Бүгд Найрамдах Киргиз Улсын Сайд нарын танхимын дарга А.Жапаров Монгол Улсын Их Хурлын дарга Г.Занданшатарт бараалхлаа


2-р сарын 28
17 цаг 45 минут

      Бүгд Найрамдах Киргиз Улсын Сайд нарын танхимын дарга А.Жапаров өнөөдөр (2024.02.27) Бүгд Найрамдах Киргиз Улсад албан ёсны айлчлал хийж буй Монгол Улсын Их Хурлын дарга Г.Занданшатарт бараалхав.

Уулзалтын эхэнд Бүгд Найрамдах Киргиз Улсын Сайд нарын зөвлөлийн дарга А.Жапаров Монгол Улсын Их Хурлын дарга Г.Занданшатарын айлчлал амжилттай үргэлжилж, хоёр улсын парламент хоорондын дээд хэмжээний айлчлалын давтамж хадгалагдаж буйд баяртай байгаагаа цохон тэмдэглэлээ.

Монгол Улсын Их Хурлын дарга Г.Занданшатар, Төв Азийн зүрхэнд орших байгалийн үзэсгэлэн  бүрдсэн “баян бүрд” бүхий Киргиз Улсын ард түмний ахуй амьдрал, хөгжил цэцэглэлтэй танилцах завшаан тохиож буйг онцлоод, 21 жилийн дараа Монгол Улсын парламентын тэргүүн ийнхүү айлчлал хийж байгаа нь хоёр улсын өндөр дээд, хэмжээний яриа хэлэлцээний давтамжийг хадгалахад чухал үүрэг гүйцэтгэж буйг тэмдэглэв.

Мөн тэрбээр энэхүү айлчлалын хүрээнд Киргиз Улсын Жогорку Кенешийн дарга Эрхэмсэг ноён Н.Шакиевтай “Монгол Улсын Их Хурал болон Бүгд Найрамдах Киргиз Улсын Жогорку Кенеш (Парламент) хоорондын хамтын ажиллагааны санамж бичиг” байгуулж, хоёр улсын парламентын байнгын зөвлөгөөний механизм байгуулах тохиролцоонд хүрсэнд сэтгэл хангалуун байгаагаа илэрхийллээ.

Хоёр улсын эдийн засгийн хамтын ажиллагааг шинэ агуулгаар баяжуулж, ялангуяа авто болон төмөр зам, агаарын тээврийн салбарт хамтран ажиллах, далайд гарцгүй орнуудын дамжин өнгөрөх тээвэр, худалдааны саад, бэрхшээлийг арилгах асуудлаар хамран ажиллах талаар тохиролцсоныг дурдав.

Бүгд Найрамдах Киргиз Улсын Сайд нарын танхимын дарга А.Жапаров, Киргиз, Монголын Засгийн газар хоорондын комиссын ээлжит тавдугаар хуралдааныг 2024 оны  II улиралд Бишкек хотноо зохион байгуулах бэлтгэлийг хангаж буй талаар дуулгаж, хоёр улсын хоорондын худалдааны эргэлтийг нэмэгдүүлэх, тус улсаар дамжуулан Төв Ази болон Евразийн эдийн засгийн холбооны зах зээлд монголын бараа бүтээгдэхүүнийг нийлүүлэх, харилцан ашигтай хамтын ажиллагааг өргөжүүлэх бололцоох бүрэн ашиглахыг санал болгож байлаа.

Түүнчлэн “Азийн авто замын сүлжээгээр олон улсын авто тээвэр гүйцэтгэх тухай Монгол Улс, ОХУ, БНХАУ-ын Засгийн газар хоорондын хэлэлцээр”-т Бүгд Найрамдах Киргиз Улс нэгдэхэд дэмжлэг үзүүлэхийг санал болгов.

Мал аж ахуйн салбарыг хоёр улсын хамтын ажиллагааны тэргүүлэх чиглэлийн нэг болгож хөгжүүлэх, цаашид мал аж ахуйн асуудал эрхэлсэн байгууллага хоорондын хэлхээ холбоог эрчимжүүлэхэд Бүгд Найрамдах Киргиз Улсын Засгийн газраас дэмжлэг үзүүлэн ажиллана гэдэгт итгэлтэй байгаагаа Монгол Улсын Их Хурлын дарга Г.Занданшатар тэмдэглэв.

