УИХ-ын гишүүн С.Батболдын Ажлын Албанаас Мэдэгдэл гаргажээ


1-р сарын 3
18 цаг 22 минут
      Сүүлийн өдрүүдэд зарим хэвлэл мэдээллийн хэрэгсэл, цахим сүлжээгээр УИХ-ын гишүүн Сүхбаатарын Батболдыг Тавантолгойн орд газрын нүүрсний хууль бус олборлолт, тээвэрлэлттэй холбоотой гэх түүний нэр хүндэд эрээ цээргүй халдсан, байж боломгүй худал хуурмаг мэдээлэл бүхий ээлжит гүжир гүтгэлгийг зохион байгуулалттайгаар тарааж байгаа тул дараах мэдэгдлийг гаргаж байна.
1. УИХ-ын гишүүн Сүхбаатарын Батболдтой холбоотой аж ахуйн нэгж нь 2007 онд Тавантолгойн орд газрын ашиглалтын лицензийг хууль ёсны дагуу эзэмшиж байхдаа энэхүү ордод шунасан гадаадын болон дотоодын бизнес, улс төрийн бүлэглэлүүдийн элдэв дарамт шахалтыг үл харгалзан тус ордоос нэг ч хүрз нүүрс ашиглалгүйгээр Монголын төр, ард түмэндээ шилжүүлэн өгсөн нь хэн ч маргахгүй түүхэн үнэн юм.
2. Үүний дараа 2011 онд С.Батболд Ерөнхий сайдаар ажиллаж байхдаа Монгол Улсын иргэн бүрт Тавантолгойн орд газрын 1072 ширхэг хувьцааг олгож, тус ордыг жинхэнэ ард түмний өмч болгох үндэс суурийг тавьсан бөгөөд энэхүү шийдвэр нь цаашдаа гадаад, дотоодын бизнес, улстөрийн бүлэглэлүүдийн тус ордыг өөрийн эрхшээлдээ авах гэсэн удаа дараагийн ил далд оролдлого, халдлагаас хамгаалж чадсан.
1072 ширхэг хувьцааг дотоодын хөрөнгийн биржид арилждаг болгон ард иргэд Эрдэнэс Тавантолгой төрийн өмчит компанийн үйл ажиллагаанд ил тод шууд хяналт тавьдаг, хувьцаа эзэмшигчийн эрхээ хэрэгжүүлдэг болгохыг тууштай шахаж шаардаж ирсэн, цаашид ч тэгэх болно.
3. Мөн 2009-2012 онд Ерөнхий сайд байхдаа төрийн өмчит Эрдэнэс Тавантолгой хувьцаат компанийг үүсгэн байгуулж, Монгол Улсын иргэн бүрт тус орд болон бусад уул уурхайн томоохон бүтээн байгуулалтыг эхлүүлсний ногдол ашиг 1 сая 500 зуун мянган төгрөгийг УИХ-ын шийдвэрийн дагуу олгосон нь монголчууд анх удаа байгалийн баялгаасаа хувь хүртсэн тохиолдол болсон.
Төрийн өмчит тус компани цаашид ч ард иргэддээ улам их ногдол ашиг үргэлжлүүлэн өгөх ёстой бөгөөд Засгийн газрын энэхүү ажлыг УИХ-ын гишүүн С.Батболд дэмжиж ажилладаг.
4. Ийнхүү гадна дотны шуналт этгээдүүдийн савраас хамгаалж, төр, ард түмэндээ хүлээлгэн өгсөн Тавантолгойн орд өнөөдөр улс орны эдийн засгийн гол хөдөлгүүрийн нэг болсон. Цар тахал, олон улсын хурцадмал байдалтай эдийн засгийн хүнд үед манай орны гадаад валютын орлого, цалин, тэтгэвэр, тэтгэмж, төсвийн хөрөнгө оруулалтаар босч буй бүтээн байгуулалтын гол санхүүгийн эх үүсвэр болж байна.
5. С.Батболд нь 1990 оноос бусдын адил хууль ёсны, хувийн бизнес эрхэлж, монголын анхны томоохон бизнес эрхлэгчдийн нэг болж чадсан. Монголчуудын "гэрээ засаад төрөө зас" гэх үг, гүн ухааны дагуу топ бизнесмэн болсон хойноо улс төрд орсон ба түүний үүсгэн байгуулсан "Алтай холдинг" групп өнөөдөр ч амжилттай үйл ажиллагаа явуулж байна.
6. С.Батболд болон түүний үүсгэн байгуулсан компани, гэр бүлийн гишүүд нь төрийн тендер, концесс, сан, ЖДҮ-ийн болон хөнгөлөлттэй зээл, тусламжийг нэг ч удаа авч, ашиглаж, нэр холбогдож байгаагүйг жирийн иргэн ч нотлон хэлж чадна. Түүний хувьд "төрөөс төрсөн тэрбумтан" биш гэдгээ удаа дараа мэдэгдэж, хууль хяналтын байгууллагаар шалгуулан нотолж, шүүхээр нэр төрөө сэргээлгэж байсан.
