Тэд сонгуульд өрсөлдөхөөр ажлаа өглөө


1-р сарын 2
12 цаг 26 минут

    Сонгуулийн тухай хуулийн 29.4 дэх заалтын дагуу төрийн жинхэнэ албан хаагч, төрийн үйлчилгээний албаны удирдах албан тушаалтан, төрийн болон орон нутгийн өмчит, төрийн болон орон нутгийн өмчийн оролцоотой хуулийн этгээдийн дарга, дэд дарга, захирал, дэд захирал нар ээлжит сонгуулийн жилийн нэгдүгээр сарын 1-ний өдрөөс өмнө ажлаа өгч, албан тушаалаасаа чөлөөлөгдсөн байх учиртай. Тэгвэл дараах албан тушаалтнууд ажлаа өгснөөр 2024 оны сонгуульд нэр дэвших нь тодорхой боллоо.

Ж.Энхбаяр тавдугаар тойрогт нэр дэвших үү

Тэд сонгуульд өрсөлдөхөөр ажлаа өглөө
 

Үндэсний аюулгүй байдлын зөвлөлийн Нарийн бичгийн дарга Ж.Энхбаяр 2024 оны УИХ-ын ээлжит сонгуульд нэр дэвшихээр арванхоёрдугаар сарын 15-нд ажлаа өгсөн. Тэрээр тавдугаар тойрог буюу томсгосон тойргоор Дархан-Уул, Сэлэнгэ, Төв аймагт нэр дэвшинэ хэмээн яригдаж байна. Ж.Энхбаяр нь 2008-2012, 2012-2016, 2016-2020 оны УИХ-д сонгогдон ажиллаж байсан нэгэн билээ.

Г.Дөлгөөн зургадугаар тойрогт нэр дэвших үү

Тэд сонгуульд өрсөлдөхөөр ажлаа өглөө
 

Монголбанкны тэргүүн дэд Ерөнхийлөгч Г.Дөлгөөн арванхоёрдугаар сарын 20-нд үүрэгт ажлаасаа чөлөөлөгдөх хүсэлтээ гаргасан. Уг хүсэлтийг арванхоёрдугаар сарын 28-ны УИХ-ын чуулганы нэгдсэн хуралдаанаар хэлэлцэж, чөлөөлөсөн юм. Түүнийг улс төрийн хүрээнд зургадугаар тойрог буюу Дорнод, Сүхбаатар, Хэнтийн тойрог өрсөлдөнө гэж таамаглаж байна. Учир нь, түүний аав Н.Ганбямба нь Хэнтий аймагт төрж, өссөн, 2020 онд аймгийн Засаг даргаар ажиллаж байсан нэгэн юм. Г.Дөлгөөн урьд нь УИХ-ын гишүүнээр сонгогдож байгаагүй.

Л.Наранбаатарын туйлын хүслийг МАН биелүүлэх үү

Тэд сонгуульд өрсөлдөхөөр ажлаа өглөө
 

Цемент шохой ТӨХХК-ийн гүйцэтгэх захирал Л.Наранбаатар өөрийн цахим хуудастаа ажлаа өгч байгаа талаараа мэдээлсэн билээ. Тэрээр 2016 оны сонгуульд бие даан нэр дэвшиж байсан. Нэгэн үе Дархан-Уул аймаг дахь АН-ын дарга асан тэрээр УИХ-ын З.Энхболд руу оймс шидэж, намаа орхин 2016 оны сонгуульд бие даан нэр дэвшиж байсан түүхтэй. Ийнхүү сонгуульдсан ч амжилт олоогүй бөгөөд 2020 оны сонгуульд ч мөн нэр дэвших гэсэн боловч СЕХ бүртгээгүй юм. Учир нь, хоёр намын нэрнээс нэр дэвших хүсэлтээ өгсөн хэмээн тухайн үед СЕХ тайлбарлаж байв. Хуулиараа нэг нэр дэвшигч нэг намаас л нэр дэвших учиртай юм. 2020 оны сонгуулиас хойш Л.Наранбаатар МАН-ын гишүүнээр элсэж, улмаар Цемент шохой ТӨХХК-ийн гүйцэтгэх захирлаар томилогдсон. Түүнийг тавдугаар тойрог буюу Дархан-Уул, Сэлэнгэ, Төв аймагт нэр дэвшинэ гэж таамаглаж байна.

Д.Занданбат Өмнөговьчуудыг төлөөлөх үү

Тэд сонгуульд өрсөлдөхөөр ажлаа өглөө
 

Ерөнхий аудитор Д.Занданбатыг арванхоёрдугаар сарын 28-ны өдрийн УИХ-ын чуулганы нэгдсэн хуралдаанаар өөрийнх нь хүсэлтийн дагуу үүрэгт ажлаас нь чөлөөлсөн билээ. Улс төрийн хүрээнд түүнийг долдугаар тойрогт буюу Говьсүмбэр, Дорноговь, Дундговь, Өмнөговьд нэр дэвшинэ хэмээн таамаглаж байна. Тэрээр УИХ-ын гишүүнээр сонгогдож байгаагүй.

