Монгол Улсын Их Хурлын дарга Г.Занданшатар өнөөдөр (2023.09.20) “Ханжоу 2022” Азийн XIX наадамд Монгол Улсаа төлөөлөн оролцох шатрын спортын Үндэсний шигшээ багийн дасгалжуулагч, тамирчдыг хүлээн авч уулзаж, амжилт хүслээ.
“Ханжоу 2022” Азийн XIX наадам энэ сарын 23-наас 10 дугаар сарын 08-ны өдрүүдэд БНХАУ-ын Ханжоу хотноо болно. Уг наадамд хамгийн олон буюу 45 орны 10 мянга орчим тамирчин оролцож байгаагаараа онцлогтой.
Шатрын үндэсний шигшээ багт эрэгтэй 5, эмэгтэй 5 тамирчин багтаж байгаа бөгөөд дасгалжуулагчаар С.Ган-Од, М.Гүнбаяр нар ажиллаж байна. Шатрын үндэсний шигшээ багийг Монголын шатрын холбооны Тэргүүн дэд ерөнхийлөгч Б.Наранбаатар ахалж байна.
Азийн наадмын шатрын тэмцээн ганцаарчилсан төрлөөр энэ сарын 22-ны өдөр эхлэх бөгөөд тоглолт талдаа 25 минут, нүүдэл бүрд 10 секундийн нэмэгдэлтэй рапид (түргэвчилсэн) төрлөөр явагдах юм байна. Ганцаарчилсан төрөлд Б.Мөнгөнтуул, Т.Мөнхзул, С.Ган-Эрдэнэ, С.Билгүүн нар эх орноо төлөөлөн тивийн шилдгүүдтэй өрсөлдөнө. Багийн төрлийн тэмцээн 09 дүгээр сарын 28-ны өдөр эхэлнэ.



“Ханжоу 2022” Азийн XIX наадамд Монголын баг 35 спортын төрөлд 400 гаруй тамирчин, 120 гаруй дасгалжуулагч, албаны гэсэн нийт 520 гаруй хүний бүрэлдэхүүнтэй оролцох юм байна хэмээн Улсын Их Хурлын Хэвлэл мэдээлэл, олон нийттэй харилцах газраас мэдээлэв.
Facebook
Twitter
Youtube


Шадар сайд Н.Номтойбаяр Хэнтий аймагт ажиллаж байна
Байнгын хорооны дарга М.Мандхай Камбожийн Хааны Академийн ерөнхийлөгчийг хүлээн авч уулзлаа
Хөвсгөл нуурын их цэвэрлэгээний аяны хүрээнд 301 тонн хог хаягдлыг төвлөрүүлжээ
Бүсчилсэн хөгжил, гамшгийн эрсдэлийг бууруулах чиглэлээр НҮБ-тай хамтын ажиллагаагаа өргөжүүлэхээр санал солилцлоо
О.Баасанхүү: Алуурчин Ц.Амгаланбаатарыг шоронгоос сулласан байна
Н.Номтойбаяр: Наймдугаар сарын 1-нээр баяр наадмыг тасалбар болгохыг Засгийн газраас үүрэг болгож байна
Л.Өлзийсайхан:Дэг зөрчсөн шийдвэр легитм буюу хууль ёсны чанараа алдсан гэж үздэг
Цэцэрлэг болон ЕБС-ийн нэг, зургаа, аравдугаар ангийн 270,689 суралцагч эрт илрүүлэх үзлэгт орно

Сэтгэгдэл бичих