“Өсвөрийн парламент 2023” хөтөлбөрийн оролцогчид батламжаа гардан авлаа


5-р сарын 13
8 цаг 29 минут

        Монгол Улсын Их Хурлын дарга Гомбожавын Занданшатарын санаачилгаар гурав дахь жилдээ зохион байгуулж буй “Өсвөрийн парламент-2023” хөтөлбөр (2024.05.11) хаалтаа хийж, оролцогч хүүхдүүд, багш нар, хамтран ажилласан байгууллагуудад батламж гардуулах ёслолын ажиллагаа Төрийн ордонд боллоо.

“Өсвөрийн парламент-2023” хөтөлбөрийн Монгол Улсын Их Хурал, НҮБ-ын Хүүхдийн сан, Засгийн газрын хэрэгжүүлэгч агентлаг Хүүхэд, гэр бүлийн хөгжил, хамгааллын ерөнхий газар, Монголын Скаутын холбоо хамтран үндэсний хэмжээнд амжилттай зохион байгууллаа. Мөн Нийгмийн эрүүл мэндийн үндэсний төв, “Парламентын боловсрол” хөтөлбөрийн сургагч багш нар хөтөлбөрийг дэмжин ажиллав.

Батламж гардуулан ёслолын ажиллагаанд Улсын Их Хурлын дарга Г.Занданшатар, Улсын Их Хурлын гишүүн, Хөдөлмөр, нийгмийн хамгааллын сайд, Тогтвортой хөгжлийн зорилгын дэд хорооны дарга Х.Булгантуяа, Улсын Их Хурлын Ерөнхий нарийн бичгийн дарга Д.Энхбат, Улсын Их Хурлын Тамгын газрын Тэргүүн дэд дарга М.Үнэнбат, Улсын Их Хурлын Тамгын газрын дэд дарга, “Парламентын боловсрол” хөтөлбөрийн үндэсний зөвлөх Ц.Батбаатар, НҮБ-ын Хүүхдийн сангийн Монгол дахь Шадар суурин төлөөлөгч Ян Му, Швейцарын хөгжлийн агентлагийн дарга, Ерөнхий Консул Стефани Бурри, Улсын Их Хурлын Тамгын газрын Судалгаа, сургалтын хүрээлэнгийн захирал Ц.Цогзолмаа, Хүүхэд, гэр бүлийн хөгжил, хамгааллын ерөнхий газрын даргын албан үүргийг түр орлон гүйцэтгэгч Т.Ихтамир, Нийгмийн эрүүл мэндийн үндэсний төвийн захирал С.Өнөрсайхан, Монголын Скаутын холбооны хөтөлбөрийн дарга М.Мөнхдорж, “Өсвөрийн парламент 2023” хөтөлбөрийн зохицуулагч С.Бадмаараг болон албаны бусад хүмүүс оролцлоо.

Улсын Их Хурлын дарга Г.Занданшатар хэлсэн үгэндээ, “Ардчилал бол хүн төрөлхтний олон мянганы түүхэн сорилтоор бий болж, цаг хугацааны шалгарлын давсан хамгийн үнэ цэнтэй зүйл юм. Ардчиллын тулгуур суурь нь парламент бөгөөд парламентын ардчиллыг сахин хамгаалж, сайтар хадгалж, улам чамбайруулан хөгжүүлэхийн тулд түүний зарчим, мөн чанар, ач холбогдлыг нийгмийн оюун санаанд арилшгүйгээр суулгаж өгөх шаардлагатай юм. Учир нь ардчилал ихээхэн эмзэг бөгөөд хүн төрөлхтний түүхийн олон удаагийн сорилтоор эрсдэлд орж, нуран унаж байсан гашуун сургамжууд бий. Тиймээс ардчиллын тулгуур болсон парламентын боловсролыг өсвөр үеийнхэн, залуучууддаа олгож, хууль тогтоох, шийдвэр гаргах үйл ажиллагааны мөн чанар болсон ардчилсан зарчмыг ухамсарлуулах, улмаар нийгмийн хариуцлагатай, идэвх оролцоотой иргэдийг төлөвшүүлэх ажилд ардчилсан улс орон бүр онцгойлон анхаардаг.

