Ховор тохиодог соронзон шуурганы нөлөөгөөр дэлхий даяар туйлын туяа үзэгдлээ ~ Analiz.mn

ВАШИНГТОН, 2024 оны тавдугаар сарын 13 /CNN/. Наран дээрх цуврал дэлбэрэлтүүдээс үүдэлтэй соронзон шуурганы нөлөөгөөр дэлхий даяар нүд гялбам туйлын туяа үзэгдэв. Ховор тохиодог соронзон шуурга нь харилцаа холбоог тасалдуулж болзошгүй юм.

Хамгийн сүүлд 2003 оны 10 дугаар сард ийм хүчтэй нарны шуурга дэлхийг нөмөрч байсан гэж АНУ-ын Далай тэнгис, агаар мандал судлалын үндэсний газрын сансрын цаг агаарын урьдчилсан мэдээний төвөөс мэдээлсэн билээ.

Нарны идэвхжил ихэссэнээр дэлхийн туйлуудад "аврора бореалис" буюу хойд туйлын туяа, "аврора австралис" буюу өмнөд туйлын туяа үзэгддэг. Нарны титмээс шидэгдсэн бөөмсийн хэсгүүд нь Дэлхийн соронзон оронд хүрэх үед агаар мандалд байгаа хийнүүдтэй харилцан үйлчилснээр тэнгэрт өөр өөр өнгийн гэрэл үүсгэдэг байна.

Америкийн Чикаго хотын дээгүүр аврора бореалис үзэгдэж буй нь

Английн Шеффилд хотын ойролцоох чулуун тогтоцын орой дээрээс хойд туйлын туяаг харж буй хүн

Канадын Бритиш Колумб мужийн Маннинг паркийн усанд "аврора бореалис" тусаж буй нь

Шинэ Зеландын Крайстчерч хотын захад хүмүүс "аврора австралис"-ыг харж байна

Калифорнийн Берриесса нуурын дээгүүр туйлын туяа үзэгдэх үеэр онгоц нисэж буй агшин

Нидерландын Арландервин тосгоны дээгүүр туйлын туяа үзэгджээ

Словакийн Дебрад хотод туйлын туяаг харж байна

Швейцарын Ормон-Дессус хотод шөнийн цагаар нэгэн байшингийн дээгүүр туссан туйлын туяа

Оросын Омск мужийн Тара хотын тэнгэрийг туйлын туяа гэрэлтүүлж буй агшин

Австрийн Вена хотын дээгүүр туйлын туяа үзэгдлээ

Флоридагийн Форт-Лодердейл хотын орчимд

Английн Уитли-Бэй сууринд хүмүүс туйлын туяаны зургийг авч байна

АНУ-ын Мэн муж улсын Брансуик дахь фермийн байшингийн дээгүүр туйлын туяа харагдлаа

Чилийн Вильяррика галт уулын дээгүүр "аврора австралис" үзэгдэж буй агшин

Канадын Онтарио мужийн Лондон хотын ойролцоо хүмүүс туйлын туяаг харж байна. Туйлын туяа Канадын хойд бүс нутагт ихэвчлэн ажиглагддаг бол Онтариогийн өмнөд хэсэгт ховор үзэгддэг.