Уулзалтын төгсгөлд Монгол Улсын төв банкны ерөнхийлөгч Б.Лхагвасүрэн, Бүгд Найрамдах Киргиз Улсын Үндэсний банкны дэд дарга Манас Жакыпов нар Монголбанк, Бүгд Найрамдах Киргиз Улсын Үндэсний банк хоорондын харилцан ойлголцлын санамж бичигт, Монгол Улсын Санхүүгийн зохицуулах хорооны дарга Д.Баярсайхан, Бүгд Найрамдах Киргиз Улсын Үндэсний банкны дэд дарга Манас Жакыпов нар Монгол Улсын Санхүүгийн зохицуулах хороо, Бүгд Найрамдах Киргиз Улсын Үндэсний банк хоорондын харилцан ойлголцлын санамж бичигт, Монгол Улсын Засгийн газрын хэрэгжүүлэгч агентлаг Мал эмнэлгийн ерөнхий газрын дарга А.Нарантуяа, Бүгд Найрамдах Киргиз Улсын Усны нөөц, хөдөө аж ахуй, боловсруулах үйлдвэрийн яамны харъяа Мал эмнэлгийн албаны дарга У.Кожобергенов нар Монгол Улсын Засгын газрын хэрэгжүүлэгч агентлаг Мал эмнэлгийн ерөнхий газар, Бүгд Найрамдах Киргиз Улсын Усны нөөц, хөдөө аж ахуй, боловсруулах үйлдвэрийн яамны харъяа Мал эмнэлгийн алба хоорондын мал эмнэлгийн үйлчилгээний салбарын харилцан ойлголцлын санамж бичигт, Монгол Улсын Хадгаламжийн даатгалын корпорацийн Гүйцэтгэх захирлын үүрэг гүйцэтгэгч, Евразийн бүсийн хорооны дарга С.Баатарсүрэн, Бүгд Найрамдах Киргиз Улсын Хадгаламжийн хамгаалалтын агентлагийн захирал К.Букуев нар Монгол Улсын Хадгаламжийн даатгалын корпораци, Бүгд Найрамдах Киргиз Улсын Хадгаламжийн хамгаалалтын агентлаг хоорондын харилцан ойлголцол, хамтын ажиллагааны санамж бичигт, Монгол банкны Нөөцийн удирдлага, санхүүгийн зах зээлийн газрын захирал А.Энхжин, "Киргизалтын" нээлттэй хувьцаат компанийн ТУЗ-ийн дарга К.Абдраймов нар Монголбанк, "Киргизалтын" нээлттэй хувьцаат компани хоорондын санамж бичигт тус тус гарын үсэг зурлаа.

Талууд  эдийн засаг, банк санхүү, тэр дундаа бүс нутаг хоорондын харилцааг дэмжих төмөр зам, тээвэр, соёл, боловсролын хөтөлбөр, аялал жуулчлал, хөдөө, аж ахуйг хөгжүүлэх, мал эмнэлгийн асуудал эрхэлсэн байгууллага хоорондын хамтын ажиллагааны талаар  санал солилцож улмаар санамж бичиг байгуулснаар талуудын хамтын ажиллагааны эхлэл, эрх зүйн үндэс бүрдэж байгааг харилцан нотлов хэмээн Улсын Их Хурлын Хэвлэл мэдээлэл, олон нийттэй харилцах газраас мэдээлэв.



