Ангараг дээр амьдрах иргэдийн хүнсийг бэлтгэж буй Монголын баг


11-р сарын 23
13 цаг 58 минут

      Монголд Ангараг гарагийн аналог төв байгуулах Mars-V төсөл хэрэгжиж байна. Ангараг гарагийн хоол, шим тэжээлийн хөгжүүлэлтэд Монголоос зургаан хүний бүрэлдэхүүнтэй баг ажиллаж байна. Тэд Америкийн Юта муж дахь дэлхийн хамгийн анхны аналог төв рүү хоёр хоногийн өмнө нислээ.

Хүн төрөлхтөн арваад жилийн дараа Ангараг дээр амьдарна. Иймд хүмүүс тэнд очоод хэрхэн аж төрөх, юу идэх вэ гэдэг судалгаа шинжилгээний бэлтгэл төвийг  Монголд 2025 онд нээх юм. 

Хоолзүйчдийн үзэж буйгаар Ангараг дээр очоод хүний бие махбодид гурван төрлийн эрүүл мэндийн асуудал тулгарах бөгөөд тус гараг дээр очихдоо нийт булчингийн массынхаа 15 хувийг алдах юм. Өөрөөр хэлбэл, Ангараг руу сансрын хөлгөөр очиход найман сарын хугацаа зарцуулдаг учир хөлөг дотор татах хүч байхгүй. Тиймээс булчингийн масс, яс сийрэгжилт үүсэхээс гадна, гэдэсний гүрвэлзэх хөдөлгөөн удааширдаг. Ангараг гараг нь дэлхийтэй харьцуулахад 68 хувиар бага татах хүч үйлчилж байдаг. Манай баг эдгээр асуудлууд шийдэх зорилго тавин ажиллаж байна.

АНГАРАГИЙН ХООЛ ХҮНСИЙГ 30 ЖИЛ ХАДГАЛНА

Хүн төрөлхтөн Ангараг руу очихдоо юу идэх вэ гэдэг биш харин очоод юу идэх вэ гэдэг нь чухал асуудал аж. Тиймээс Монголын багийнхан NASA-nay анагаахын багтай хамтран ажилладаг. Хоол хүнсний шингээлт давхарга нь дэлхийтэй харьцуулбал их хэмжээгээр буурдаг. Тиймээс уураг, кальци өндөр хоол хүнсний  хэрэгцээ тулгарч байна. Эдгээрийг агуулсан хоол хүнс Монголын сүү цагаан идээнд баялаг байдаг гэнэ.  

“Марс руу явах бүтээгдэхүүнийг гурван аргаар бэлтгэж байна. Манай баг гүн хөлдөөн усыг нь татаж авах аргаар хатааж бэлтгэдэг. Энэ арга анх NASA-гаас гарсан бөгөөд хүнсний бүх шимт тэжээлийн 97 хувийг хэвээр хадгалж байдаг. Мөн 30 жилийн хугацаатай хадгалдаг. Эхний ээлжид таван жилийн хугацаанд хэрэглэх хоол хүнс илгээж дараа нь өөрсдөө тариалан эрхэлж, хоол үйлдвэрлэх юм. Тухайлбал, 500 грамм бууцайны таван хувьд нь хуурай бодис агуулагддаг. Гүн хөлдөөн хатааснаар жин нь 95 дахин бага болдог. Махны 25 хувь нь хуурай бодис байдаг. Энэхүү технологийг ашигласнаар нойтон хоёр кг мах 500 грамм болдог. Хэрэглэх үедээ усанд дэвтээхээр хуучин байдалдаа очно” гэж хоол зүйч С.Хулангаа ярилаа.

Марс руу явах тээврийн зардал их үнэтэй. Марс дэлхийтэй хоёр жилд нэг удаа ойртдог. 2030 он гэхэд  дэлхийгээс анхны оршин суугчид очиж амьдарна гэж судлаачид үзэж буй. Үүнээс хоёр жилийн өмнө сансрын баг очин хүмүүсийн  амьдрах орон байр, хоол хүнсийг Ангараг руу зөөвөрлөнө гэж төлөвлөж эхний ээлжид найман хүний бүрэлдэхүүнтэй баг бэлтгэлээ базааж байна.

АНГАРАГ ГАРАГ АЖ ҮЙЛДВЭРЖИЖ, ДЭЛХИЙ НОГООН БАЙГУУЛАМЖ БОЛНО

Ангараг дээр аж үйлдвэржилтийг бий болгож дэлхий ногоон байгууламж хэвээр үлдэх гэсэн төсөл яригдаж байна. Ангараг гараг нь нэг хувийн чийгшилтэй, маш хуурай, хасах 82 -62 хэмийн хооронд хэлбэлзэж байдаг нэг ёсны говь юм. Энэ талаар хоолзүйч Э.Нэмүүзол “Тэр говьд хүн төрөлхтөн хэрхэн амьдрах вэ гэсэн асуудал гарч ирнэ. Одоогоор ус хэрхэн гаргаж авах, юу өмсөх зэрэг нь тодорхой болсон. Ангараг гарагаас ус олборлоно. Харин ямар хоол, хүнс хэрэглэх хэрхэн дасан зохицох нь асуудал хэвээр байна. Үүнд Монголын говь нутаг Ангараг гараг дээрх орчинтой хамгийн төстэй гэдгийг нотолсон. Монголын говь Ангараг руу явах хүмүүсийг бэлтгэе  төсөл явж байна. Манай орны хуурай уур амьсгалтай орчинд монголчууд ямар хоол хүнс хэрэглэж өдийг хүрсэн, хэрхэн аж төрөв гэдэг сонирхол­той. Ангараг руу явах хү­мүүст хэрэг болох үнэ цэн манай говьд оршиж байгаа” гэлээ. Тэрбээр “Манай төслийн хүрээнд зөвхөн сүүг тоосруулан хатаах арга ашиглан, сүү цагаан идээ боловсруулах аргын хамт илгээх юм. Очоод сүүгээр тараг бүрэх, бяслаг гарган авах,  аарц гаргаж авах аргуудыг туршилт хийлгэхээр явуулж байна. Монголчууд эртнээсээ бага нөө­цөөр хэрхэн урт хугацаанд амьдрах вэ гэдэгт хариулт өгсөн байдаг” гэж яри­лаа. Ийнхүү Ж.Гүррагчаа баатар сан­­сарт ниссэнээс хойш энэ салбарт анх удаа Монголоос хоолзүйчдийн баг ажиллаж байна.

