Ц.Элбэгдорж: Дайсан олоод сайн замд орсон улс орон гэж үгүй


5-р сарын 16
9 цаг 19 минут

         Хорин нэг

21 зураг гэж над руу баахан дайрч байна. Уг нь 21 Дарь Эх гэвэл. Улсын Ерөнхийлөгч нь Их Тэнгэр дэх төрийн хамгаалалттай зочид буудлаас зураг хулгайлжээ гэдэг үлгэрт ард түмэн итгэнэ гэж ленинчүүд бодоод байгаа юм байх. Энэ бол миний бодол санаанд байхгүй, зүүдэнд орохгүй зүйл. Гүтгэх юмаа олж гүтгэмээр юм.

1.Хүн эвдэрснийхээ хирээр сэтгэдэг. Зөвхөн коммунистууд, хулгайч сэтгэхүйд дадсан хүмүүс л ингэж бодож чадна. 1990 оноос өдийг хүртэл эрх чөлөөний үр жимсийг коммунистууд л уралдаж завшиж байгаа. Үйлдвэр, аж ахуй, хөдөө нэгдэл хоршоо бүгдийг тэр үеийн дарга алба тушаал, танил талаараа тонож эзэн суусан.

Эрх чөлөө, боломжийн үүдийг ардчилсан хувьсгал нээсэн. Завшсан нь коммунистууд, тэдний залгамжлагчид.

2.Тэр зураг гээчийн цаана эд юу ч олж долоохгүй. Ерөөс байхгүй зүйл. Эсвэл өөрсдөө хулгайлсан юмаа авч ирээд шахчихсан, дотор нь тавьчихсан л биш бол. Эс бол гүтгэж, бохир улс төрдөө ашиглаж байгаа. Харин бид төрөөс хулгайлахыг зогсоох ажлыг эхлүүлсэн. 1996 онд УИХ-д нэг суудал дутуу төрийн эрх авч байж, төрийн өмчийн тооллого бүртгэл явуулж МАХН-ын хорхойтсон баавгай шиг галзуурч байсан хулгайг хазаарласан юм. Түүнээс өмнө байсан бүхнийг эд хулгайлсан. Бүр Эрдэнэт үйлдвэрийн 51 хувь хүртэл тодорхой хүмүүст оччихсон байж билээ. "Зууны луйвар" гээд цуутай шуугиан тэр үед гарч байв.

3.Ардчилсан хувьсгалын жилүүдэд социализмын үеийн зураг шиг үнэ хүнд нь унасан юм ховор. Хар залуугаасаа зураг урлагт татагдаж, хайран юм гэж цуглуулсан.

Цуглуулагч хүн бол үнэлэмжтэй, сэтгэлтэй, өөрийн гэсэн нүд мэдрэмжтэй байдаг. Хэзээ ч хулгай хийдэггүй.

Хэрэггүй гээд хаясаныг ч цуглуулж, арчилж өөд татдаг. Сайн үзмэрүүд хувийн цуглуулгаас л эхэлдэг. Хулгайч цуглуулагч байх боломжгүй. Цуглуулагч хулгайч байх боломжгүй.

4.Тэр алга болсон гэх 21 зураг. 2008 оноос өмнө алдагдсан гэх албаны бүртгэл, тодорхойлолттой юм билээ. Манайх Их Тэнгэрт 2009 оны намар нүүж очсон. Одоогоос бараг хориод жилийн өмнө би "Зуун зураач, зуун зураг" нэртэй үзэсгэлэн гаргаж байв. Цуглуулага, галерейн эхлэл бол бүр түүнээс өмнөх ажил. Надад зураг хулгайлах шаардлага байхгүй. Цуглуулагаа олны гоо зүйн таашаалд хүргэхийг боддог. Европ болон урлагийн бүтээл үнэлдэг газарт гурван хаалганы нэг нь урлагийн галерей, үзэсгэлэн, худалдаа байх нь элбэг.

  1. Би сайн юм байвал олны сайн сайханд зориулна. Ихэнх цуглуулагчид цуглуулгаа тодорхой ангиллаар хадгалдаг.
  1. Үнэ цэнэтэй, хосгүй. Ийм зүйл эх нутагтаа үлдэх ёстой.
  2. Эргэлтэд байлгаж, сайжруулж хадгалах.
  3. Дуудлага худалдаа, солилцоо, арилжааны гэж. Орлого олвол олны үйлсэд зориулна гэж.

Би ч энэ хандлагыг баримтлахыг боддог. Зургийн гайгүй галерей Монголдоо үлдээнэ гэсэн бодол тээгээд 30 гаруй жил болж байна.