7. Засгийн газраас авлига хээл хахуультай тэмцэх тэмцлийг эрчимтэй явуулан олон арван алдаа дутагдал, авлига хээл хахуулийн хэргүүд ил болж, эхнээсээ хуулийн байгууллагаар шийдэгдэж, шударга ёс жинхэнэ утгаараа хэрэгжиж эхлээд байна. Үүний нэг нь Тавантолгойн орд газрын баялгийг хууль бусаар олборлож, тээвэрлэж байсан хэргийг олон нийтэд ил болгосон явдал юм.
Ийнхүү Тавантолгойн үндэсний баялгаас хумсалж ирсэн бүлэглэл, гэмт этгээдүүд гэмт үйлдэл нь ил тод болж, хуулийн өмнө хариуцлага хүлээхээсээ "сүнс нь зайлтлаа айж" сандарч, Тавантолгойн ордыг ард түмэн эзэмших шийдвэрийг гаргасан С.Батболдыг гүтгэж байгаа нь шударга үнэнийг тогтоох ажлыг төөрөгдүүлэх гэсэн эрээ цээргүй үйлдэл юм.
8. С.Батболд нь Монгол Улсын иргэнийхээ хувиар Тавантолгойн орд газрын 1072 ширхэг хувьцаа л эзэмшдэг. Тавантолгойн орд газраас өөрөө болон хамаарал бүхий хэн нэгэн ямар нэг хувь, эзэмшил байхгүй, нүүрсийг нь ухдаггүй, зөөдөггүй болохыг хариуцлагатайгаар мэдэгдэж байна.
9. С.Батболд нь "Нүүрсний сонсгол"-ын үеэр нэр дурьдагдсан Тавантолгойн нүүрс тээвэртэй холбоотой гэх Ц.Амгалан, Б.Батдаваа нар болон бусад бизнес аж ахуйн нэгжүүдтэй ямар нэгэн бизнесийн хэлхээ холбоо, хамтарсан эсвэл хамаарал бүхий компани, аж ахуйн нэгжийн шууд болон шууд бус харилцаа байхгүй. Өмнө нь ч байгаагүй.
10. Тавантолгойн ордод шунасан гадаад, дотоодын бизнес улс төрийн бүлэглэлүүд С.Батболдыг олон жилийн турш янз бүрийн хэлбэрээр дайрч давшилж, гүжирдэж ирсэн.
Өнөөдөр ч жинхэнэ хулгайч, луйварчин, эх орноосоо урвагчид өөрсдийн хийсэн хууль бус үйлдлээ олон нийтийн анхаарлаас холдуулахын тулд энэ ордыг ард түмэндээ өгч, монголын баялгийг Монголдоо үлдээсэн С.Батболдыг гүтгэн доромжилж байна.
Энэхүү гүжир гүтгэлгийг санхүүжүүлж, зохион байгуулж, тарааж буй этгээдүүдийг холбогдох байгууллагуудад өгч, шалгуулан шударга үнэнийг тогтоолгохоо хариуцлагатайгаар мэдэгдэж байна.
УИХ-ЫН ГИШҮҮН СҮХБААТАРЫН БАТБОЛДЫН АЖЛЫН АЛБА
Хавсралт:
1. Монгол Улсын Иргэн бүрт 1.5 сая төгрөг хүртээх тухай С.Батболдын Засгийн газрын шийдвэр
“ИРГЭН БҮРТ 1.5 САЯ ТӨГРӨГ ХҮРТЭЭХ ТАЛААР АВАХ АРГА ХЭМЖЭЭНИЙ ТУХАЙ” МОНГОЛ УЛСЫН ЗАСГИЙН ГАЗРЫН ТОГТООЛ (2010 ОНЫ 4 ДҮГЭЭР САРЫН 2-НЫ ӨДӨР, ДУГААР 84)
2. “Эрдэнэс-Тавантолгой” ХК-ийг байгуулах тухай С.Батболдын Засгийн газрын шийдвэр
"ЭРДЭНЭС-ТАВАН ТОЛГОЙ" ХК БАЙГУУЛАХ ТУХАЙ МОНГОЛ УЛСЫН ЗАСГИЙН ГАЗРЫН ТОГТООЛ (2010 ОНЫ 10 ДУГААР САРЫН 20-НЫ ӨДӨР, ДУГААР 272)
3. Монгол Улсын иргэн бүрт "Эрдэнэс Тавантолгой" компанийн 536 ширхэг хувьцааг нэг удаа үнэ төлбөргүйгээр эзэмшүүлэх тухай С.Батболдын Засгийн газрын шийдвэр
МОНГОЛ УЛСЫН ИРГЭНД "ЭРДЭНЭС ТАВАНТОЛГОЙ" КОМПАНИЙН ХУВЬЦААГ ЭЗЭМШҮҮЛЭХ ТУХАЙ МОНГОЛ УЛСЫН ЗАСГИЙН ГАЗРЫН ТОГТООЛ (2011 ОНЫ 3 ДУГААР САРЫН 31-НИЙ ӨДӨР, ДУГААР 98)
4. Монгол Улсын иргэн бүрт "Эрдэнэс Тавантолгой" компанийн 1072 ширхэг хувьцааг нэг удаа үнэ төлбөргүйгээр эзэмшүүлэх тухай С.Батболдын Засгийн газрын шийдвэр
