“Үндэсний номын баяр-2024” өдөрлөг Сүхбаатарын талбайд 2024 оны 05 дугаар сарын 18-20-ны өдрүүдэд зохион байгуулагдсан ба Чингэлтэй дүүргийн Хүүхэд хөгжлийн цогцолборын баг бүрэлдэхүүн номын баярт оролцож, хуран цугласан иргэд, хүүхэд багачуудад "Ботгохон" явуулын номын сангаар үйлчилгээ үзүүлж, давхардсан тоогоор нийт 1000 гаруй иргэд, хүүхэд багачуудад үйлчиллээ.
Үндэсний номын баяр үйл ажиллагааг санаачлагч “Номын ертөнц” ТББ-ын захирал Б.Сувдтай хамтран “Өсвөр насныханд зөвлөх амттай 50 зохиол”-оор үзэсгэлэн гаргаж мөн уг зохиолуудаар Чингэлтэй дүүргийн ерөнхий боловсролын сургуулийн сурагчдын дунд зургийн уралдаанд зарлаж, ирүүлсэн бүтээлүүдээр зургийн үзэсгэлэн гаргасан ба нийт 258 бүтээлийг олон нийтэд сурталчилан оролцлоо.
Чингэлтэй дүүргийн хүүхэд хөгжлийн цогцолбор нь “Номын сайн нөхөр” улсын уралдаанд шилдэг үйлчилгээтэй номын сангийн төрөлд амжилттай оролцож нийт 1509 номын сангаас шалгарч 2024 оны УИХ-ын даргын нэрэмжит “Шилдэг номын сан”-аар шалгарсан юм.
Сэтгэгдэл бичих