Бидний явуулж буй “Парламентын боловсрол” хөтөлбөр ч мөн ялгаагүй, дэлхийн улс орнуудын нийтлэг жишгээр хүүхэд, залуучуудад ардчилал, хууль тогтоох үйл ажиллагаа, түүний суурь зарчмууд, парламентын ардчиллын үндэс суурь, арга хэрэгслүүдийн талаарх мэдлэг, хүний эрх, шударга ёс, эрх тэгш байх зарчмын цөм ойлголтуудыг өгч, энэхүү олж авсан мэдлэг, хандлагаараа гэр бүл, сургууль, найз нөхдөө үлгэрлэх боломж бүрдүүлэхэд чиглэдэг юм. “Мэдлэг бол хүч” бөгөөд иргэд, залуучууд зөв мэдлэгтэй байж гэмээнэ улс орон хүчирхэгждэг учиртай. Эх орныхоо ирээдүй болсон хүүхэд, залуусыг хүчирхэгжүүлэх бүрэн, зөв мэдлэг, мэдээлэл өгөхийг зорьдог парламентын боловсрол хөтөлбөрийн хамгийн том зорилго бол Монгол орныхоо өнцөг булан бүрд сурч, боловсорч байгаа хүүхэд залуусыг нэгтгэх, амьдарч буй нутаг, орчиндоо эергээр нөлөөлдөг, нээлттэй сэтгэж, хариуцлагатай байдаг, идэвхтэй иргэд болгож төлөвшүүлэх юм.” хэмээв.

Тэрбээр, Цаашид “Өсвөрийн парламент” хөтөлбөрийн агуулга, чанарыг тасралтгүй сайжруулж, илүү гүнзгийрүүлэхийн зэрэгцээ оролцогчдын хүрээг тэлж, өргөжүүлэхээр ажиллаж байгааг дурдаад  хөтөлбөрийн оролцогчдыг өөрсдийн сурсан мэдсэнээ бусдадаа түгээж, найз нөхөд, анги хамт олон, багш нар, нутаг орныхоо засаг захиргааны байгууллагатай хамтран бүтээлч ажлуудыг өрнүүлж, үе тэнгийнхэнтэйгээ хамтдаа хөгжих нь чухал. Үүнийг л оролцоо, нөлөөлөл, үлгэрлэл дуурайлал гэнэ хэмээн онцлон тэмдэглэлээ. Мөн “Эрүүл хүүхэд – Эрүүл орчин” сэдвээр зохион байгуулсан энэ удаагийн “Өсвөрийн парламент” хөтөлбөрт оролцогчдоос дэвшүүлсэн санал, санаачилгыг Улсын Их Хурал нэг бүрчлэн судалж, оновчтой, үр дүнтэй, дэвшилттэй, хүртээмжтэй хэлбэрээр ажил хэрэг болгоход анхаарч ажиллана гэдгээ илэрхийллээ.
    “Өсвөрийн парламент” хөтөлбөр НҮБ-ын Хүүхдийн сангийн жишиг хөтөлбөрийн нэгээр шалгарсныг Улсын Их Хурлын гишүүн Х.Булгантуяа онцлоод цаашид улам өргөжин олон улсад хэрэгжинэ гэдэгт итгэлтэй байна. Үе тэнгийнхэндээ эерэг нөлөөллийг үзүүлж чадахуйц идэвх, санаачилгатай, мэдлэгтэй, оролцоотой иргэдийг төлөвшүүлэхэд уг хөтөлбөрийн үүрэг чухал ач холбогдолтой гэв.

“Өсвөрийн парламент 2023” хөтөлбөрийн оролцогчид “Эрүүл орчин-Эрүүл хүүхэд” сэдвээр өөрсдийн дүүрэг, аймаг, сумандаа нөлөөллийн ажил, үнэлгээг зохион байгуулсан бөгөөд үр дүнг Нийгмийн эрүүл мэндийн үндэсний төвийн захирал С.Өнөрсайхан танилцууллаа.