Эх сурвалж: “Зууны мэдээ” сонин


АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

МАН-ын Удирдах зөвлөл маргааш хуралдана4 цаг 1 минутын өмнөБүгд Найрамдах Киргиз Улсын Сайд нарын танхимын дарга А.Жапаров Монгол Улсын Их Хурлын дарга Г.Занданшатарт бараалхлаа4 цаг 8 минутын өмнөӨнөөдөр цахилгааны хязгаарлалт хийж болзошгүй байршлууд4 цаг 15 минутын өмнөТөрийн банк: 46,7 сая төгрөг, нэмнээ хандивлалаа7 цаг 58 минутын өмнөД.Очирбатыг ЭМЯ-ны Төрийн нарийн бичгийн даргаар эргүүлэн томиллоо8 цаг 32 минутын өмнөУрьдчилан сэргийлэх, эрт илрүүлэг үзлэгийн 61-ээс дээш насны багцыг танилцуулж байна2 сар 28. 11:35Л.Долгормаа: Анхааруулж, сэрэмжлүүлж байхад иргэд амь нас, эрүүл мэндээ эрсдэлд оруулаад байгаа нь харамсалтай2 сар 28. 11:31ГССҮТ: Улаанбаатар төмөр замын төв эмнэлэгтэй хамтарна2 сар 28. 11:06Цахилгаан шугам тоноглолд засвар үйлчилгээ хийх гуравдугаар сарын хуваарь2 сар 28. 11:02Хэнтий: “Энэ жилдээ Эрүүл жиндээ 2” аяны нээлттэй өдөрлөг боллоо2 сар 28. 8:48“Эмийн үнийн өсөлтийн шалтгаан, нөхцөлийг хянан шалгах” Түр хороо Эмийн хяналтын лабораторид ажиллав2 сар 28. 8:44Төв банкнуудын холбооны дээд түвшний хурал болов2 сар 28. 8:38Дэд сайд С.Энхболд Буриадын төлөөлөгчдийг хүлээж авч уулзлаа2 сар 28. 8:33УИХ-ын дарга Г.Занданшатар Бүгд Найрамдах Киргиз Улсын Парламентын дарга Н.Шакиевтай албан ёсны хэлэлцээ хийлээ2 сар 28. 8:26Өнөөдөр нохой өдөр2 сар 28. 8:18Цаг агаар: Улаанбаатарт өдөртөө 18 хэм хүйтэн2 сар 28. 8:15Хүүхдээ 2 нас хүртэл, ихэр хүүхэд бол 3 нас хүртэл харж буй эх /эцэг/-ийн ЭМД-ын шимтгэлийг төрөөс хариуцан төлнө2 сар 27. 14:34“Би Монгол хүүхэд” ёс заншлын наадам боллоо2 сар 27. 14:28БНЭУ-ын парламентын Лок Сабхагийн Ерөнхий нарийн бичгийн дарга Утпал Кумар Сингхтэй уулзав2 сар 27. 14:24Т.Баярхүү: Малчдад туслах хандивт нэгдэж байгаа хүмүүст талархал илэрхийлье2 сар 27. 12:16Ц.Доржготов: Хүний амьдрал бол нүгэлгүй орлогоор л гэдсээ тэжээх явдал юм2 сар 27. 12:07Хууль бусаар ашигт малтмал олборлосон хэргийг илрүүллээ2 сар 27. 12:03УИХ-ын дарга Г.Занданшатарын Бүгд Найрамдах Киргиз Улс дахь албан ёсны айлчлал эхэллээ2 сар 27. 11:58Бага ангийн залуу багш нарын дунд ур чадварын уралдааныг зохион байгууллаа2 сар 27. 10:005. Танд зориулав: Хоол хүнсний зохистой хэрэглээ2 сар 27. 9:57Гал түймрийн найман тохиолдол бүртгэгдэв2 сар 27. 9:54"Хүрэл тулга-2024" яруу найргийн наадам зохион байгууллаа2 сар 27. 9:33Элэгний “Д“ вирусийн халдвартай иргэдийг ОХУ-ын Буриад Улсад эмчилнэ2 сар 27. 9:28Боловсролын зээлийн сангаас олгосон 4.2 тэрбум төгрөгийн зээл төлөгджээ2 сар 27. 9:22Б.Мөнхтамир: 2023 онд 14 мянган транзит зорчигч тээвэрлэж, 13 тэрбум төгрөгийн орлого олсон2 сар 27. 8:41
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.