УНТЭ: Эс, эд, эрхтэн шилжүүлэн суулгах төвийн барилгын ажил энэ онд эхэлнэ


2-р сарын 8
9 цаг 21 минут

      Улсын нэгдүгээр төв эмнэлгийн хамт олон туулай жилийн ажлаа дүгнэж луу жилийн зорилтоо хэлэлцэх тайлангийн хурлаа хийлээ.  
УНТЭ-ийн ерөнхий захирал Б.Хишигжаргал тайлангийн хурлыг нээж хэлсэн үгэндээ “Манай хамт олон 2023 онд амжилт бүтээл ихтэй, салбартаа манлайлан ажилласан гэдгийг онцгойлон хэлмээр байна. Өнгөрсөн онд манай эмнэлгээс хоёр баг "Алло болон Ауто цусны үүдэл эс шилжүүлэн суулгах эмчилгээг Монгол Улсад нэвтрүүлсэн үр дүн", "Өвдөг, мөрний нөхөн сэргээх мэс заслын тусламж, үйлчилгээг Монгол Улсад нэвтрүүлсэн үр дүн" бүтээлээр Монгол Улсын Ерөнхийлөгчийн зарлигаар Төрийн шагнал хүртсэн. 
Бид өнгөрсөн онд иргэдэд үзүүлэх тусламж үйлчилгээний чанар, үр дүнд онцгой анхаарч ажилласан бөгөөд гүйцэтгэлийн санхүүжилтийн тогтолцоогоор олсон орлогоос 2023 онд 2,1 тэрбум төгрөгийг эмнэлгийн засвар үйлчилгээнд зарцуулсан.  ЭМЯ-ны хөрөнгө оруулалт 879 сая, өөрийн орлогоос 870 сая нийт 1,7 тэрбум төгрөгийг эмчилгээ, оношлогооны тоног төхөөрөмжөө шинэчлэхэд  зарцууллаа.


Энэ оны улсын төсөвт Эс, эд, эрхтэн шилжүүлэн суулгах төвийн барилгын ажлыг эхлүүлэхэд шаардлагатай 43 тэрбум, эмнэлгийн гадна фасад шинэчлэх 3,0 тэрбум, тоног төхөөрөмжийн шинэчлэлд 5,5 тэрбум төгрөгийг суулгуулсан.
Мөн Олон улсын атомын энергийн агентлагаас эмчилгээ, үйлчилгээнд нэн шаардлагатай Спект СТ аппарат авах 3,0 тэрбум төгрөгийн санхүүжилтийг шийдэж өгсөн сайхан мэдээг хуваалцаж байна. Төлөвлөсөн ажлуудаа амжилттай хэрэгжүүлж чадвал та бидний үзүүлж буй эмчилгээ, үйлчилгээний чанар, хүртээмж хэдэн шатаар ахих боломжтой болох юм" хэмээсэн. 
Тус эмнэлгийн Элэг шилжүүлэн суулгах баг 2023 онд 53 мэс засал хийж 200+, Бөөр шилжүүлэн суулгах баг 39 мэс засал хийж 300+, үүдэл эс шилжүүлэн суулгах баг хоёр мэс заслыг амжилттай хийж олон улсад энэхүү амжилтаа тайлагнан  “Эрхтэн шилжүүлэн суулгах олон улсын хурал”-ыг найм дахь жилдээ амжилттай зохион байгуулсан байна.


Өнөөдрийн байдлаар УНТЭ нийт 824 эмч, эмнэлгийн мэргэжилтний бүрэлдэхүүнтэйгээр ард иргэдэд эрүүл мэндийн төрөлжсөн мэргэшлийн тусламж, үйлчилгээг үзүүлж байгаа юм.  Хүний нөөцийн бодлого, эмч, мэргэжилтнүүдийн ур чадварыг нэмэгдүүлэх хүрээнд чадавхжуулах сургалтыг тогтмол зохион байгуулдаг бөгөөд 2023 онд 89 эмч, эмнэлгийн мэргэжилтнийг өндөр хөгжилтэй орны 15 байгууллагад сургалтанд хамруулжээ. Мөн 120 эмч, эмнэлгийн мэргэжилтэн Олон улсын хурал семинарт оролцсон байна.
Энэ онд тус эмнэлэг сувилагч, сувилахуйн мэргэжилтний ажлын ачааллыг бууруулах, тэдний нийгмийн асуудлыг шийдвэрлэх зорилт тавьсан бөгөөд уг зорилтдоо хүрэхийн тулд хэд хэдэн чухал арга хэмжээг авч хэрэгжүүүлэхээр төлөвлөжээ.


