Маргаан дагуулж олон нэр дэвшигч нь нэрээ татаж байгаа АН-ын нэр дэвшүүлэх үйл ажиллагаа хууль зөрчсөн талаар зарим гишүүд нь яриад эхэлжээ. Сонгуулийн тухай хуулиар намууд нэр дэвшүүлэгчдээ тодруулсан тогтоолоо 2024 оны тавдугаар сарын 20-ны 24.00 цагаас өмнө олонхийн саналаар батлах ёстой.
Гэтэл АН-ын ҮБХ-ны хурал ямар ч санал хураалтгүйгээр 23.57 минутад бөөн үймээн самуун бужигнаан дунд эцэслэн батлагдагдаагүй нь цахим орчинд цацагдсан. Энэ талаар УИХ-ын гишүүн асан, АН-ын ҮБХ-ны гишүүн З.Нарантуяа лайв дамжуулалтаар мэдэгдсэн төдийгүй өөрийн цахим хуудастаа бичжээ. Тэрбээр “Хурлын” дарга, намын удирдлага нь хуйвалдааны жагсаалтаа аваад зугатаасан хоосон зааланд заалнаас чин сэтгэлээсээ дэмжиж, харамсч байсан журмын олон нөхдүүд Та нартаа маш их баярлалаа. Өнөөдөр ямар ч санал хураалт, нэр дэвшүүлэлт болоогүй. Ийм л хурал болов. АН ийм болтлоо дампуурахыг харах үнэхээр гунигтай байлаа” гэж бичиж үлдээжээ.
Анхнаасаа ийнхүү хууль зөрчсөн нь баримтаар үлдсэн тул АН энэ удаагийн УИХ-ын сонгуульд оролцох эсэх асуудлыг залуучууд нь сөхөөд эхэлжээ.
Сэтгэгдэл бичих