БНСУ-ын виз олгох журамд өөрчлөлт оржээ

      БНСУ-ын Хууль зүйн яамнаас Монгол Улсын иргэдэд олон удаагийн виз олгох журамд өөрчлөлт оруулжээ. Визийн хөнгөлөлтийн талаар өнөөдөр тус улсаас Монгол Улсад суугаа Элчин сайд Ким Жун Гу танилцуулав.

Тэрбээр "1. Боловсролын зэрэгтэй холбоотой нөхцөлийг хөнгөвчлөх

• (Одоо мөрдөгдөж буй) БНСУ-д бакалавраас дээш зэрэг хамгаалсан иргэн эсвэл бусад улсад магистраас дээш зэрэг хамгаалсан иргэн

• (Өөрчлөлт орсон) БНСУ-д коллежоос дээш хөтөлбөрийг дүүргэсэн эсвэлбусад улсад магистраас дээш зэрэг хамгаалсан иргэн болгож өөрчлөв.

2. Визний хүчинтэй хугацааг сунгах

• (Одоо мөрдөгдөж буй) Богино хугацааны аялал (С-3), оршин суух хугацаа 90 хоног, хүчинтэй хугацаа 1 жил

• (Өөрчлөлт орсон) Богино хугацааны аялал(С-3), оршин суух хугацаа 90 хоног,хүчинтэй хугацааг 3 жил болгож сунгав.

3. Олон удаагийн виз олгох хүрээг нэмэгдүүлэх

• (Шинээр нэмсэн)Нөхөр/эхнэр эсвэл шууд хамаарал бүхий гэр бүлийн гишүүн нь одоогийн байдлаар БНСУ-д урт хугацаагаар амьдарч буй (1 жилээс дээш хугацаагаар) иргэн

• (Шинээр нэмсэн)Эдийн засгийн хамтын ажиллагааны хөгжлийн байгууллага (OECD)-ын гишүүн оронд зорчих визтэй, тус орнуудад зорчиж байсан иргэн

Энэхүү өөрчлөлт нь 2023 оны арваннэгдүгээр сарын 20-ноос албан ёсоор хэрэгжиж эхэлнэ.

БНСУ-ын хуулийг сайн дагадаг улс орнуудад визний нөхцөлийг сунгах, хөнгөвчлөх арга хэмжээ авч ажиллаж байгаа. Харин хуулийг сахидаггүй улсад хатуу арга хэмжээ авах болно" хэмээв.