“Шатар” -ын спорт хүн бүрт тэгш боломж олгодог

     Казахстан Улсад зохиогдож дууссан 26 дахь өсвөрийн шатарчдын Ази тивийн аварга шалгаруулах тэмцээний үеэр манай өсвөрийн шатарчин хүү чөлөөт цагаараа өөрөөсөө хэд ах залуустай тоглож буй гоё зураг.

“Шатар” -ын спорт хүн бүрт тэгш боломж олгодог. Нас, хүйс хамаарахгүй тул оюун ухаанаараа өрсөлдөж “хэн” ч “хэдэн ч насандаа” дэлхийд тэмүүлж сэтгэх нь нээлттэй.

Эрт дээр үеэс эхлээд өнөөг хүртэл шинжлэх ухаанчид, нэрт улс төрчид, хуульчид тэр ч бүү хэл алдартай зураачид гээд бүхий л салбарын лидерүүд “шатар” -аар хичээллэж байсныг түүх өгүүлдэг.

Зуун, зуун дамжсан баялаг түүхт шинжлэх ухаан, урлаг, спортын цогц гэгдэх “шатар” -аар дамжуулан эх орноо тив, дэлхийд мандуулж яваа цөөн үгтэй, тод үйлтэй шатарчдаараа бид үргэлж бахархана.

Тун удахгүй энэ аугаа спортоор бүх насаараа хичээллэж ирсэн “ахмад” шатарчдын Ази тивийн аварга шалгаруулах тэмцээн түүхэндээ анх удаа МОНГОЛ УЛСАД 8 сарын 9-19 хооронд зохиогдох гэж байна.