Л.Оюун-Эрдэнэ: Зовлонд дөрөөлж улс төр хийхийг хүссэн хүн бүр шангаа хатуу хүртэх болно


1-р сарын 29
9 цаг 33 минут

      Өнгөрсөн долоо хоногт, 2024 оны нэгдүгээр сарын 23-24-нд шилжих шөнө Дүнжингаравын уулзвар орчимд хий ачсан машин дэлбэрч ноцтой осол болсон. Энэ эмгэнэлтэй явдлын улмаас Онцгой байдлын гурван аврагч амь эрсэдсэн. Тухайн үед тус замаар явсан машины жолооч, зорчигчид, тэр хавийн орон сууцны оршин суугчид түлэгдэж эмнэлэгт хүргэгдсэн. Уржигдар тэдний нэг 19 настай залуу амиа алдсан байна. Түүнээс гадна дэлбэрэлтийн улмаас олон хүн эд хөрөнгөөр хохирсон.

Одоогоор “...Хууль хяналтынхан, мэргэжлийн байгууллагууд уг ослын талаар албан ёсны дүгнэлт гаргахаар ажиллаж байна” гэсэн албаны мэдээлэлтэй. Харин олон нийтийн сүлжээ, бусад мэдээллийн эх сурвалжуудаар ослын талаар янз бүрийн зүйл яригдаж байна. Энэ осолд “...Хий ачиж явсан машины жолооч, цаашлаад “Дашваанжил” ХХК нь аюултай ачаа тээвэрлэх стандартын горим зөрчсөн” гэх хандлага нэлээд байна.

Мөн “...ОБЕГ-ын удирдлагууд аврагчдыг хийн ослын үед ажиллах зааварчилгаагаар хангаж чадаагүй” гэж үзэх хүн олон байгаа юм. Бас “...“Дүнжингарав” худалдааны төв, Глобал сургууль орчмын дундуурх автозам хоёр талаасаа шахагдаж, нарийхан баригдсан. Тухайн үед орон сууц руу орсон галыг унтраах гэсэн онцгой байдлын машин “хүзүүвч”-д тээглээд орж чадаагүй. Энэ бүхэн газрын авлигатай холбоотой” гэж байна. Тэгвэл Засгийн газрын өнгөрсөн долоо хоногийн хуралдаанаар энэхүү ослын талаар нэлээд яригджээ. Ерөнхий сайд Л.Оюун-Эрдэнэ Давосын эдийн засгийн чуулганаас ирсэн даруйдаа, 25-ны пүрэв гарагт Засгийн газрыг хуралдуулжээ. Тэрбээр хууль хяналтынханд Дүнжингаравын уулзвар орчимд гарсан дээрх ослыг нарийвчлан шалгах чиглэлийг өгсөн байна. Ерөнхий сайдын чиглэл нь “...Буруутай этгээдийг заавал олж, хариуцлага тооц. Тэр хүртэл УОК, нийслэлийн удирдлагууд гэм хорыг арилгахад анхаарч шуурхай ажилла” гэсэн агуулгатай. Гэхдээ чиглэлийг хэрэгжүүлэхдээ авах арга хэмжээ, анхаарах асуудлууд нь нэлээд анхаарал татахаар байгаа юм.

Тодруулбал, “...Тухайн үед эргэн тойрон дахь машинуудад хэн хэн байсан бэ. Улстөрчдийн хамаарал бүхий машинууд тэр хавьд хэдэн цагаас хэдэн цагийн хооронд байсан бэ. Тэдгээр машинд шүүхээр явж байгаа хэргийн хамаарал бүхий болон хуулийн байгууллагуудад ажиллаж байсан хүмүүс хамт байсан эсэхийг тодруулах хэрэгтэй. Тагнуулын дарга эрхмийн барьсан орон сууц, тэдний эргэн тойронд тэр өдөр ямар уулзалтууд болсон бэ. Осол яагаад лхагва гарагт гарсан бэ. Эдгээрийг цогц байдлаар нягталж, хэрэг нээж шалгах ёстой” гэж үүрэг өгсөн байна. Эндээс харвал Ерөнхий сайд Л.Оюун-Эрдэнэ энэ ослыг тохиолдол биш гэж үзэж байгаа бололтой.