Өвөрхангай аймгийн Мэргэд сургуулийн 11 дүгээр ангийн сурагч Г.Билгүүн, нийслэлийн Баянгол дүүргийн “Шинэ эхлэл” сургуулийн 9 дүгээр ангийн сурагч Х.Оюунхишиг нар хөтөлбөрт оролцсон сэтгэгдлээ хуваалцаж, үг хэллээ.

“Өсвөрийн парламент” хөтөлбөрийн 2022 оны төгсөгч Л.Жавхлантөгс, А.Тэлмэн, П.Нямгэрэл нар өөрсдийн шинэхэн зохиосон “Өсвөрийн парламент” дуугаар мэндчилгээ дэвшүүлэв.

“Өсвөрийн парламент 2023” хөтөлбөрийн оролцогч Ховд аймгийн 1 дүгээр сургуулийн 11 дүгээр ангийн сурагч Ц.Ариунзул, Ховд аймгийн Эрдэнэбүрэн сумын сургуулийн 10 дугаар ангийн сурагч М.Цэлмүүн нар “Амар байна уу” бүжгээр мэндчилэв.

Хамтрагч байгууллагуудыг төлөөлөн БХЕГ-ын Газарзүйн багшийн хөгжил хариуцсан арга зүйч, мэргэжилтэн “Парламентын боловсрол” хөтөлбөрийн сургагч багш Д.Нямсүрэн, Хэнтий аймгийн Хүүхэд, гэр бүлийн хөгжил, хамгааллын газрын Хүүхдийн хөгжил, оролцоо хариуцсан мэргэжилтэн Э.Цэнд, Нийгмийн эрүүл мэндийн үндэсний төвийн Орчны эрүүл мэнд, нөлөөллийн үнэлгээний албаны дарга Л.Нямсүрэн нар сэтгэгдлээ хуваалцлаа.

Энэ удаагийн хөтөлбөрт анх удаа Монгол Улсын өнцөг булан бүрээс шалгарсан 150 оролцогч оролцсон бөгөөд Үндэсний цэцэрлэгт хүрээлэнд “Өсвөрийн парламент” хөтөлбөрийн нэрэмжит төгөлтэй болсноороо онцлогтой. Энэхүү хөтөлбөрөөр НҮБ-ын Тогтвортой хөгжлийн зорилгыг хэрэгжүүлэхэд өсвөр үеийнхний оролцоог нэмэгдүүлэх, байгаль орчин ээлтэй амьдралын хэв маягийг хэвшүүлэх, уур амьсгалын өөрчлөлийн эсрэг үе тэнгийнхэндээ эерэг нөлөөллийг үзүүлэх чадварыг олгохыг зорьдог юм.

“Өсвөрийн парламент 2023” хөтөлбөр “Эрүүл хүүхэд-Эрүүл орчин” сэдвийн дор зургаан сарын хугацаанд оролцогчдод орчны эрүүл мэндийн чиглэлээр мэдлэг, мэдээлэл олгохын зэрэгцээ ардчилал, хүний эрх, эрх чөлөө, хууль тогтоох үйл ажиллагаа, парламентын боловсролыг олгож, шийдвэр гаргах түвшинд өөрсдийн дуу хоолойг үр дүнтэй хүргэхэд шаардлагатай мэдээллийг өгч чадсан юм хэмээн Улсын Их Хурлын Хэвлэл мэдээлэл, олон нийттэй харилцах газраас мэдээлэв.