Тайлангийн хурлын үеэр эрхэлсэн ажилдаа амжилт гаргаж, иргэдийн эрүүл мэндийн төлөөх хариуцлагатай үүргээ нэр төртэй биелүүлж ажил үйлсээрээ  бусдыгаа манлайлсан шилдэг эмч, эмнэлгийн мэргэжилтнүүдэд ЭМЯ-ны болон Ерөнхий захирлын нэрэмжит шагналыг гардууллаа.  



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

МАН-ын Удирдах зөвлөл маргааш хуралдана3 цаг 30 минутын өмнөБүгд Найрамдах Киргиз Улсын Сайд нарын танхимын дарга А.Жапаров Монгол Улсын Их Хурлын дарга Г.Занданшатарт бараалхлаа3 цаг 36 минутын өмнөӨнөөдөр цахилгааны хязгаарлалт хийж болзошгүй байршлууд3 цаг 43 минутын өмнөТөрийн банк: 46,7 сая төгрөг, нэмнээ хандивлалаа7 цаг 26 минутын өмнөД.Очирбатыг ЭМЯ-ны Төрийн нарийн бичгийн даргаар эргүүлэн томиллоо8 цагийн өмнөУрьдчилан сэргийлэх, эрт илрүүлэг үзлэгийн 61-ээс дээш насны багцыг танилцуулж байна9 цаг 47 минутын өмнөЛ.Долгормаа: Анхааруулж, сэрэмжлүүлж байхад иргэд амь нас, эрүүл мэндээ эрсдэлд оруулаад байгаа нь харамсалтай9 цаг 50 минутын өмнөГССҮТ: Улаанбаатар төмөр замын төв эмнэлэгтэй хамтарна2 сар 28. 11:06Цахилгаан шугам тоноглолд засвар үйлчилгээ хийх гуравдугаар сарын хуваарь2 сар 28. 11:02Хэнтий: “Энэ жилдээ Эрүүл жиндээ 2” аяны нээлттэй өдөрлөг боллоо2 сар 28. 8:48“Эмийн үнийн өсөлтийн шалтгаан, нөхцөлийг хянан шалгах” Түр хороо Эмийн хяналтын лабораторид ажиллав2 сар 28. 8:44Төв банкнуудын холбооны дээд түвшний хурал болов2 сар 28. 8:38Дэд сайд С.Энхболд Буриадын төлөөлөгчдийг хүлээж авч уулзлаа2 сар 28. 8:33УИХ-ын дарга Г.Занданшатар Бүгд Найрамдах Киргиз Улсын Парламентын дарга Н.Шакиевтай албан ёсны хэлэлцээ хийлээ2 сар 28. 8:26Өнөөдөр нохой өдөр2 сар 28. 8:18Цаг агаар: Улаанбаатарт өдөртөө 18 хэм хүйтэн2 сар 28. 8:15Хүүхдээ 2 нас хүртэл, ихэр хүүхэд бол 3 нас хүртэл харж буй эх /эцэг/-ийн ЭМД-ын шимтгэлийг төрөөс хариуцан төлнө2 сар 27. 14:34“Би Монгол хүүхэд” ёс заншлын наадам боллоо2 сар 27. 14:28БНЭУ-ын парламентын Лок Сабхагийн Ерөнхий нарийн бичгийн дарга Утпал Кумар Сингхтэй уулзав2 сар 27. 14:24Т.Баярхүү: Малчдад туслах хандивт нэгдэж байгаа хүмүүст талархал илэрхийлье2 сар 27. 12:16Ц.Доржготов: Хүний амьдрал бол нүгэлгүй орлогоор л гэдсээ тэжээх явдал юм2 сар 27. 12:07Хууль бусаар ашигт малтмал олборлосон хэргийг илрүүллээ2 сар 27. 12:03УИХ-ын дарга Г.Занданшатарын Бүгд Найрамдах Киргиз Улс дахь албан ёсны айлчлал эхэллээ2 сар 27. 11:58Бага ангийн залуу багш нарын дунд ур чадварын уралдааныг зохион байгууллаа2 сар 27. 10:005. Танд зориулав: Хоол хүнсний зохистой хэрэглээ2 сар 27. 9:57Гал түймрийн найман тохиолдол бүртгэгдэв2 сар 27. 9:54"Хүрэл тулга-2024" яруу найргийн наадам зохион байгууллаа2 сар 27. 9:33Элэгний “Д“ вирусийн халдвартай иргэдийг ОХУ-ын Буриад Улсад эмчилнэ2 сар 27. 9:28Боловсролын зээлийн сангаас олгосон 4.2 тэрбум төгрөгийн зээл төлөгджээ2 сар 27. 9:22Б.Мөнхтамир: 2023 онд 14 мянган транзит зорчигч тээвэрлэж, 13 тэрбум төгрөгийн орлого олсон2 сар 27. 8:41
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.