Х.Алтай хаана дэвших вэ

Тэд сонгуульд өрсөлдөхөөр ажлаа өглөө
 

“Монголын хөрөнгийн бирж” ХК-ийн Гүйцэтгэх захирал Х.Алтай үүрэгт ажлаас чөлөөлөгдөх хүсэлтээ Төлөөлөн удирдах зөвлөлд гаргасны дагуу түүнийг 2023 оны арванхоёрдугаар сарын 27-ны өдрийн 51 тоот тогтоолоор үүрэгт ажлаас нь чөлөөлөхөөр шийдвэрлэсэн. Тэрээр өмнө нь УИХ-д сонгогдож байгаагүй бөгөөд нийслэлд нэр дэвшинэ гэсэн таамаг байна.

Н.Цэрэнбат даагаа нэхнэ

Тэд сонгуульд өрсөлдөхөөр ажлаа өглөө
 

Эрдэнэс Оюу толгой ТӨХК-ийн гүйцэтгэх захирал Н.Цэрэнбат ажлаа өгсөн. Тэрээр өмнө нь 2016-2020 оны УИХ-д сонгогдож байсн удаатай. 2020 оны сонгуульд Увс аймагт нэр дэвсэн ч дөрвөөр гарч ирж, хамар таслуулж байсан. Тэгвэл тэрээр 2024 оны сонгуульд өрсөлдөхөөр болсон байна. Харин хоёрдугаар тойрог буюу Говь-Алтай, Завхан, Увс, Ховдод нэр дэвших үү, нийслэлд нэр дэвших үү гэдэг нь тодорхойгүй байгаа юм.

Б.Дашпүрэв сурталчилгаагаа эхэлжээ

Тэд сонгуульд өрсөлдөхөөр ажлаа өглөө
 

Эдийн засаг, хөгжлийн яамны Төрийн нарийн бичгийн дарга Б.Дашпүрэв ажлаа хүлээлгэн өгчээ. Түүнийг Увс аймагт төрсөн бөгөөд Говь-Алтай, Завхан, Увс, Ховд аймгуудыг нэгтгэсэн хоёрдугаар тойрогт нэр дэвшинэ хэмээн таамаглаж байна. Б.Дашпүрэвийн хувьд улс төрийн хүрээнд шинэхэн нэгэн. Тэр утгаараа "Би цүнх баригч" биш хэмээх сурталчилгааг эхлүүлээд амжжээ.

Д.Оюунхорол эргэн ирнэ

Тэд сонгуульд өрсөлдөхөөр ажлаа өглөө
 

Хөшигийн хөндийн бүтээн босголтын асуудал хариуцсан Засгийн газрын Бүрэн эрхт төлөөлөгч Д.Оюунхорол ажлаа өгсөн байна. Тэрээр 2000-2004, 2008-2012, 2012-2016 оны УИХ-д сонгогдон ажилласан. Тэгвэл тэрээр ирэх сонгуульд өрсөлдөх нь тодорхой болсон байна. Одоогийн байдлаар өрсөлдөх тойрог нь тодорхой болоогүй байгаа аж.

А.Энхзул аавынхаа үйл хэргийг үргэлжлүүлэх үү

Тэд сонгуульд өрсөлдөхөөр ажлаа өглөө
 

УИХ-ын Тамгын газрын Хэвлэл мэдээлэл, олон нийттэй харилцах газрын дарга А.Энхзул ажлаа өгч, нэр дэвшихээр горилж эхэлсэн байна. Тэрээр 25 дугаар сувгийн захирал З.Алтайгийн охин юм. З.Алтай нь 2008-2012 оны УИХ-д сонгогдон ажиллаж байсан. Ирэх сонгуулиар түүний охин сонгогдвол үйл хэргийг нь үргэлжлүүлэх нь ээ. А.Энхзулыг улс төрийн хүрээнд Г.Занданшатарын хүн хэмээн ярилцдаг. Урьд нь гишүүнээр сонгогдож байгаагүй.

Б.Заяабал нэр дэвшинэ

Тэд сонгуульд өрсөлдөхөөр ажлаа өглөө
 

Татварын ерөнхий газрын дарга Б.Заяабал ажлаа өгчээ. Тэрээр Говь-Алтай, Завхан, Увс, Ховд аймгуудыг нэгтгэсэн хоёрдугаар тойрогт нэр дэвшмхээр яригдаж байна. Улс төрийн хүрээнд түүнийг Ч.Хүрэлбаатарын хүн гэдэг. Тэрээр өнгөрсөн жил Увсад хэд хэдэн удаа очсон байна. Б.Заяабал нь УИХ-ын гишүүнээр сонгогдож байгаагүй.

