Зээлийн батлан даалтын сангийн баг Говь-Алтай аймгийн Төрийн банк, Хаан банкуудтай хамтран Чандмань, Дэлгэр, Халиун, Эрдэнэ, Есөнбулаг сумуудын хоршоодын зээлийн судалгааг хийн ажиллаж байна. “Шинэ хоршоо” хөдөлгөөний анхны Хаан банкны зээлийг "Хулман нуур хос" хоршоо батлан даалттай зээлд хамрагдан авч байна. Тус хоршоо нь хүнсний дэлгүүр, түүхий эд болон мах махан бүтээгдэхүүнийг бэлтгэн, худалдан борлуулах чиглэлээр 2017 онд 10 гишүүнтэйгээр үүсгэн байгуулагджээ. Тус хоршоо жилд 500 тн мах махан бүтээгдэхүүнийг үйлдвэрлэх хүчин чадалтай махны үйлдвэр, хөргүүр бүхий агуулахыг Говь-Алтай аймгийн Тонхил суманд барьж байгуулах, хүн амын хүнсний гол нэрийн бүтээгдэхүүнийг стандартын шаардлагад нийцүүлэн боловсруулан ажиллахаар төлөвлөж байна.
Сэтгэгдэл бичих