Нийслэлчүүдэд наалдаагүй нийтийн тээврийн өөрчлөлт


1-р сарын 22
13 цаг 50 минут

       Хотын дарга Х.Нямбаатар нарын гаргасан нийслэлчүүдийн амьдралд огтхон ч нийцээгүй нэгэн шийдвэрийн балгийг Улаанбаатар даяараа амралтын хоёр өдөрт амслаа. “Сарын өмнөөс танилцуулаад байхад та нар дуугараагүй” гэж орлогч Д.Сайнзориг нь хэвлэлийн хурал дээр хэлнэ лээ. Танилцах нь танилцсан, гэхдээ хуучин чиглэлүүд дээрээ нэмэлт тийм чиглэлүүд гаргаад шинэ автобуснуудаа явуулах юм байна гэж бодсоноос биш, хот даяар нь төөрүүлээд, будилуулаад, хөхөө өвлийн хүйтнээр дааруулж бээрүүлээд туршилтын туулай болгоно гэж санаагүй.

Ганц жишээ. Х.Нямбаатар Сонгинохайрхан дүүргийн ИТХ-ын дарга байсан байж яагаад Баянхошуу, Баруунсалаа, Зүүнсалаанд тийм олон хүн амьдардгийг мэддэггүй байсан бэ.

Ганц хороо нь л 20-30 мянган хүнтэй, хүн ам шигүү тэдгээр газарт Баруунсалаанаас Баянхошуу, Зурагтаар дайрч Баруун дөрвөн зам орох ганц чиглэл явуулж яаж чаддаг байна вэ. Зам дээр өчнөөн хүн автобусанд багтахгүй үлдэж байна. Даарч хөрч, зутарч байна. Ам амандаа бувтнасан тэр олон хүн ерөөл тавиагүй, маань уншаагүй нь лавтай. Таван шар дээр автобуснууд багтахгүй вагон болоод цувчихсан байна. Аргаа ядсан хүмүүс сүүлийнхээс нь буугаад хамгийн түрүүчийнх рүү нь гүйж байна.

Офицер дээр ч тийм байгаа сурагтай. Ердөө энэ хоёр талд хамаг автобусаа чихчихэж.

Төвийн буудлууд дээр чиглэл бичсэн хуудсыг хорхой гүйсэн мөр шиг жирийтэл бичээд наачихсан. Харааны бэрхшээлтэй иргэд, хөгшид өтгөс нь уншаад өгөөч гэж хүн царайчлаастай. Захын хорооллууд дээр тийм бичиг ч байхгүй, уртаашаа ганц чиглэлтэй юм чинь. Гэтэл Баянмонгол хавьд “Шинэ 100 айл” гэсэн хов хоосон автобусууд бөөн бөөнөөрөө явж байх юм гэнэ.

Шугам алдаатай төлөвлөгдсөнөөс нэг унаагаар, эсвэл ганц дамжаад хүрэх газраа хүрдэг хүмүүс 2-4 дамжиж, ажил сургуулиасаа хоцорч “амьтан” болж очиж байна. Дөрвөөс илүү суувал суусан тоогоор мянган төгрөг гэдэг захирамжаа удахгүй гаргах биз. Тэгэхээр 1000-1500 төгрөгөөр ирж очдог байсан хүн өдөртөө 3000-4000 төгрөг халааснаасаа гаргах юм биз дээ. Амьжиргаа тааруу дээрээ үргүй зардал гэдэг энэ.

Улаанбаатарт 16-20 см цастай байна гэж холбогдох газар нь мэдээлж байна. Захын гэр хорооллоор үүнээс их байгаа. Малгүй л болохоос нийслэлд зуд болсон. Халтиргаа гулгааг ч хэлэх юм биш. Шинэ автобуснууд явж байсан холын чиглэлүүдээсээ нөгөөдүүлээ татаад, аль л халтиргаа гулгаатай, налуу замтай газрууддаа хуучны хуучин автобусуудаа явуулчихсан, нөгөөдүүл нь хий эргэж, чарлаад газар хороох ч шинжгүй.

Удахгүй хичээл эхэлж хүүхдүүд сургуульдаа явна. Оюутнууд цуглана. Бага ангийн сурагчид яаж тэр олон дамжиж сургуульдаа очих вэ гэдгийг бодож үзсэн дарга Хотын захиргаанд лав байхгүй л дээ. Нөгөө жаахнуудаа сургуульд хүргэдэг, авдаг өвөө эмээ нар ч чангаланд орж байгаа. Ядахад тэдэнд суух суудал ч олдохгүй, дахин дахин дамжих гэж хүүхдээ хөтөлж чирч гүйсээр нялхтай, хөгшинтэйгээ хамт сэнсрэх биз.

Цаг тавирах болоогүй, хүйтний эрч чангарсан хоёр өдрөөр туршилт хийсэн дарга нарт “Албан тасалгааны цонхоор Амьдрал сайхан харагдана” гэдэг шиг л санагдаж байх бололтой.  Ямар ч тооцоо шийдэлгүй хийсэн шинэчлэлт болох нь хэвлэлийн шуурхай хурлаас харагдсан. Хэл ам ахиухан хийсэн газруудад дөрвөн чиглэл шууд нэмж ч байх шиг.  Хоёрдугаар сарын 1 хүртэл 1111 утсаар мэдээлэл авъя ч гэх шиг. Ингэж бушуу туулай борвиндоо баас нааж харайхгүй ээ.

