Тэсвэр тэвчээрийн туйл болсон нийслэлчүүд


2-р сарын 2
8 цаг 31 минут

      Нийслэлчүүд энэ өвөл жинхэнэ дэг гэгчийг үзэж байна. Халтиргаа гулгаа гэж тоймгүй, явган хүний гялгар бүрээстэй хавтан замын цасыг арилгах тусам зүлгэсэн шил толь мэт болж, гулгах, халтирах эрсдлийг 100 хувь нэмнэ. Авто замын голоор мөстөж, явган хүний гарц дээр машинууд ногоон гэрлээр тормос гишгэлээ ч гулгаад л ороод ирж байгаа. Халтиргаанаас болж гэмтэж бэртсэн хүний тоог бага зэргийн дайнтай оронтой жишвэл илүү л гарна.

Захын хорооллуудын уулын уруу, өгсүүр замыг бол хэлэх ч юм биш. Уулнаас уруудана гэдэг хэр баргийн экстрим аялал хийгчээс ч илүү хянуур болгоомж, хөлийн бяд, тэнцвэрээ олох аргыг шаардана. Нэг халтирвал бэлдээ бууж л зогсоно, тэр хүртэл мэнд үлдэх эсэх найдваргүй. Тэр мөсөн уулын уруу бууж буй машины жолооч нар бартаат замын уралдаанд оролцвол тэргүүн байранд л орж таарах байх. Хорооны ажилтан хэдэн хүүхэн л ойр тойрныхоо мөсөн дээгүүр тахиа шувуу хооллож буй мэт ууттай давснаас чимх чимхээр цацаж харагддаг юм. Утаа униар бол үлгэр домог болсон. Утаагүй түлш нэртэй л болохоос яндан бүрээс муухай үнэртэй утаа саагиж байна.

Хажуугаар нь автобусны чиглэл өөрчилж байна гээд самарснаас болоод хүйтэн нойтонд хэчнээн ч хүн чирэгдэв. Зарим чиглэл өнөө хэр сэргээгүй. Шинэ автобусууд ирээд байна гэсэн ч шугамд гардаг нь улам цөөрсөн. Түгжрэл ч хэрээс хэтэрлээ.

Өчигдөр орой түгжрэлд таг гацахдаа автобусаар хамт зорчигчдоо ажиглалаа. Хүнсэнд ачигдсан хонь шиг чигжээд зогсчихсон тэдний дүр бүр өөр. Залуухан бүсгүй гэртээ ээжтэйгээ үлдээсэн нялх үрдээ яаран байн байн утсаа гаргаж, “Одоохон очлоо, түгжрээд байна” л гэх. Ачаа харж байгаад аав ээжийг нь ирэхэд “ажлаасаа буусан” хөгшин гэрт үлдсэн хэддээ санаа зовж “Эмээ нь мөд хүрэхгүй нь. Та хэд хоолоо идсэн үү” гэж залгах. Маргааш өглөө эрт ээлжинд гарах автобусны жолооч “Харьж жаахан дуг хийхсэн” хэмээн санаашрах. Зэгзгэр жаахан охин багана налаад зогсчихсон автобусны радиогоор явах дууг даган инээмсэглэн амандаа зөөлөн аялах. Түүний харц гэгээхэн тунгалаг, хир буртаггүй. Гэхдээ л энэ хатуухан амьдрал удахгүй сүүдэр унагах вий гэхээс харуусал төрөм.

Бид ч бас яах вэ, унаа олоод багтчихсан. Гэтэл буудал бүр дээр малгай, ороолтынх нь захаар цан хүүрэг цохисон өчнөөн хүн унаа хүлээгээстэй. Ойр явах нь алхаж, холынх нь аргагүй тэвчээр заан зогссоор. Агаарын температур хасах 32 хэм. Цагаан сар дөхөхөөр улам гаарах үнийн хөөрөгдөл, зээлийн өр, ганцхан өдрийн аюулд насаараа хураасан нь хуйхлагдаад өнгөрч мэдэх эрсдэл, дээдэс, доодсын улам алсрах ялгаа. Орон нутагт амьдаръя гэвч хийх ажилгүй, хүүхдээ сургах чанартай сургууль хомс, үзэх харах зүйл ховор. Хайхрах эзэнгүй мэт хөлдүү хотын хамаг зовлонг нуруундаа тээн тэсвэр тэвчээрийн туйлыг үзүүлж яваа эгэл жирийн нийслэлчүүд минь дээ.