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

УИХ-ын дарга С.Бямбацогт: Иргэдийнхээ орлогыг хамгаалж, амьжиргааг дэмжсэн төсвийг УИХ баталлаа3 цаг 32 минутын өмнөАТГ хэрэг бүртгэлтийн 1 хэрэгт 3 объектод нэгжлэгийн ажиллагаа явуулжээ3 цаг 35 минутын өмнөЕрөнхийлөгч У.Хүрэлсүх энхийг сахиулагчдыг төрийн одон, медалиар шагналаа4 цаг 55 минутын өмнөНийтийн тээврийн зарим чиглэлийг богино эргүүлж байна6 цаг 32 минутын өмнөЭХЗХ шийдвэрээ өөрчилж, 380В-ын хэрэглэгчдийн шөнийн цахилгааны хөнгөлөлтийг 3000 кВт.ц болгожээ7 цаг 1 минутын өмнөБ.Чимидийн нэрэмжит шагналд нэр дэвшүүлсэн бүтээлийг хүлээн авна8 цаг 57 минутын өмнөТөв цэнгэлдэх хүрээлэнд “Өвлийн идэш” өргөтгөсөн худалдааг зохион байгуулна9 цаг 33 минутын өмнөВ.Путин, Д.Трамп, Ши Жиньпин нарын уулзалтын талаар юу мэдэгдэж байна вэ?9 цаг 37 минутын өмнөГрекийн бурхад Ноён уулд, Хүннүгийн өв Миланд9 цаг 40 минутын өмнөХууль бусаар мод бэлтгэсэн гэмт хэрэг, зөрчлийн шинжтэй 13 үйлдлийг илрүүлэн шалгаж байна9 цаг 46 минутын өмнөСэрэмжлүүлэг9 цаг 51 минутын өмнөЦаг агаар: Улаанбаатарт өдөртөө цас орно, 7 хэм хүйтэн11 сар 16. 9:02Газрын тухай хуульд нэмэлт, өөрчлөлт оруулах тухай хуулийн төслийг анхны хэлэлцүүлэгт шилжүүлж, сурагчдын өдрийн хоолны үйлчилгээний талаарх асуулгын хариуг хэлэлцэв11 сар 14. 10:01“Сугалаагүй цэцэрлэг” бодлогын дүнд хүүхдийн хамран сургалт 96 хувьд хүрчээ11 сар 14. 9:02Шүүхийн шийдвэр гүйцэтгэх, прокурорын байгууллагын дотоод журмуудад хүний эрхийн үүднээс дүн шинжилгээ хийж танилцуулах чиглэл өгөв11 сар 13. 15:46Тендерийн сонсголын хүрээнд иргэд, олон нийтээс санал гомдол хүлээн авч байна11 сар 13. 15:43Байгууллагад 145,2 сая төгрөгийн хохирол учруулсан гэх хэргийг шүүхэд шилжүүлэх саналтайгаар прокурорт хүргүүлэв11 сар 13. 15:41Газрын тосны бүтээгдэхүүн хадгалах 3000 метр кубийн багтаамжтай нөөцийн сав ашиглалтад орлоо11 сар 13. 15:36Бүгд найрамдах Польш Улсын Сеймийн дэд маршал Дорота Ниэджиэла тэргүүтэй төлөөлөгчдийг хүлээн авч уулзлаа11 сар 13. 15:31Иргэдийн орлогыг хамгаалж, амьжиргааг дэмжих улсын төсөв батлагдлаа11 сар 13. 12:14Сангийн сайд асан Э.Бямбажав: Оюу толгойн борлуулалтын орлогыг Монголын банкинд төвлөрүүлж, үйлдвэрлэлээ санхүүжүүлдэг болгох ёстой11 сар 13. 11:04Монгол Улс COP17-ыг даргалагчийн хувиар хурлын үр дүнг Дэлхийн удирдагчдад танилцууллаа11 сар 13. 10:40Г.Жаргалсайхан: Цусан дахь сахарын хэмжээгээ тогтмол хянаж хэвшвэл диабетаас сэргийлж чадна11 сар 13. 10:19Аюулт үзэгдэл, ослын 93.9 хувийг хүний үйл ажиллагаатай холбоотой осол эзэлж байна11 сар 13. 10:13Хуулийн төслүүдийн хэлэлцэх эсэх хэлэлцүүлгийг явууллаа11 сар 13. 10:09“УБТЗ” ХНН энэ онд 35 сая тн ачаа тээвэрлэж, түүхэн дээд амжилт тогтоох төлөвтэй байна11 сар 13. 9:36Цаг агаар: Улаанбаатарт өдөртөө 2 хэм дулаан11 сар 13. 9:29ӨБХ: Иргэд, хуулийн этгээдээс ирүүлсэн өргөдөл, гомдлыг хэрхэн шийдвэрлэснийг сонсож, хэлэлцлээ11 сар 12. 16:29УИХ-ын дарга С.Бямбацогт БНСВУ-ын Үндэсний ассамблейн гишүүн, Хөдөө аж ахуй, байгаль орчны сайд Чинь Вьет Хунгийг хүлээн авч уулзав11 сар 12. 16:21Г.Занданшатар: Талийгаач Ш.Алтантуяагийн гэр бүл үнэнийг мэдэж, шударга ёсыг хүртэх эрхтэй11 сар 12. 15:32
Эхлэл  Редакцын бодлого  Холбоо барих
ANALIZ.MN © 2026 он. Зохиогчийн эрх хуулиар хамгаалагдсан.