ГХЯ-ны ТНБД-ын суудал Ц.Нямдоржийн хүүгээс Н.Болормаагийн хүүгийн мэдэлд шилжжээ

ГХЯ төрийн өндөр албан тушаалтнууд болон энэ хэмжээний албан тушаал хашиж явсан хүмүүсийн хүүхдүүд, ойр дотныхноор дүүрсэн тухай яригдаад олон жил болж байна. Хууль зүй, дотоод хэргийн сайд асан Ц.Нямдоржийн хүү Н.Анхбаяр, Үндсэн хуулийн Цэцийн дарга асан М.Амарсанаагийн хүү А.Төмөр, УИХ-ын гишүүн асан Н.Энхболдын хүү Э.Одмөнх, УИХ-ын гишүүн асан Н.Болормаагийн хүү Л.Мөнхтүшиг нар тус яаманд удирдах албан тушаал хашиж байсан. Засгийн газрын яам, агентлагуудад албан тушаалын “бялуу” хуваарилалт ид өрнөж буй энэ үед ГХЯ-ны Төрийн нарийн бичгийн даргын үүрэг гүйцэтгэгчээр тус яамны Консулын газрын дарга асан Л.Мөнхтүшигийг томилжээ. Өөрөөр хэлбэл, Н.Анхбаяр Монгол Улсаас НҮБ-ын дэргэд суух Байнгын төлөөлөгч болсон учраас түүний суудал ийнхүү Л.Мөнхтүшигт шилжжээ.