“Хүүхдийн хөгжил, суралцах үйл”-ийн загварыг танилцуулах сургалт хийлээ

     Сингапур улсын хөдөлмөр засалч Вай Минг тус төвийн тусгай хэрэгцээт боловсролын багш, нийгмийн ажилтан, сэтгэл зүйч нарт олон улсад хөдөлмөр засалч мэргэжилтнүүдийн түгээмэл ашигладаг “Хүүхдийн хөгжил, суралцах үйл”-ийн (The Pyramid of Learning by Williams and Shellenberger) загварыг танилцуулж, сургалт орлоо.

Сургалтаар хүүхдийн хөгжлийн үндсэн суурь чадварууд болох мэдэрхүйн бүхий л чадвар (харах, сонсох, амтлах, үнэрлэх, хүрэлцэх, хөдөлгөөний тэнцвэр, хөдөлгөөнөө анзаарах) бусад хөгжлийн чадваруудад хэрхэн яаж, нөлөөлдөг тухай, тоглоомын болон хөдөлгөөнт аргачлалаар дамжуулж тэдэнтэй хэрхэн харилцаж ажиллах тухай мөн түүнчлэн эцэг эх, асран хамгаалагчдын оролцоог хэрхэн үр дүнтэй хангах талаар тус тус чиглүүлэг өгч, мэргэжилтнүүдийн асуултуудад хариуллаа.