МАН, АН тэргүүтэй намууд УИХ-ын 2024 оны сонгуульд нэр дэвшигчдийнхээ материалуудыг өнөөдөр (2024.05.25) СЕХ-д хүлээлгэн өгсөн. АН-ын хувьд, өнгөрсөн даваа гарагт ҮБХ-оо хуралдуулж, нэр дэвшигчдээ хуулийн хугацаанд тодруулсан ч тэр шөнөдөө өөрчлөлт оруулж будилаан хутгасан гэх мэдээлэл хэвлэлүүдэд гарсан. Хэдийгээр нам дотроо багагүй зөрчилдөж, ирэх сонгууль буюу их тулааны өмнөх нам гүм байдлыг АН-ынхан ийнхүү эвдсэн ч нэр дэвшигчдийнхээ материалыг өнөөдөр (2024.05.25) хоёр хувилбараар СЕХ-д хүлээлгэн өглөө.
АН-ын нэр дэвшигчдээс олны анхаарлыг хамгийн их татаж буй эрхэм бол ТЕГ-ын дарга асан, хошууч генерал Батын Хурц. Б.Хурцыг 10 дугаар тойрог буюу Чингэлтэй, Сүхбаатар дүүрэгт нэр дэвшүүлэхийг АН-ын ҮБХ 2024 оны тавдугаар сарын 20-ны хуралдааны үеэр нийт гишүүдийнхээ саналаар баталгаажуулсан. Энэ нь ёсоор болж СЕХ-д нэрсийг нь хүлээлгэн өгсөн нэр дэвшигчид дунд түүний нэр багтжээ.
АН-ын ҮБХ 2024 оны тавдугаар сарын 20-нд хуралдаж, Б.Хурцыг 10-р тойрог буюу Чингэлтэй, Сүхбаатар дүүрэгт нэр дэвшүүлэхийг баталгаажуулж буй нь
Өөрөөр хэлбэл, АН-ын ҮБХ-ны албан ёсны тамга тэмдэгтэй, тус хорооны тэргүүлэгчид болох Ж.Батсуурь, Ж.Баярмаа, Б.Гарамгайбаатар нарын гарын үсгээр баталгаажуулсан материалд ТЕГ-ын дарга асан, хошууч генерал Б.Хурцын нэр багтаж, АН-аас түүнийг УИХ-ын 2024 оны сонгуульд нэр дэвшүүлэхээр болсныг ийнхүү баталгаажуулжээ.
Г.Болор
Сэтгэгдэл бичих