Үүнээс гадна, “...Өнгөрсөн оны сүүлчээр Авлигын шүүх байгуулах талаар хэлэлцсэний дараа, нүүрсний сонсголын эхлэлээс дуусах хүртэл үргэлжилсэн шатахуун тасарсан асуудлыг нийгмийн сүлжээнд зохион байгуулалттайгаар тараасан, сая гарсан ослын талаарх янз бүрийн мэдээллүүд ямар эх үүсвэрээс дээрх байдлаар цацагдаж байгааг нарийвчлан шалгаж танилцуулаарай” гэжээ.

Мөн хотын газар, бусад асуудлаарх сонсголыг яаралтай зохион байгуулах чиглэлийг өгсөн байна. Энэ талаар ХЗДХ-ийн сайд Б.Энхбаяр Засгийн газрын хуралдааны дараа олон нийтэд мэдээлсэн.

Түүнчлэн Засгийн газрын дээрх хуралдаан дээр Ерөнхий сайд Л.Оюун-Эрдэнэ “...Давосын эдийн засгийн чуулганд оролцох үеэр “хөдөлгөөн” хийх гэсэн авлигачдын гадаад, дотоод зорилго бүтэхгүй. Тэдний Монгол Улс руу оруулж ирж байгаа мөнгө нь таван газарт царцаагдсан. Үүнд удахгүй хариуцлага тооцно. Ер нь ард түмний зовлонд дөрөөлж, сонгууль болон улс төр хийхийг хүсэж байгаа хүн бүр шангаа хатуу хүртэх болно. Шүүх дээр явж байгаа хэргүүдээс ч хараагаа салгахгүй. Анхаарлаа сулруулахгүй. Баялгийн лиценз, хотын газар хэнд, хэрхэн очсоныг олон нийт удахгүй нийтийн сонсголоор мэдэх болно. Мэдэх эрхийг хангана. Тэгэх тусам энэ үйлдлүүдийн ард хэн хэн байгааг ард олон төвөггүй ойлгоно. Олон нийт мэдээллийн хаалттай байдалд байж, хууль бус ийм явдлуудын талаар огт мэддэггүй байсан. Тэгвэл ингэж төөрдөг байшин дотор удаан зугаалахгүй ээ. Хамгийн сайн нь дээрх хүмүүсийн нуусан, хаасан явдлуудынх нь бүх мэдээлэл бэлэн болсон. Одоо тэд устгах боломжгүй, оройтсон” гэж ярьсан байна. Эдгээрээс гадна Засгийн газрын гишүүд, нийслэлийн удирдлагууд өнгөрсөн амралтын өдрүүдээр хийн осол хийгээд хотын газар, бусад асуудлаарх авлига дагасан хууль бус үйлдлүүдтэй холбоотойгоор стандарт, хяналт шалгалтыг сайжруулах зэрэг зарим арга хэмжээг авч, томилгоо хийхээр шийджээ. Тэдгээр нь энэ долоо хоногт албажих бололтой.