6.Хулгай худалд гүтгэгчид намайг дандаа буруу уншдаг. Хулгайч гэж уншдаг. Хулгайг үзэн ядаж байгаа бол өөрсдөө нэмж хулгай хийх ёсгүй. Гэтэл бодсоноосоо, хардсанаасаа илүү гарах гээд зүтгэчихдэг. Мааф гэж уншина. Бүр том мааф болно гээд буруу замаар ордог.

Ойрын өдрүүдэд "систем" гэж үг цээжилж авч. Тийм мууг илрүүлсэн юм бол түүнийг засаж өөрчилж, дахин давтахгүй байх ёстой. Гэтэл нөгөө системээ өөрсдөө байгуулах гээд галавсаадаж өгөх юм. Муу муухай юм байгаа бол түүнийг өөрчил, зас.

Өөрсдөө бүү хий, бүү давт. Сургамж аваад яв. Гэтэл яг эсрэгээр. Бүр далийгаад, үлгэрээ нэмж зохиогоод, улс гэрээ сүйдлээд байх юм. Дүгнэхэд, бусдаас сайныг нь олж харж, түүнийг улам сайжруулахыг хичээвэл зөв болно.

7.Сайн удирдагч бол сайныг бүтээх, сайн соёл үлдээх гэж зүтгэдэг. Муу улс төрч бол "дайсан" олдог, бүтээдэг юм байна. Дайсан олоод сайн замд орсон улс орон гэж үгүй юм. Үндэсний эв нэгдлээ цуулдаг юм байна. Эрүүл өрсөлдөөн, мэтгэлцээнийг учир утгагүй болгох юм. Хөгжил дэвшилд хөтлөх сайн сайхан бүхнийг үргээж хөөдөг юм байна. Улс төрчийг шинжие гэвэл улс төрд орсон үе, арга, зорилгыг нь хар. Дайсан хөөцөлдөж, хутга ханцуйлж улс төрд ирсэн хүнээс сайн юм хүлээх хэрэггүй.

Хэмжээлшгүй их эрх мэдэл, мөнгө төгрөгтэй байгаад ч сайн замд улс орноо хөтөлдөггүй юм байна.

Хорин нэгэн зураг ярьж энэ бяцхан бичвэрийг эхлүүлсэн. Олон жил улс төрд яваад, одоо эргэж улс төрөөр чангаалгаж суугаа хүний хувьд, өөртөө ч баярлах шиг. Би олны үйлсийн төлөө зүтгэсэн цагаасаа коммунистуудын наркозгүй хагалах ширээн дээр ил явсан. Намайг эд хараанаасаа салгасан удаагүй. Одоо сүүлд нь зураг гэж улиг үлгэрээ давтан гинших боллоо. 21 гэнэ үү, 7 гэнэ үү, нэг зурагтай ч болов холбох гэж чичрэх юм. Хуулийн байгууллагыг хөлдөө чирч, улс төрдөө ашиглах гэж аашлах нь хайран санагдана.

Би "09"-ын оролцоотой 21 их наяд, бас 21 их наяд, нэмээд 21...их наядын хулгай сүйтгэлийн тухай ярьж байгаа юм. Энэ байдлыг засах өөрчлөх тухай. Энэ тухайгаа ч бичсэн. Цаашид ч өөрчлөх гэж явна.

Эд дэлбэрсэн их хулгайгаа дарахын тулд, түүнийг яриулахгүй гэж над руу дайрч байгаа юм. Дайсан болгож Эх орончид , эрх чөлөөг эрхэмлэгчдээ дарж ирсэн зам бол коммунистуудын зам. Ард түмнээ сүйдэлж, албан тушаалаа хадгалах адын санаа ленинчүүдээс л гарна. Монгол улс эднээс салаагүй цагт нар үзэхгүй. Ардчилал Монголд ирээд буруудсан юм биш. Ардчиллаас коммунизм явахгүй байгаа учраас Монгол улс өгсөж өөдлөх замдаа орж чадахгүй байна. 21 зураг гэснээс би армийн 021 дүгээр ангид цэргийн алба хааж байв. Цэрэг хүн Эх орныхоо эсрэг явдаггүй. Эх орныхоо төлөө гэж Тангараг өргөдөг.

