"Хүүхэд хамгаалалд залуучуудын оролцоо " хэлэлцүүлэг зохион байгуулагдлаа

     “Хамтдаа шалгая, хамгаалъя” аяныг Хөдөлмөр, Нийгмийн хамгааллын яам, Гэр бүл, хүүхэд, залуучуудын хөгжлийн газар хамтран зохион байгуулж байгаа билээ.

Тус аяны хүрээнд хүүхэд хамгаалалд залуучуудын оролцоог нэмэгдүүлэх, саналыг нь авах “Хүүхэд хамгаалалд залуучуудын оролцоо” сэдэвт хэлэлцүүлэг зохион байгуулагдлаа.

Хэлэлцүүлгийн нээлтэд Хөдөлмөр, нийгмийн хамгааллын дэд сайд С.Зулпхар, аймгийн ИТХ-ын нарийн бичгийн дарга Х.Серикболат, Өлгий сумын Засаг дарга Х.Нурболат, Гэр бүл, хүүхэд, залуучуудын хөгжлийн газрын дарга Х.Бауыржан нар оролцож мэндчилгээ дэвшүүллээ.

Уг арга хэмжээний....

Нэгдүгээр хэсэг панел хэлэлцүүлгийн хэлбэрээр явагдаж хүүхдэд эрсдэл бий болгож буй орчныг чиг үүргийн хувьд хариуцан ажилладаг байгууллагуудын төлөөллүүд асуултад хариулан, цаашид авах арга хэмжээний талаар мэдээлэл өглөө.

Хоёрдугаар хэсэгт аймгийн Прокурорын газрын Хяналтын прокурор Х.Өрений гэмт хэрэгт холбогдсон хүүхдүүдийн талаарх мэдээллийг сонссоны дараа залуучууд санал бодлоо илэрхийлэн, тулгамдсан асуудлын гарц гаргалгааг эрэлхийлэв. Нийт оролцогчдоос 60 гаруй санал амаар болон бичгээр ирсэн ба эдгээр саналуудыг үндэслэн дараах зөвлөмжийг гаргалаа.

Залуу хүн бүр хүүхдэд эрсдэлтэй орчныг анзаарсан, мэдсэн тохиолдолд зөрчлийг арилгуулах үүднээс тус газарт цахимаар мэдээлдэг болох,

Байгууллагуудын эцэг эхийн зөвлөлийн үйл ажиллагааг идэвхжүүлэхэд залуучууд өөрсдөө манлайлан оролцох,

Орон нутгийн аж ахуй, нэгжүүд өөрт хамаарах гадаад болон дотоод орчинд үнэлгээ хийх ажилд аймгийн нийт залуучуудыг уриалах,

Хүүхдэд ээлтэй, эрүүл, аюулгүй амьдрах орчныг бүрдүүлэх ажилд залуучууд нэгдэх, зохион байгуулалтад орох, нөлөөллийн арга хэмжээг үе шаттай зохион байгуулах,

Тус газрын зүгээс дээрх зөвлөмжийг хэрэгжүүлэх үүднээс холбогдох байгууллага, иргэдтэй цаашид хамтран ажиллах болно.