанбаатарт өдөртөө цас орно, 7 хэм хүйтэн11 сар 16. 9:02Газрын тухай хуульд нэмэлт, өөрчлөлт оруулах тухай хуулийн төслийг анхны хэлэлцүүлэгт шилжүүлж, сурагчдын өдрийн хоолны үйлчилгээний талаарх асуулгын хариуг хэлэлцэв11 сар 14. 10:01“Сугалаагүй цэцэрлэг” бодлогын дүнд хүүхдийн хамран сургалт 96 хувьд хүрчээ11 сар 14. 9:02Шүүхийн шийдвэр гүйцэтгэх, прокурорын байгууллагын дотоод журмуудад хүний эрхийн үүднээс дүн шинжилгээ хийж танилцуулах чиглэл өгөв11 сар 13. 15:46Тендерийн сонсголын хүрээнд иргэд, олон нийтээс санал гомдол хүлээн авч байна11 сар 13. 15:43Байгууллагад 145,2 сая төгрөгийн хохирол учруулсан гэх хэргийг шүүхэд шилжүүлэх саналтайгаар прокурорт хүргүүлэв11 сар 13. 15:41Газрын тосны бүтээгдэхүүн хадгалах 3000 метр кубийн багтаамжтай нөөцийн сав ашиглалтад орлоо11 сар 13. 15:36Бүгд найрамдах Польш Улсын Сеймийн дэд маршал Дорота Ниэджиэла тэргүүтэй төлөөлөгчдийг хүлээн авч уулзлаа11 сар 13. 15:31Иргэдийн орлогыг хамгаалж, амьжиргааг дэмжих улсын төсөв батлагдлаа11 сар 13. 12:14Сангийн сайд асан Э.Бямбажав: Оюу толгойн борлуулалтын орлогыг Монголын банкинд төвлөрүүлж, үйлдвэрлэлээ санхүүжүүлдэг болгох ёстой11 сар 13. 11:04Монгол Улс COP17-ыг даргалагчийн хувиар хурлын үр дүнг Дэлхийн удирдагчдад танилцууллаа11 сар 13. 10:40Г.Жаргалсайхан: Цусан дахь сахарын хэмжээгээ тогтмол хянаж хэвшвэл диабетаас сэргийлж чадна11 сар 13. 10:19Аюулт үзэгдэл, ослын 93.9 хувийг хүний үйл ажиллагаатай холбоотой осол эзэлж байна11 сар 13. 10:13Хуулийн төслүүдийн хэлэлцэх эсэх хэлэлцүүлгийг явууллаа11 сар 13. 10:09“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна11 сар 13. 9:36
Эхлэл  Редакцын бодлого  Холбоо барих
ANALIZ.MN © 2026 он. Зохиогчийн эрх хуулиар хамгаалагдсан.