Ирэх сараас төрийн албан хаагчдын цалин 10-40 хувь, тэтгэвэр 100 мянгаар нэмэгдэнэ

       Энэ 4 сарын 1-ээс хэрэгжиж эхлэх арга хэмжээнүүдийг танилцуулья:

ТӨРИЙН АЛБАН ХААГЧДЫН ЦАЛИНГИЙН НЭМЭГДЭЛ:

- Төрийн бүх албан хаагчдын цалинг 10%-иар,

- Нийтлэг үйлчилгээний ажиллагсдыг 20%-иар нэмэгдүүлэх,

Үүнд нийт 225.2 мянган хүн хамрагдана.

ОРОН НУТГИЙН НЭМЭГДЭЛ:

- Суманд ажиллаж байгаа төрийн захиргааны болон үйлчилгээний бүх албан хаагчдад сар бүр үндсэн цалингийн 40%-иар,

- Аймгийн төв болон нийслэлийн алслагдсан 3н дүүрэгт ажиллаж байгаа төрийн албан хаагчдад 20%-иар тус тус тооцож орон нутгийн нэмэгдэл олгоно.

- Орон нутагт болон нийслэлийн алслагдсан 3н дүүрэгт тогтвор суурьшилтай ажиллаж байгаа ТЗ, ТМҮ-ний албан хаагчид 5 жил тутамд нэг удаа 6 сарын цалинтай тэнцэх хэмжээний тэтгэмж авна.

Тэтгэвэр 100.000 төгрөгөөр нэмэгдэнэ.

Халамжийн тэтгэвэр, асаргааны тэтгэмжийг 10%-иар нэмэгдүүлнэ.