Иргэдийн хэлж ярьж байгааг ядахдаа нэг болгооно уу, дарга нар аа. Хуучин маршрутаар нь явуулаад өгөөч л гээд байгаа. Инженерийн үндэслэлтэй, 50-60 жилийн өмнөөс хэвшчихсэн чиглэл шүү дээ. Ядахдаа шинэчлэлт хийх цагаа ч олохгүй хөхөө өвлийн хүйтнээр туршиж байдаг. Өмнө нь 2015 онд бага зэрэг шинэчлэлт хийсэн. Гэхдээ наймдугаар сард, ажил сургууль амраад, хот сийрэг болчихсон үед шинэчилсэн. Есдүгээр сард ажил, сургууль жигдрэхэд хэвшчисэн байсан юм. Цөхөрсөн иргэд бас нэг юм хэлээд байгаа. “Хийсэн болгон чинь бүтэлгүйтээд байна, хотын дарга нар аа. Зүгээр л сууж бай л даа” гээд. Нийслэлчүүдэд наалдаагүй нийтийн тээврийн өөрчлөлт гэж нэг ийм зүйл иргэд бидэнд ёстой хөхөө өвлийн хүйтэнд мөстэй жин тавилаа даа. Эргэн харах биз ээ.



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

МАН-ын Удирдах зөвлөл маргааш хуралдана3 цагийн өмнөБүгд Найрамдах Киргиз Улсын Сайд нарын танхимын дарга А.Жапаров Монгол Улсын Их Хурлын дарга Г.Занданшатарт бараалхлаа3 цаг 7 минутын өмнөӨнөөдөр цахилгааны хязгаарлалт хийж болзошгүй байршлууд3 цаг 14 минутын өмнөТөрийн банк: 46,7 сая төгрөг, нэмнээ хандивлалаа6 цаг 57 минутын өмнөД.Очирбатыг ЭМЯ-ны Төрийн нарийн бичгийн даргаар эргүүлэн томиллоо7 цаг 31 минутын өмнөУрьдчилан сэргийлэх, эрт илрүүлэг үзлэгийн 61-ээс дээш насны багцыг танилцуулж байна9 цаг 18 минутын өмнөЛ.Долгормаа: Анхааруулж, сэрэмжлүүлж байхад иргэд амь нас, эрүүл мэндээ эрсдэлд оруулаад байгаа нь харамсалтай9 цаг 21 минутын өмнөГССҮТ: Улаанбаатар төмөр замын төв эмнэлэгтэй хамтарна9 цаг 47 минутын өмнөЦахилгаан шугам тоноглолд засвар үйлчилгээ хийх гуравдугаар сарын хуваарь9 цаг 50 минутын өмнөХэнтий: “Энэ жилдээ Эрүүл жиндээ 2” аяны нээлттэй өдөрлөг боллоо2 сар 28. 8:48“Эмийн үнийн өсөлтийн шалтгаан, нөхцөлийг хянан шалгах” Түр хороо Эмийн хяналтын лабораторид ажиллав2 сар 28. 8:44Төв банкнуудын холбооны дээд түвшний хурал болов2 сар 28. 8:38Дэд сайд С.Энхболд Буриадын төлөөлөгчдийг хүлээж авч уулзлаа2 сар 28. 8:33УИХ-ын дарга Г.Занданшатар Бүгд Найрамдах Киргиз Улсын Парламентын дарга Н.Шакиевтай албан ёсны хэлэлцээ хийлээ2 сар 28. 8:26Өнөөдөр нохой өдөр2 сар 28. 8:18Цаг агаар: Улаанбаатарт өдөртөө 18 хэм хүйтэн2 сар 28. 8:15Хүүхдээ 2 нас хүртэл, ихэр хүүхэд бол 3 нас хүртэл харж буй эх /эцэг/-ийн ЭМД-ын шимтгэлийг төрөөс хариуцан төлнө2 сар 27. 14:34“Би Монгол хүүхэд” ёс заншлын наадам боллоо2 сар 27. 14:28БНЭУ-ын парламентын Лок Сабхагийн Ерөнхий нарийн бичгийн дарга Утпал Кумар Сингхтэй уулзав2 сар 27. 14:24Т.Баярхүү: Малчдад туслах хандивт нэгдэж байгаа хүмүүст талархал илэрхийлье2 сар 27. 12:16Ц.Доржготов: Хүний амьдрал бол нүгэлгүй орлогоор л гэдсээ тэжээх явдал юм2 сар 27. 12:07Хууль бусаар ашигт малтмал олборлосон хэргийг илрүүллээ2 сар 27. 12:03УИХ-ын дарга Г.Занданшатарын Бүгд Найрамдах Киргиз Улс дахь албан ёсны айлчлал эхэллээ2 сар 27. 11:58Бага ангийн залуу багш нарын дунд ур чадварын уралдааныг зохион байгууллаа2 сар 27. 10:005. Танд зориулав: Хоол хүнсний зохистой хэрэглээ2 сар 27. 9:57Гал түймрийн найман тохиолдол бүртгэгдэв2 сар 27. 9:54"Хүрэл тулга-2024" яруу найргийн наадам зохион байгууллаа2 сар 27. 9:33Элэгний “Д“ вирусийн халдвартай иргэдийг ОХУ-ын Буриад Улсад эмчилнэ2 сар 27. 9:28Боловсролын зээлийн сангаас олгосон 4.2 тэрбум төгрөгийн зээл төлөгджээ2 сар 27. 9:22Б.Мөнхтамир: 2023 онд 14 мянган транзит зорчигч тээвэрлэж, 13 тэрбум төгрөгийн орлого олсон2 сар 27. 8:41
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.