Эх сурвалж: Д.Оюунцэцэг


АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

МАН-ын Удирдах зөвлөл маргааш хуралдана2 цаг 36 минутын өмнөБүгд Найрамдах Киргиз Улсын Сайд нарын танхимын дарга А.Жапаров Монгол Улсын Их Хурлын дарга Г.Занданшатарт бараалхлаа2 цаг 43 минутын өмнөӨнөөдөр цахилгааны хязгаарлалт хийж болзошгүй байршлууд2 цаг 49 минутын өмнөТөрийн банк: 46,7 сая төгрөг, нэмнээ хандивлалаа6 цаг 33 минутын өмнөД.Очирбатыг ЭМЯ-ны Төрийн нарийн бичгийн даргаар эргүүлэн томиллоо7 цаг 6 минутын өмнөУрьдчилан сэргийлэх, эрт илрүүлэг үзлэгийн 61-ээс дээш насны багцыг танилцуулж байна8 цаг 53 минутын өмнөЛ.Долгормаа: Анхааруулж, сэрэмжлүүлж байхад иргэд амь нас, эрүүл мэндээ эрсдэлд оруулаад байгаа нь харамсалтай8 цаг 57 минутын өмнөГССҮТ: Улаанбаатар төмөр замын төв эмнэлэгтэй хамтарна9 цаг 22 минутын өмнөЦахилгаан шугам тоноглолд засвар үйлчилгээ хийх гуравдугаар сарын хуваарь9 цаг 26 минутын өмнөХэнтий: “Энэ жилдээ Эрүүл жиндээ 2” аяны нээлттэй өдөрлөг боллоо2 сар 28. 8:48“Эмийн үнийн өсөлтийн шалтгаан, нөхцөлийг хянан шалгах” Түр хороо Эмийн хяналтын лабораторид ажиллав2 сар 28. 8:44Төв банкнуудын холбооны дээд түвшний хурал болов2 сар 28. 8:38Дэд сайд С.Энхболд Буриадын төлөөлөгчдийг хүлээж авч уулзлаа2 сар 28. 8:33УИХ-ын дарга Г.Занданшатар Бүгд Найрамдах Киргиз Улсын Парламентын дарга Н.Шакиевтай албан ёсны хэлэлцээ хийлээ2 сар 28. 8:26Өнөөдөр нохой өдөр2 сар 28. 8:18Цаг агаар: Улаанбаатарт өдөртөө 18 хэм хүйтэн2 сар 28. 8:15Хүүхдээ 2 нас хүртэл, ихэр хүүхэд бол 3 нас хүртэл харж буй эх /эцэг/-ийн ЭМД-ын шимтгэлийг төрөөс хариуцан төлнө2 сар 27. 14:34“Би Монгол хүүхэд” ёс заншлын наадам боллоо2 сар 27. 14:28БНЭУ-ын парламентын Лок Сабхагийн Ерөнхий нарийн бичгийн дарга Утпал Кумар Сингхтэй уулзав2 сар 27. 14:24Т.Баярхүү: Малчдад туслах хандивт нэгдэж байгаа хүмүүст талархал илэрхийлье2 сар 27. 12:16Ц.Доржготов: Хүний амьдрал бол нүгэлгүй орлогоор л гэдсээ тэжээх явдал юм2 сар 27. 12:07Хууль бусаар ашигт малтмал олборлосон хэргийг илрүүллээ2 сар 27. 12:03УИХ-ын дарга Г.Занданшатарын Бүгд Найрамдах Киргиз Улс дахь албан ёсны айлчлал эхэллээ2 сар 27. 11:58Бага ангийн залуу багш нарын дунд ур чадварын уралдааныг зохион байгууллаа2 сар 27. 10:005. Танд зориулав: Хоол хүнсний зохистой хэрэглээ2 сар 27. 9:57Гал түймрийн найман тохиолдол бүртгэгдэв2 сар 27. 9:54"Хүрэл тулга-2024" яруу найргийн наадам зохион байгууллаа2 сар 27. 9:33Элэгний “Д“ вирусийн халдвартай иргэдийг ОХУ-ын Буриад Улсад эмчилнэ2 сар 27. 9:28Боловсролын зээлийн сангаас олгосон 4.2 тэрбум төгрөгийн зээл төлөгджээ2 сар 27. 9:22Б.Мөнхтамир: 2023 онд 14 мянган транзит зорчигч тээвэрлэж, 13 тэрбум төгрөгийн орлого олсон2 сар 27. 8:41
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.