 

2024 оны 5 дугаар сарын 15

Монголын Цахиагийн Элбэгдорж



АНХААРУУЛГА: Уншигчдын бичсэн сэтгэгдэлд analiz.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих





Шинэ мэдээ

Ховд аймгийн Булган суманд 14 сумын 300 гаруй малчин, хоршоологчидтой уулзлаа7 минут 19 секундын өмнөБорооны өмнөх хүчтэй салхи, мөндөр, үер, усны аюулаас сэрэмжтэй байхыг онцгойлон анхааруулж байна1 цаг 21 минутын өмнөХас банкны төвийн бүсийн анхны хоршооны гишүүн малчны зээл Сэлэнгэ аймагт гарлаа3 цаг 10 минутын өмнөУБЦТС: Иргэд, олон нийтэд сэрэмжлүүлж байна3 цаг 17 минутын өмнөӨнөөдөр 22:00 цагаас эхлэн гурван чиглэлд шөнийн тээврийн автобус явна3 цаг 25 минутын өмнөГадаадад байгаа монголчууд саналаа өгч эхэллээ3 цаг 34 минутын өмнөМАН-ын Ерөнхий нарийн бичгийн дарга Д.Амарбаясгалан Говь-Алтай аймгийн Цогт, Цээл сумын иргэд сонгогчидтой уулзлаа6 сар 19. 21:10МАН-ын дарга Л.Оюун-Эрдэнэ салбар бүрийн төлөөлөл болсон нэр дэвшигчдийг багаар нь дэмжиж өгөхийг Сонгинохайрханчуудаас хүслээ6 сар 19. 16:26Шинэ хоршоо хөдөлгөөн амжилттай хэрэгжсээр байна6 сар 19. 13:27Авто зам дагуух үйлчилгээний цогцолборуудын мэдээллийг GoogleMap-д байршуулна6 сар 19. 13:03Хоршооны гишүүн малчны зээлийн нийт дүн 95 тэрбум төгрөг давлаа6 сар 19. 9:55Тэрбум мод үндэсний хөдөлгөөнийг дэмжих сантай хамтран дүүргийн 327 дугаар цэцэрлэгийн тохижилтын ажлыг хийлээ6 сар 19. 9:49Д.Энхцэцэг: Сонгуулийн үр дүнгээс шалтгаалж ажилгүй болчих гээд байгаа учраас л иргэдийн дунд талцал гарч буй юм6 сар 19. 9:44Өнөөдөр хууль, эрх зүйн зөвлөгөө үнэ төлбөргүй өгнө6 сар 19. 9:39Эмэгтэйчүүдийн эмгэгийн эмчилгээний практикт нэвтэрсэн дэвшилтэт аргуудаас хуваалцав6 сар 19. 9:33Үерт автсан 40 өрхөд зориулж 400 сая төгрөгийг шийдвэрлэлээ6 сар 19. 9:29“Хөгжлийн бэрхшээлтэй иргэдийн хөдөлмөр эрхлэлтийг дэмжих төв” нээлтээ хийлээ6 сар 19. 9:08Цаг агаар: Улаанбаатарт өдөртөө 26 хэм дулаан6 сар 19. 9:04Парламентын 10 багц ШИНЭЧЛЭЛ6 сар 18. 15:45Г.Сайханбаяр: Би нэрээ татахгүй6 сар 18. 13:31Голд живж байсан бага насны хоёр хүүхдийг аварсан иргэн өөрөө осолджээ6 сар 18. 9:39Буриад улсын эмч, эмнэлгийн мэргэжилтнүүд УНТЭ-т суралцаж, туршлага судлахаар иржээ6 сар 18. 8:53Улиас модны цагаан хөвөнг шатаахгүй байхыг анхааруулж байна6 сар 18. 8:48Цаг агаар: Улаанбаатарт өдөртөө 27 хэм дулаан6 сар 18. 8:43Зочид буудлын болон караокены өрөөнд камер байршуулсан 14 үйлчилгээний газарт прокурорын мэдэгдэл хүргүүлжээ6 сар 17. 14:24Бутаны Хаант Улсаас Монгол Улсад суух Элчин сайд Итгэмжлэх жуух бичгээ өргөн барилаа6 сар 17. 14:09Хөгжлийн бэрхшээлтэй хүний эрхийн зөрчлийг илрүүлэх механизм бүрдүүлэх сургалт болж байна6 сар 17. 14:06Эрүүл мэндийн даатгалд бүрэн хамрагдсан иргэн бүр жилд 1 удаа ЭМД-ын хөнгөлөлттэй үнээр сувилалд хэвтэн эмчлүүлэх боломжтой6 сар 17. 14:03Баян-Өлгий аймагт ажиллаж байна6 сар 17. 13:58Хамтарсан бэлтгэл нөхөрсөг тоглолт хийлээ6 сар 17. 13:54
Эхлэл  Редакцын бодлого  Холбоо барих
ANALIZ.MN © 2024 он. Зохиогчийн эрх хуулиар хамгаалагдсан.