Эх сурвалж: itoim.mn


АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

Шийтгэл бол шийдэл биш аяны хүрээнд дараах уралдаанууд зохион байгуулагдаж байна5 цаг 28 минутын өмнөТөрийн банк: “Тогтвортой хөгжил-Ногоон ирээдүй” үзэсгэлэн худалдааг зохион байгуулна5 цаг 33 минутын өмнөБ.Нямтайшир: Баялгийн сангийн хуулийн төслийг бүхэлд нь дэмжиж байгаа ч анхаарах зүйлс нэлээд байна6 цаг 40 минутын өмнө“Хүүхдийг зодож шийтгэхийн эсрэг өдөр”-т зориулсан өртөөлчилсөн сургалт үргэлжилж байна6 цаг 56 минутын өмнөЭЗБХ: Үндэсний баялгийн сангийн тухай хуулийн төслийн анхны хэлэлцүүлгийг хийв6 цаг 59 минутын өмнөЦас орж цасан болон шороон шуурга шуурна7 цаг 14 минутын өмнөДорнод аймагт гарсан гурван хээрийн түймрийг бүрэн унтраалаа7 цаг 17 минутын өмнөХөдөлмөр эрхлэлтийг дэмжих тухай хуулийн шинэчилсэн найруулгын төслийг боловсруулж байна7 цаг 26 минутын өмнөНөөцийн махны өргөтгөсөн худалдааг 25 байршилд зохион байгуулна7 цаг 31 минутын өмнөТБХ: Таван асуудал хэлэлцэн шийдвэрлэв7 цаг 37 минутын өмнөБригадын генерал Ж.Болдбаатар “Эх оронч үзэл” сэдвээр уулзалт яриа өрнүүллээ7 цаг 41 минутын өмнөЭрдэнэтийн овоолгуудыг “…Үүсмэл орд”-ын заалт нь одоогийн эзэмшигчдэд үлдээх үү?!8 цаг 8 минутын өмнөЭмийн үнийн өсөлтийн талаарх нээлттэй сонсголоор гурван сэдвийн хүрээнд нийт 32 асуудлыг дэлгэлээ8 цаг 16 минутын өмнөӨнөөдөр хулгана өдөр8 цаг 18 минутын өмнөЦаг агаар: Улаанбаатарт өдөртөө 10 хэм дулаан8 цаг 21 минутын өмнөУламжлалт мал аж ахуйд тулгамдаж буй уур амьсгалын өөрчлөлтөөс шалтгаалсан сөрөг нөлөөллийг бууруулах тухай хуулийн төслийн анхны хэлэлцүүлгийг хийлээ4 сар 17. 21:48Явган явж байсан 6 хүүхдийг дайрсан ноцтой авто осол гарлаа4 сар 17. 21:41Худалдаа, аж үйлдвэрийн танхимын тухай хуулийн шинэчилсэн найруулгын төслийг өргөн мэдүүлэв4 сар 17. 14:32АТҮТ: 18 салбараар улсын дугаар хэвийн олгож байна4 сар 17. 14:25Батлан хамгаалахын сайд Г.Сайханбаяр хуулийн төслүүд өргөн мэдүүлэв4 сар 17. 14:11Чингэлтэй дүүргийн удирдах ажилтны шуурхай зөвлөгөөн боллоо4 сар 17. 12:04Биотехникийн ажил зохион байгууллаа4 сар 17. 11:59Үнэт эдлэл залилж, хил давж зугтсан байсан этгээдийг баривчлан авчиржээ4 сар 17. 11:45Л.Оюун-Эрдэнэ: Баялгийн сангийн хуулийг эсэргүүцсэн гишүүдийг нэр дэвшүүлэхгүй, тэд олигархиудынхаа нам руу явж болно4 сар 17. 9:49Хөгжлийн бэрхшээлтэй иргэнийг ажлын байранд дадлагажуулах хүний нөөцийг бэлтгэж байна4 сар 17. 9:39Эмийн бүрдэл, чанарын хяналтын асуудлаарх нотлох баримтыг шинжилнэ4 сар 17. 9:30ХЗБХ: Монгол Улс дахь Хүний эрх, эрх чөлөөний байдлын талаарх 23 дахь илтгэлийг хэлэлцэв4 сар 17. 9:26Хэнтий, Дорнод, Архангай аймагт гарсан ой, хээрийн түймрүүдийг унтраалаа4 сар 17. 8:52Р.Базар банкиндаа 6 сая долларыг “төвлөрүүлээд” баривчлагдсан уу4 сар 17. 8:38Мөрөөдөлдөө хүрэх гүүр олон улсын тэтгэлгүүд4 сар 17. 8:35
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.