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

Ховд аймгийн Булган суманд 14 сумын 300 гаруй малчин, хоршоологчидтой уулзлаа1 цаг 39 минутын өмнөБорооны өмнөх хүчтэй салхи, мөндөр, үер, усны аюулаас сэрэмжтэй байхыг онцгойлон анхааруулж байна2 цаг 52 минутын өмнөХас банкны төвийн бүсийн анхны хоршооны гишүүн малчны зээл Сэлэнгэ аймагт гарлаа4 цаг 41 минутын өмнөУБЦТС: Иргэд, олон нийтэд сэрэмжлүүлж байна4 цаг 48 минутын өмнөӨнөөдөр 22:00 цагаас эхлэн гурван чиглэлд шөнийн тээврийн автобус явна4 цаг 56 минутын өмнөГадаадад байгаа монголчууд саналаа өгч эхэллээ5 цаг 5 минутын өмнөМАН-ын Ерөнхий нарийн бичгийн дарга Д.Амарбаясгалан Говь-Алтай аймгийн Цогт, Цээл сумын иргэд сонгогчидтой уулзлаа6 сар 19. 21:10МАН-ын дарга Л.Оюун-Эрдэнэ салбар бүрийн төлөөлөл болсон нэр дэвшигчдийг багаар нь дэмжиж өгөхийг Сонгинохайрханчуудаас хүслээ6 сар 19. 16:26Шинэ хоршоо хөдөлгөөн амжилттай хэрэгжсээр байна6 сар 19. 13:27Авто зам дагуух үйлчилгээний цогцолборуудын мэдээллийг GoogleMap-д байршуулна6 сар 19. 13:03Хоршооны гишүүн малчны зээлийн нийт дүн 95 тэрбум төгрөг давлаа6 сар 19. 9:55Тэрбум мод үндэсний хөдөлгөөнийг дэмжих сантай хамтран дүүргийн 327 дугаар цэцэрлэгийн тохижилтын ажлыг хийлээ6 сар 19. 9:49Д.Энхцэцэг: Сонгуулийн үр дүнгээс шалтгаалж ажилгүй болчих гээд байгаа учраас л иргэдийн дунд талцал гарч буй юм6 сар 19. 9:44Өнөөдөр хууль, эрх зүйн зөвлөгөө үнэ төлбөргүй өгнө6 сар 19. 9:39Эмэгтэйчүүдийн эмгэгийн эмчилгээний практикт нэвтэрсэн дэвшилтэт аргуудаас хуваалцав6 сар 19. 9:33Үерт автсан 40 өрхөд зориулж 400 сая төгрөгийг шийдвэрлэлээ6 сар 19. 9:29“Хөгжлийн бэрхшээлтэй иргэдийн хөдөлмөр эрхлэлтийг дэмжих төв” нээлтээ хийлээ6 сар 19. 9:08Цаг агаар: Улаанбаатарт өдөртөө 26 хэм дулаан6 сар 19. 9:04Парламентын 10 багц ШИНЭЧЛЭЛ6 сар 18. 15:45Г.Сайханбаяр: Би нэрээ татахгүй6 сар 18. 13:31Голд живж байсан бага насны хоёр хүүхдийг аварсан иргэн өөрөө осолджээ6 сар 18. 9:39Буриад улсын эмч, эмнэлгийн мэргэжилтнүүд УНТЭ-т суралцаж, туршлага судлахаар иржээ6 сар 18. 8:53Улиас модны цагаан хөвөнг шатаахгүй байхыг анхааруулж байна6 сар 18. 8:48Цаг агаар: Улаанбаатарт өдөртөө 27 хэм дулаан6 сар 18. 8:43Зочид буудлын болон караокены өрөөнд камер байршуулсан 14 үйлчилгээний газарт прокурорын мэдэгдэл хүргүүлжээ6 сар 17. 14:24Бутаны Хаант Улсаас Монгол Улсад суух Элчин сайд Итгэмжлэх жуух бичгээ өргөн барилаа6 сар 17. 14:09Хөгжлийн бэрхшээлтэй хүний эрхийн зөрчлийг илрүүлэх механизм бүрдүүлэх сургалт болж байна6 сар 17. 14:06Эрүүл мэндийн даатгалд бүрэн хамрагдсан иргэн бүр жилд 1 удаа ЭМД-ын хөнгөлөлттэй үнээр сувилалд хэвтэн эмчлүүлэх боломжтой6 сар 17. 14:03Баян-Өлгий аймагт ажиллаж байна6 сар 17. 13:58Хамтарсан бэлтгэл нөхөрсөг тоглолт хийлээ6 сар 17. 13:54
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.