Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн дагуу батлах захиргааны хэм хэмжээний актын дараах төсөлд санал авч байна

        Санал авах тухай

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль /Шинэчилсэн найруулга/-ийг Улсын Их Хурлын чуулганы 2023 оны 06 дугаар сарын 16-ны өдрийн нэгдсэн хуралдаанаар баталсан тул тус хуулийн дагуу боловсруулж, батлах захиргааны хэм хэмжээний актын дараах төсөлд санал авч байна. Үүнд:

1.    “Төсөвт өртгийн дээд хязгаар тогтоох тухай” Засгийн газрын тогтоолын төсөл; 

2.    Сангийн сайдын тушаалаар батлах “Цахим системээр худалдан авах ажиллагаа зохион байгуулах, түүний тасралтгүй, аюулгүй ажиллагааг хангах журам”-ын төсөл; 

3.    Сангийн сайдын тушаалаар батлах “Бүртгэл хөтлөх, мэдээллийг баталгаажуулах журам”-ын төсөл; 

4.    Сангийн сайдын тушаалаар батлах “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааг төлөвлөх, тайлагнах журам”-ын төсөл;

5.    Сангийн сайдын тушаалаар батлах “Гэрээ шууд байгуулах аргын хэлэлцээ хийхэд баримтлах дэг”-ийн төсөл;

6.    Сангийн сайдын тушаалаар батлах “Ерөнхий гэрээний аргаар бараа, үйлчилгээ худалдан авах тендер шалгаруулалтын жишиг баримт бичиг”-ийн төсөл;

7.    Сангийн сайдын тушаалаар батлах “Гэрээ шууд байгуулах аргаар бараа, ажил, үйлчилгээ худалдан авах тендер шалгаруулалтын жишиг баримт бичиг”-ийн төсөл.

Төсүүдтэй танилцаж холбогдох саналаа 2023 оны 10 дугаар сарын 18-ны өдрийн дотор Сангийн яамны Хууль, эрх зүйн газрын Худалдан авах ажиллагааны бодлогын хэлтэс, 267648, 267416, giikhnaran_g@mof.gov.mn, nomingerel_d@mof.gov.mn хаягт ирүүлэхийг хүсье.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль (шинэчилсэн найруулга)-тай дараах линкээр орж танилцана уу.  https://legalinfo.mn/mn/detail?lawId=16760359992351

САНГИЙН ЯАМ

2023 оны 09 дүгээр сарын 18-ны өдөр

Хавсралт файл:

Тогтоолын төсөл

Цахим журам

Бүртгэлийн журам

Төлөвлөлт, тайлагналт

Дэг

Ерөнхий гэрээ ТШЖББ

Гэрээ шууд ТШЖББ