"ЭРДЭНЭС ТАВАНТОЛГОЙ" ХК-ИЙН ХУВЬЦААГ ИРГЭДЭД ЭЗЭМШҮҮЛЭХ, АЖ АХУЙН НЭГЖИД ХУДАЛДАХТАЙ ХОЛБОГДУУЛАН АВАХ ЗАРИМ АРГА ХЭМЖЭЭНИЙ ТУХАЙ МОНГОЛ УЛСЫН ЗАСГИЙН ГАЗРЫН ТОГТООЛ (2012 ОНЫ 4 ДҮГЭЭР САРЫН 11-НИЙ ӨДӨР, ДУГААР 116)


АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

Б.Алтанчимэг: Азийн аваргын тэмцээнээс ихийг сурч, туршлага хуримтлуулсан7 сар 23. 8:31Цаг агаар: Улаанбаатарт өдөртөө 26 хэм дулаан7 сар 23. 8:25Гэр бүл, хөдөлмөр, нийгмийн хамгааллын сайд Л.Энх-Амгалан анхны албан даалгаврыг гаргалаа7 сар 22. 19:51Алтай таван богд хайрхан уулын тэнгэрийг тайх ёслол боллоо7 сар 22. 19:41Чанаргүй, үнэтэй эмийн асуудалд бодит өөрчлөлт хийнэ7 сар 22. 12:01Үерийн 19 дуудлагаар үүрэг гүйцэтгэв7 сар 22. 11:51Цаг агаар: Улаанбаатарт өдөртөө 24 хэм дулаан7 сар 22. 8:26ЭМД-ын шимтгэл төлөлтийн статистик мэдээ7 сар 21. 21:00УИХ-ын дарга Д.Амарбаясгалан Говь-Алтай аймгийн Тайшир сумын 100 жилийн ойн баярт оролцлоо7 сар 21. 20:55Баяр наадмын үеэр сайн дурын 24 ажилтан ГССҮТ-д хөтөч, зөвлөн туслагчаар ажиллалаа7 сар 21. 20:52Монгол Улсын 33 дахь Ерөнхий сайдын тэргүүлэн ажиллах Хамтарсан Засгийн газрын гишүүд7 сар 21. 20:46Төрийн тахилгат Бурхан буудай уулын тэнгэрийг тайх ёслол боллоо7 сар 21. 20:43УИХ-ЫН Тамгын газар: УИХ-ын гишүүдээс орон сууц авах хүсэлт ирүүлээгүй7 сар 21. 20:31Хичээлийн жилийн бүтцийг баталжээ7 сар 19. 16:18УИХ-ын дарга Д.Амарбаясгалан Говь-Алтай аймагт ажиллаж байна7 сар 19. 16:11ЭМД-ын санд 21 сая 219 мянга 403 төгрөгийг нөхөн төлүүллээ7 сар 19. 11:53Туулбаатарын Тэмүүлэн: Наадамчин олон уухайлаад эхэлтэл би зориг орж байгаа юм шиг л болсон7 сар 19. 11:49С.Бямбацогт: Алдаа дутагдал гаргасан бол шударгаар хариуцлагаа үүрдэг хандлага энэ салбараас тод харагдах ёстой7 сар 19. 11:43Хөвсгөл, Сэлэнгэ аймагт ойн түймэртэй байна7 сар 19. 11:27Умайн хүзүүний хорт хавдраас сэргийлэх, эрт илрүүлж эмчлэхэд ДЭМБ хамтран ажиллана7 сар 19. 11:21Монгол Улсын Их Хурлын 4 дэд хорооны бүрэлдэхүүн7 сар 19. 11:14Монгол Улсын Ерөнхийлөгчид Бүгд Найрамдах Итали Улсын Ерөнхийлөгч мэндчилгээ дэвшүүлэв7 сар 19. 11:09УНТЭ БНСУ-тай сургалт, судалгааны чиглэлээр хамтран ажиллана7 сар 18. 9:20Цаг агаар: Улаанбаатарт өдөртөө 30 хэм дулаан7 сар 18. 9:07Эрүүл мэндийн сайд Т.Мөнхсайхан Хавдар судлалын үндэсний төвд ажиллаж, эмч, үйлчлүүлэгчидтэй уулзаж, санал солилцлоо7 сар 17. 10:58Гамшгаар зоолдог "мөнгө"-ний нийгэм7 сар 17. 10:13Наймдугаар сарын 12-ноос иргэний шилжилт хөдөлгөөнийг зогсооно7 сар 17. 8:52Буудлагын тамирчид тэмцээндээ орох боломжтой болжээ7 сар 17. 8:47Цаг агаар: Улаанбаатарт өдөртөө 28 хэм дулаан7 сар 17. 8:31Монгол Улсын Их Хурлын ес дэх удаагийн сонгуулиар байгуулагдсан УИХ-ын 11 Байнгын хорооны дарга, гишүүд7 сар 16. 19:31
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.