Эх сурвалж: Б.ГАРЬД “Зууны мэдээ” сонин


АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

МАН-ын Удирдах зөвлөл маргааш хуралдана2 цаг 5 минутын өмнөБүгд Найрамдах Киргиз Улсын Сайд нарын танхимын дарга А.Жапаров Монгол Улсын Их Хурлын дарга Г.Занданшатарт бараалхлаа2 цаг 12 минутын өмнөӨнөөдөр цахилгааны хязгаарлалт хийж болзошгүй байршлууд2 цаг 18 минутын өмнөТөрийн банк: 46,7 сая төгрөг, нэмнээ хандивлалаа6 цаг 2 минутын өмнөД.Очирбатыг ЭМЯ-ны Төрийн нарийн бичгийн даргаар эргүүлэн томиллоо6 цаг 36 минутын өмнөУрьдчилан сэргийлэх, эрт илрүүлэг үзлэгийн 61-ээс дээш насны багцыг танилцуулж байна8 цаг 23 минутын өмнөЛ.Долгормаа: Анхааруулж, сэрэмжлүүлж байхад иргэд амь нас, эрүүл мэндээ эрсдэлд оруулаад байгаа нь харамсалтай8 цаг 26 минутын өмнөГССҮТ: Улаанбаатар төмөр замын төв эмнэлэгтэй хамтарна8 цаг 51 минутын өмнөЦахилгаан шугам тоноглолд засвар үйлчилгээ хийх гуравдугаар сарын хуваарь8 цаг 55 минутын өмнөХэнтий: “Энэ жилдээ Эрүүл жиндээ 2” аяны нээлттэй өдөрлөг боллоо2 сар 28. 8:48“Эмийн үнийн өсөлтийн шалтгаан, нөхцөлийг хянан шалгах” Түр хороо Эмийн хяналтын лабораторид ажиллав2 сар 28. 8:44Төв банкнуудын холбооны дээд түвшний хурал болов2 сар 28. 8:38Дэд сайд С.Энхболд Буриадын төлөөлөгчдийг хүлээж авч уулзлаа2 сар 28. 8:33УИХ-ын дарга Г.Занданшатар Бүгд Найрамдах Киргиз Улсын Парламентын дарга Н.Шакиевтай албан ёсны хэлэлцээ хийлээ2 сар 28. 8:26Өнөөдөр нохой өдөр2 сар 28. 8:18Цаг агаар: Улаанбаатарт өдөртөө 18 хэм хүйтэн2 сар 28. 8:15Хүүхдээ 2 нас хүртэл, ихэр хүүхэд бол 3 нас хүртэл харж буй эх /эцэг/-ийн ЭМД-ын шимтгэлийг төрөөс хариуцан төлнө2 сар 27. 14:34“Би Монгол хүүхэд” ёс заншлын наадам боллоо2 сар 27. 14:28БНЭУ-ын парламентын Лок Сабхагийн Ерөнхий нарийн бичгийн дарга Утпал Кумар Сингхтэй уулзав2 сар 27. 14:24Т.Баярхүү: Малчдад туслах хандивт нэгдэж байгаа хүмүүст талархал илэрхийлье2 сар 27. 12:16Ц.Доржготов: Хүний амьдрал бол нүгэлгүй орлогоор л гэдсээ тэжээх явдал юм2 сар 27. 12:07Хууль бусаар ашигт малтмал олборлосон хэргийг илрүүллээ2 сар 27. 12:03УИХ-ын дарга Г.Занданшатарын Бүгд Найрамдах Киргиз Улс дахь албан ёсны айлчлал эхэллээ2 сар 27. 11:58Бага ангийн залуу багш нарын дунд ур чадварын уралдааныг зохион байгууллаа2 сар 27. 10:005. Танд зориулав: Хоол хүнсний зохистой хэрэглээ2 сар 27. 9:57Гал түймрийн найман тохиолдол бүртгэгдэв2 сар 27. 9:54"Хүрэл тулга-2024" яруу найргийн наадам зохион байгууллаа2 сар 27. 9:33Элэгний “Д“ вирусийн халдвартай иргэдийг ОХУ-ын Буриад Улсад эмчилнэ2 сар 27. 9:28Боловсролын зээлийн сангаас олгосон 4.2 тэрбум төгрөгийн зээл төлөгджээ2 сар 27. 9:22Б.Мөнхтамир: 2023 онд 14 мянган транзит зорчигч тээвэрлэж, 13 тэрбум төгрөгийн орлого олсон2 сар 27. 8:41
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.